Italy khuasung ah datsi pua mawtawkhat puakkham, mi 2 si, 60 val liam

Italy khuasung ah datsi pua mawtawkhat puakkham, mi 2 si, 60 val liam

Italy gamsung ah datsi puakna mawtaw “Tanker Truck” khat Monday ni in puakkham ahih manin, mi 2 in sihlawhkhin a, adangzong mi 60 valbang liamgawp uh cih AFP pan kiza hi. Italy, Bologna City sung aom mawtaw tampi atai ziahziahdetna “busy motorway” tungah apuakkham ahihi.

Borgo Panigale Area sungah zingsanglam in apuakkham hi a, hih apuakkhapna munleh Bologna Airport zong kinai mahmah hi.

Tanker Truck apuakkhap ciangin lamzikpi tungah akidawh Flyover zong pawlkhat kicim in, lampi zong pawlkhat kisia hi. Datsi puakna apuakkham himawk ahih manin, meikuang leh meikhu huaisia mahmah hi.

Hih Tanker apuakkhap laitak akizaihkha Video Clip zong Italian Police te’n khahkhia uhhi. Tua Video Clip sungah Tanker in amai ah apai Lorry khat taihsukkha in, tua ataihkhitphet in meikuangpah zaizai hi. Tuakhit ciangin anung panin Lorry khatmah in meikuang ziahziah Tanker pen taihsukbeh leuleu hi.

Tuaciangin lamzikpi tungah mawtaw khempeuh khawlpah ngeingai uhhi. Tua mawtawpi 3 tepen meikuang leh meikhu tawh kituamcip a, hoihtakzong kimuthei nawnlo hi. Hih Tanker puakkhampen huaisia mahmah in, meikhu pen Bologna City khuabup phial in ki galmuhthei hi.

Video: At least two people were killed and more than 60 others injured on Monday (Aug 6) when a tanker truck crashed into a lorry and exploded, sending a fireball across a busy motorway in the northern Italian city of Bologna. The blast, which occurred in the early afternoon in the Borgo Panigale area, close to Bologna airport, caused a partial collapse of the flyover, where the explosion took place, onto another road below, filling the scene with flames and black smoke.

Hih buaina apianlaitak in Flyover nuai ah a awkcip Marco Rosadini kici in agenkhiatna ah Tanker apuakkhap laitak in ageinai ah ka omkha a, agingpen ngaihlua mahmah hi. Tua apuakkhap khitciangin ageinai aom Restaurant khatzong kicimliang hi. Apualam ka dakkhiat ciangin meikuang pampam vive ka galmuh hi ci’n genkhia hi.

Tua meikuang pen Firefighter te’nzong nai 2 sungbang phelhkhop in buaipih mahmah uhhi. Meikuang pen Tanker ii ageinai mawtaw Parking akikoih te lawhphei sawnsawn hi. Firefighter te’n meikuang aphelh theihkhit uhciangin meikuang lakah khatpeuh aomkha hiam ci’n zongtheipan uhhi.

Italian Fire Service te genkhiatna ah asi pen ki behlapthei khading hi. Aliam atamzaw pen meikanggawp cihbang vive hi a, Police leh Firefighter tezong aliam pawlkhat om uhhi.

More: Video: Datsi puakna Oil Tanker mawtawpi khatin mikhat gawikha

Tanker apuakkhap ciangin ageinai aom Glass tezong puakkham in, athemnen alengkhia te’n adenkhak aliamzong pawlkhat om uhhi. Police Officer khatin agenkhiatna ah Tanker apuakkhap ciangin meikuanggawp in salua mahmah ahih manin, lamzik pawlkhatzong kicim hi ci’n genkhia hi. Sawltak #zomidaily