Paris khuapisung aom Orly Airport ah galkapte’n migilo khat kaplum
France, Paris khuapi sung aom Orly Airport ah Allah pasian adingin asiding in aki gingsa in ka om acikhat vanlengtual sungah Security Alert piangsak, buaisak ahih manin palik te’n kaplum uh cih AFP News pan kiza hi. Paris khuapi ah Saturday (Mar 18) ni in thupiang hi a, nawngkaina apiangsakpa minpen Ziyed Ben Belgacem kici hi.
Ziyed Ben Belgacem pen kum 39 aphakhin French National khat hi a, numei galkapkhat alu ah thau ngakin mancip a, tuanu ii Assault Rifle zong suhsak hi ci’n Paris prosecutor Francois Molins in Press Conference ah genkhia hi.
Numei galkapnu pen kidalnading in zangin, agalpanin thautawh a ngimsa in aom galkapte kiangah nathau uh khia uhla, nakhut uh nalutung ah koih un. Keipen Allah pasian adingin asiding in aki thawikhin hi’ng. Bangbang ahi zongin mihing te pen asihloh phamawh hi ci’n tua thautawi migilopa in France kumpi galkap te otsan cihi.
Galkap numeikhat kidalnading in azatpen tuani thakhatthu in anuai ah khukdinsukvat ahih manin, agalpan alawmte’n tua thautawipa nakaplum theipah bilbel uh cihi.
Hih thautawi migilopa pen athungkuah Backpack sungahzong namgimtui “Petrol Can” leh Koran laisiangtho bukhat puakhawm hi ci’n thunei te’n genkhia uhhi.
Hihpa pen nidang inzong Criminal Record aneingei khat hi a, Radical Islam tawh kizopna omding in aki ummawhkhat ahihi.
Hihpa mahin nung Saturday ni in Northern Paris, Garges-les-Gonesse ah thautawh palik te kapin Officer khat alu liamsak khin hi.
France (Piancit) gamsung pen 2015 January kha akipan gamsung migilo te buaisakna tampi thuakto uh a, mi 230 bangin sihlawhkhin uhhi.
Related: Eiffel Tower pen $21.4 Million bei in Bulletproof Glass tawh dai kikaiding ~ ZD
Nungdiak mahmah Thursday ni inzong Paris khuapisung aom International Monetary Fund ah “Letter Bomb” khat puakkham in nasemkhat in liamlawh hi. Migilo te lauman mahin Eiffel Tower zong $21.4 Million beiliang in thautangin apailet zoloding “Bulletproof Glass” thuahding cimawk hi. ZD Sawltak #zomidaily
Comment piaknop aomleh...