Zogam Lalpu (Rev. Dr. Sian Za Lal) in hongnusia

Zogam Lalpu (Rev. Dr. Sian Za Lal) in hongnusia

LA PHUAK SIAM ZOGAM LALPU AW, La aw leh lamal na kituaksak thei deuh se hi. Lakam zat nading munte ah zong na zang siam mahmah den hi. Music leh la tawh kisai ahih nak leh na kipumpiak zo den hi. Na etteh huai mahmah hi.

NONG CI NGAM HI :: 2005 kim pawlin “Sia Do Khup aw na video bawlte Tedim pau a na pausak ding hi-in Kansau pau a na pausak ding hi kei” nong ci a, kei zong genhak pian veve kahih manin “Tedim mi tui helloh a, a tenna Kansau khua bekah Tedim pau sit lai hi” kong ci sese hi.

2019 November 25 ni-in na veng Zozum ah i lawm teng tawh i tukhawm a, hih thului teng mah sut kikin i nui lualua hi. U Khen leh U Khai in hong pehtawisak sawnsawn uh ahih manin i vuicingsak mahmah hi. I kimuh tawpna himawk mate.

1998 kim pawlin U Khai tawh nong hawh uh a, music leh la lamah i thukhat hangin upna thu ah i pomzia kibanglo ahih manin i kisel ngeingai a, a diakin kei leh U Khai ka kinak cih deuh uh hi. “Pai dih vou guai kinak sel lua hangin niangtuisai khatah i tutkhop kei leh nidang ciang i kiho dan nuam kei thei in ciai” ci-in sai i pai a nuam i sa mahmah hi. Ei lawmta teng zia dan kizui ciat leh pawlpi vai, minam vai kiselnate tawh a kimudah omlo ding hiven mate.

LA PUPI NA HIH MANIN LA TAWH HONG KHA NING MAW

• (a) Sian sinthu a ciin ngalliam aw, khaubang ciah pal lua sang ee.
• (b) Khaubang ciah pal lua sang aw ee, Lenkhuangbang kho nuam veng ee.
• (a) Ngalliam sakluang a mual zong a, zata lai-ah, sakmin manglo ding aw ee.
• (b) Na nuaciang ah na zaila ten laukha zatam Sianmang siang tun ding hi ee.

Mangpha ci phot ni maw. La lamah na nau; Evan. Langh Do Khup (Khuata mipa)

RIP Zogam Lalpu (Rev. Dr. Sian Za Lal)

Zomite lakah laphuah lasak lam ah a madawk masa pawl leh i angtanhpih mahmahte lakah khat ahi Rev. Dr. Sian Za Lal @ Zogam Lalpu in tuni-in, ateena Yangon panin nitak lam 2:40 pawlin Pasian ang hong zuatsan ta hi.

A nusiat a innkuanpihte leh a dah akhua-ngai a kua mapeuh tungah hehnem siam Huhpa Kha Siangtho in heh hong nem ciat ta hen! Source: Global ZOMUS