Mawtaw khatin singkung taihkha in tumnih kisuah, ahawlpa silo

Mawtaw khatin singkung taihkha in tumnih kisuah, ahawlpa silo

Malaysia, Sabah State sung Tamparuli ah mawtaw khatin singkung taihkha in, tuahsiagawp a, amawtaw pen tumnih kisuah leulauliang hi. Ahi zongin ahawlpa pen silo in, silo bekthamlo, liamngawh luatna omlo cih NST pan kiza hi.

Tamparuli, Telibong Plant ngeinai aom Jalan Lakang kici lamzikpi tungah zannitak in atuahsia ahihi.

Nitaklam 11:10pm hunpawl in pasal kum 32 aphakhin khatin Proton Wira mawtawkhat ahawl laitak in atuahsia ahihi. Mawtaw pen hatsaklua, Lost Control ahih manin, lamzikpi gei ah apo singkungkhat hattak in taihkha hi.

Mawtaw ahawlpa genna ah manlanglua in, bangci bangin taihkha cihzong kaphawk mankei hi. Ka mawtaw amailam ki tankhia in, tumnih kisuah hi ci’n genkhia hi.

Tua mawtaw ahawlpa pen khuasung mipi te huhna tawh mawtawsung panin ki hemkhiathei a, Hospital Tuaran ah Ambulance tawh kipuak in Outpatient Treatment kibawl hi. Anuntakna beilawh liangding in liamna ahuaisialua omlo bilbel cihi.

More: Aki mukhollo mawtaw khat hangin Accident piangin lamdang kisa mahmah

Hihvai tawh kisai in palik thunei ahi District police chief Deputy Superintendent Dzulbaharin Ismail zong kidong a, hih thupiangpen amanmah hi ci’n genkhia hi. Mawtaw hizahin asiacip, amailam kitankhia leulauliang dingin ahawlpa asihloh pen alamdang cihding hiphial hi. Sawltak #zomidaily