ZCMF USA Conference – Tulsa 2015 Update

ZCMF USA Conference – Tulsa 2015 Update

Dear Zomi Pasian nasem khempeuh,

Ih ngaklah mahmah kumsim ih neih den USA gamsung a om Zomi Pasian na sem khempeuh kipawlkhopna, Zomi Christian Ministers Fellowship of USA khawmpi a ni ding ong tung ding hita ahih manin, zintunna ding vai atomin kong taangko nuam hi.

State dang panin ahong pai ding Sia / Sm khempeuh, hih anuai a zintunna ding mun ah June 29th, 2015 nitak lam a kipanin zintun kipan thei ta ding a, innteek ahong sepsak ding KIIM Ministry Tulsa te in zintunna leh neek le dawn khempeuh ong vaihawmsak dinguh ahih manin, vanleng tawh ong pai dingte ahi zong, mawtaw tawh ong pai dingte ahi zong CROWNE PLAZA ah ih tun ciatna dingin kong zasak hi.

Crowne Plaza Tulsa‎‎
(800) 652-2193
7902 South Lewis Avenue.
Tulsa, Oklahoma 74136

ZCMF USA kipawlna tawh kisai theihhuai thute atom in E-mail attachment ah zong ki en thei ding hi.

Zahtaakna lianpi tawh,

Rev Thang Cin Pau
Secretary
ZCMF USA

ZCMF USA Ordination Council Bylaws:

1. ZCMF active member te bek in siau thei ding hi.
2. Pasian nasepna sungah kum 3 sung a sem ngei khinsa te hi ding hi.
3. Kum 25 cingsa hi ding hi.
4. Lai Siangtho Saang khat peuhpeuh pan Diploma/Certificate a ngah khinsa
hi ding hi.
5.Tu laitak a, a sepna pawlpi in ngetna lai ong khak dinghi.
6. Pasian na sem dingin Pasian ”SAPNA AW” kician takin a za mi hi ding hi.
7. Ordination piakna ZCMF Annual Conference sung hi ding hi.
8. Ordination ngah ding pa/nu in a zatna state ii kumpi thukhun tawh kizui-in
sem ding hi.
9. Ordination valid term in active member ahih sung bek hi ding hi.
10. Ordination Council in ordination piak ding piak loh ding leh
Ordination zop ding zop loh ding thu nei thei ding hi.