iPhone kum 10 cinna Model thakpen “iPhone X” kiciding
Apple Inc panin iPhone Smartphone hongkipat pen 2007 kumpan hi a, tu’n kum 10 acingding hita hi. Kum 10 acinna in ahawm khiatding uh iPhone Model pen kumsawm cinna Anniversary ahih mahbangin tuamdiakding, hoihdiakding in ki lamen a, leitung mitampitak in lunglut mahmah uhhi.
Apple Company panin anunungpen thuthang akehkhiat sakna Leak Information panin akizakna ah tutung aki hawmkhiading iPhone pen “iPhone X” kiciding cih Bloomberg pan kizasawn hi. Tuaban ah iPhone 8 leh iPhone 8 Plus cihzong omsakding uh cihi.
Tua ahih manin Model 3 hawmkhat in ahawmkhiading kici a, tuate pen iPhone 8, iPhone 8 Plus, iPhone X cihbang ahihi. X azatna pen kum 10 cinna “10th Anniversary Edition” ciaptehna hikhading hi.
iPhone 8 leh iPhone 8 Plus tepen iPhone 7 leh iPhone 7 Plus tetawh kibangpian dinga, ahi zongin Processor manlang zawding cihi.
iPhone X ahihleh atuamphadiak Premium Version in kibawlding a, Design zong athak hiding, OLED Screen siangzaw, Camera tezong hoihzaw, 3D Facial Recognition Scanner cihtezong thuahding kici hi.
Ahi zongin hih thuthang tepen Apple Company panin Official in aki genkhialian hinailo ahih manin, 100% Confirm theih omtuan nailo hi.
Related: iPhone 6s te Battery nawngkaina om ahih manin, Apple te’n Recall
Hih iPhone leh Apple Products tuamtuam thugenna, tangkona “Apple Special Event” pen USA, California sung aom Steve Jobs Theater ah September 12 (10am Pacific Daylight Time) hunin kibawl taktak tading hi. Sawltak #zomidaily
Comment piaknop aomleh...