Zomite i ki-it i kingai takpi mah i hihiam? ~ Thomas Mung
Nung deuh si gal na khat ah COVID-19 positive pi pi quarantine bawl lo, inn ah omlo, kikem lo uh aa si galna funeral service ah apai tan tan ei mi nupi pawlkhat om kici aa, dah huai mahmah hi. Positive lai Khangno khat bang negative nailo pi funeral service ah va kihel aa, Usher bang va sem dep kici lai hi.
Amau tung pan mi bangzah in lawh kik hiam cih kithei lo ahih manin dahnuai mahmah hi. I minam, i pawlpi, i khua i tui i it takpi mah i hi hiam? cih kidot huai hi. I minam, I pawlpi, i innkuan i it tak tak leh positive i hih khak zen zen leh midangte natna va hawmsawn loin, vaak lo pah in inn ah hoih tak quarantine bawl in kikembit pah ding ahi hi.
Misi inntek lam ten zong i ci adam loh lam hong telsiam lel ding uh hi. Mailam ah ci dam lo leh positive pi pi in mipi sung peuh mah pai kha nawn kei ni. Expose ding, kilawh gawp ding ala huai pen pen din mun ahi hi.
Ei mi sung COVID-19 pulnatna i kilawh gawpna ahang khat in Positive ahi sa te kidawm lo uh aa, vak vak, kihawh hawh na pan akilawh tampen kici hi. Hih pulnatna hangin i minam sungah dahna luankhi tampi luang khin ta aa, i muan i suan ten zong mual hong liap san ta uh hi. I minam aading PHA zo ta hi, kua man sih lawh nawn kei ta peuh ni.
Hi vai tawh kisai Pastors ten, minam makai ten zong ANA lo tak aa genkhiat ding hun hi ta hi. Tua hi in Zomite in i minam, i innkuan, i pawlpi i it tak tak leh Positive i hih khak leh negative i ngah kik dong inn om in vakkhia loin kikembit tek ni.
More: Covid-19 theihhuai thupawlkhat leh US thutuamtuam ~ Thomas Mung
Positive lai pi pi i siavuan (doctor) pawlkhat te leh CDC ten vak thei ta teh nasep kuan thei ta teh acih uh hang lungmuan omlo, killawh thei lai ve ve i hih manin i Kawlgam te zuih dan mah in negative i ngah kik dong mah lungsau tak aa i kikep ding, quarantine i bawl ding thupi mahmah hi. US gam ah natna hi zah atamna ahang khat in positive te hoih tak kikem zolo uh ahih man na hi hi. Thomas On Sian Mung (Thomas Mung Guite) Washington D.C July 24, 2020.
Comment piaknop aomleh...