Tulaai Leitung thuthang Tuamtuam Updates December 19, 2016

Tulaai Leitung thuthang Tuamtuam Updates December 19, 2016

• Turkey gam Ankara khuapi a kibusa Russia gam leh Turkey kizopna Palaai pipa Andrei Karlov December 19, 16 ni in Turkey mite khat in kizeem zilzial sa in ataltang pan sialtak kap in kaap lum lian hi. Akap khit ciang Syria gam Aleppo khuapi a na nasepte nathei hiam ci in awng buabua hi. CNN

• Germany gam Berlin khuapi sung Christmas vanzuakna phualpi mitam mahmah nalak ah migilo khat in December 19, 16 ni in mawtaw hawlgawp in miphul a mi 9 sipah in 50 liam uhhi. Kua khutma cih kitel nailo hi. BBC

• Teelcing US President Donald Trump a 45 na US President ding in kipsakna ding in thukhun zui in state kimpan elector ten mee piak kipan uha, tuciangciang state 10 bang mee kisim khin in Donald Trump akheem omnaisamlo hi. Elector 37 in kheemding in kilam en a akheemphial zong un Clinton in 269 ngahpan ding ahihman in Trump mah in zoveve ding hi.VOA

More: India Imphal sungah mipi buaina piangin mawtaw 22 meikang

• Yemen gam Aden khuapi sung ah December 18,2016 ni in migilo khat amah leh amah bomb tawh kipuakkham sak ahihman in Yemen gaalkaap 52 sipah in 34 liam uhhi. December 10,2016 ni in zong hibang mah om a Yemen gaalkaap 48 si uhhi. Hih peen IS migilo te komau mission hi ci in gen uhhi. BBC Thang Khawm Pau