Ui leh saguh ~ Jam Daneil
Khua ta khat ah ui huaiham mahmah khat om hi. Ni khat meh zuakna sai lam manawh in hong vak khiat le sasai gei khat ah saguh bawkpi khat hong mu hi. Ui in, “hih bang saguhpi ka nekloh zawh a kum in paita hi” ci hi. Sasaipa in a et hithiat laitak mah in ui in saguhpi damtak in tawm khiankhian a taipih vingveng hi. A tai kawmkawm in ui in, “hizah a saguh gol mawk pen ui dang a ne kha ngei peuhmah omlo ding hi” ci-in ngaihsun hi.
Ui in a kamsung ah saguh pet kawm sa in tai a, lui kiang khat hong tung hi. Lui gei ah ui a dak suk leh tui sung pan amah bang lian khat ahi a lim kimu hi. “Hua tak a tui sung ah ui khat in saguh bawk lianpi khat ne hilo maw. Ken hua duh zaw ing” ci-in ngaihsutna hong nei hi.
Tui gei pan Ui in ama lim mah mu in tawng tadih hi. Ahizongin a kam a kat phet in, a kam sung a a peh sagguhpi tui sungah kiatsuah hi. Ui in lungkham tak in bang hong ngaihsun hiam cihleh, “Ka neihsa tawh lungkim ziau hileng, ka kam sung a omsa saguh tanlawh lo mah ding hiveng maw” ci hi.
SINDING: Huaihamna pen suplawhna suak thei hi.
Notes: Hih bang dan taangthu original English pan kaleh (translate) kawmkawm laitak hi a, atawmpen thulu 100 ka ngim ahihi.
Ahoihna:
- Naupangte hilh dingin theihnop a, zong tom hi.
- Zaknopsa uhi. Gen kik pah thei uhi.
- Pasian’ nasem te’n hilhcianna (Illustration) dingin hoih hi.
- Tangthu siksan in thu thuk tampi gen ding leh theih ding om hi.
- Na gennop thusaupi khat hih tangthu tomno zangin na genziau thei hi. Jam Daneil/ Source: Laileeng (Flying Logos)
Comment piaknop aomleh...