ZIUSA ah Board of Director dingin Pu Lian Zo Tuang kiteel

Athu: Pu Lian Zo Tuang Board of Director dingin kiteel

ZIUSA in man ngenlo akipia khiate` (Volunteers) mapanna tawh aki kalsuan toto hi-a, Nasepkum (2017-2018) a ding in zong Board of Directors (21) te mipi teelna zui-in ki pia khia uh hi.

Board of Directors (21) te sung pan in Pu Joseph Lian Bawi in Board of Director ding in “hunpia zo nawnlo” ding ahihna leh Board of Director pamun pan in tawlngak ding ngetna hong neihna tawh kizui in Board of Directors in Meeting 04/2017~2018 sungah ngetna tawh kisai kikupna kinei-a, ngetna aom bangin kisang hi.

Board of Directors in abeisa Pu Joseph Lian Bawi in ZIUSA leh minam a itna tawh hong kipiakkhiatna, mapanna aneihnasate tungah lungdamna kiciamteh hi.

Board of Directors in ZIUSA Ngeina Dante tawh kizui-in mawhpuak aneihna tawh panmun awng mun ah mapang ding in Kiteelna zui leh maban zop ding kitaangsapna zui in Pu Lian Zo Tuang Board of Director ( 2017-2018) ding in teelna kinei hi.

Pu Lian Zo Tuang (Kiteelna zui no. 22; Votes: 15/36)

Upa Vaihawm Pawl (Board of Directors) panmunlen khatpeuh in a septan kum acin’ma in a panmun panin akhawl leh ahi zongin, Upa panmun khatpeuh a awn’ leh, Kiteelpi a kibawl masiah tua panmun alaih dingin, Upa Vaihawm Pawl (Board of Directors) in Kiteelpi Upa Vaihawm Pawl kiteel lai in Mee (Vote) tamzaw a ngah zui-in, ahihkei leh maban kician khat ah mapang ding akisapna zui in Pawlmi khatpeuh teel thei ding hi. – ( ZIUSA Ngeina Dante V (A):5)

Board of Directors taang`in;

Na mapan pih uh,
Pu Do Khan Khup
Chairman
Board of Directors