ZIUSA President Pu Go Sawm Khup Lungdampihna
Zomi Innkuan USA Makaipi Pu Go Sawm Khup in Professional Engineer Exam na ah gualzawhna tuni May 27,2015 in hong ngah ahih manin lungdampihna thu kong tangko hi. Ih makaipi khat in gualzawhna hong ngahto zel cih pen etteh taak ka sa aa, pahtawi huaizong ka sa mahmah hi.
Mi khempeuh in Tate thu i ngetsak ciangin Doctor ding, Engineer ding, Pasian mizat hi ding…cih bang tuamtuam tawh thu ki ngetsak thei hi. Tua ahih manin Pu Go Sawm Khup pen a zi leh tate bek hilo a Nu leh Pa lungtup a tangtung sak Pasal khat ahih manin Thuphangah ka sa mahmah hi.
A pianna Nu leh Pa bang zahtak in lungdam dinga a lungkim ding hiam cih ka ngaihsut khakteh Tapa hih bang ka neih Topa hoihsi cia maw cici ding uh cileng hampha kasa mahmah hi. Khanggui ki zom pilna thupha hauhna thupha hong hi semsem hen.
A tate ading atu te adingin Pasal pha bek hilo in Zomibup adingin amang ngeilo ding Pasal pha khat i neih manin Zomi hih mah nuam ka sa semsem hi.
Zomibup in ih lunggulh ahi Zomi sungah mipil misiam hong khanna ding cih thu i ngetnget Topa in tutun in a gah hong atsak ahih manin lungdam sawnsawn hang. Zomite tangthu hoih khat hong ki behlap khat suak zel hi. Maban kim ah Zomite mipil milian dingin Topa’n hong siam denta hen.
A lungdampih mahmah….
Thawn Tuang
Nashville TN, USA
May 27,2015
Comment piaknop aomleh...