Zomi Huam ~ Pu Zokhai

Sanggamte,
Tamveipi akisuut, akinial ziazua khinsa Zomi Huamna-pen kei leh khangno honkhat-in:

Zomi

“Awsuah: Dim, Saáizaang, Teizaang, Siyang, Losau, Khuano, Zo, Thado, Hualngo, Paite, Simte, Vaaiphei, Gaangte, Ngawn,….

“Mun/Kuam: Tedim, Tonzaang, Chikha, Lamka (Churachandpur District), Sialkal Taangdung, Hualngo Kual, Ngawn Kual (Falam khuapi-seh pang-khat), Kawlpi khuapi-seh khenkhat, Tamu khuapi-seh khenkhat…

Hihteng ahihi. Hih pualam-a omte “Zomi” kici nuamlo, hong langpan zawzek ahihteh “Zomi hikei” akici ahihi (absolute concrete event & evidence tung-ah kinga).

Hih thu-pen Zomi ataangpi-in asaang khin-a I-seh simsim kawmkaal-ah “Toiilua, neuseek, …” ci-a angaihsun, apulaak ki-om laailaai ahihman-in, toiilua asate’ tung-ah dotna nengcik nei dihni:

• Zomi cihteh Chin State buppi huam ahihleh banghang-a Chin State represent-a Chin min-tawh mapangte’ lak-ah luut nuamlo/ngamlo/zolo?
• Zomi cihteh Chin State buppi “Huamhi” cihpen banghang-a Laimite’ lak-ah pulaak ngamlo pipi-a Zomite’ lak-ah pulaak dangdang denkeei? Bang phatuamding?
• Zomi cihteh Chin khempeuh cihcihleh Zomite’ lak bek-ah banghang-a gamta, banghang-a Zomi akici khinsate’ lak bek-ah athukhual bang-a pau kankan-a Laimi lak-ah luut zo tuanlo?

Hih dotna ahong dawng theilo pipi-a Zomi-in Chin State buppi acicite’ uplehsaanna-pen akhial ahihna kipsa pahni, Zomi khangthakte-in!

Zomi Pasian’ Thupha!

Zokhai
60 Narr-Maen Drive
Croydon Hills VIC 3136
Melbourne, AU
Tel: +61 39723 0460
Mob: +61 420 800 560