Zomi Galkap te’n Kawlgam Kumpi Ahutna

Zomi Galkap te’n Kawlgam Kumpi Ahutna

1948 December: Kyaitkhami leh Thanthon gam ah Karen leh Monte in kumpi langpang.

1949 January: Tapong Bo Naw Saing Karen tapong tawh kipawl, Mandalay leh Maymyo khuate la.(Capt. Suan Do leh Lt. Gin Za Langh te zong galte khut sungah tawlkhat om uh)

1949 January: Prome pan, Karen tapong 3,000 Insein tung, Yangon lak sawm.

1949 February: Karen tapong, Mon tapong, Kachin tapong te’n Kawlgam bup la, Yangon khua bek bit lai.

1949 January: Lt. Col. Hrang Thio uk 1st Chin Rifles in, Insein leh Thamaing pan Karen tapongte do kipan hi.

1949 January: 15 ni’n 2nd Chin Rifles CO Lt. Col. Son Kho Pau leh Battalion bupin Karen gal do di’n Moulmein pai.
2nd Chin Rifles in, Moulmein leh Thahton gal zo.

Gen. Newin in, 2nd Chin Rifles CO Lt. Col. Son Kho Pau tung’ sikkhau sat, “Insein gam a om Karen 3,000 te 1st Chin Rifles bekin zo lo, 2nd Chin Rifles te Yangon ah ni 3 sung kikhin un, vanleng 4 tawh hong nawn sak ning” ci.

16-17/3/1949 sung 2nd Chin Rifles te vanleng 4 tawh ki nawn, Yangon tungkim. Kyugone, U Setkya sang leh Sawtaat setzungte lakik pah.

Galte gaal panna a hoih peen, a haksapeen (Duck Egg Hill) peen 1st Chin leh 2nd Chin kigawm in, 10/4/1949 ni’n lakik zo. (Kawl galkap te’n gal ado pih ngam loh uh hang, Zomite gualzawh hun ciang, Zo galkapte tawh gualzo khawm bangin, thakhat in lut aa, galzawh min pua uh hi).

1st Chin 14 si, 36 liiam. 2nd Chin Officer 2 leh nautaang 5 si, 13 liam

1949 January pan 31/5/1949 sung 1st Chin leh 2nd Chin kigawm iin, Insein gal ah a si a liiam 300 val pha hi.

Asi a liam a tam luat ciang, Col. Dal Za Kam in thuak zolo in, zumpi ah, “Hih tualgal pen, Kawlte leh Karen mite, minam kidona himawk a hihteh, Zomite’n gal mai ah gal sim lo-in, a nunglam ah (garrison duty) ki sem sak hen” ci-in a nget ciang, galkap ulian te’n diksa lo-in Pension tawh tawpsak (force to retire) hi.

From. Lt.Col. Thian Kho Khai’ sih vaikhakna