Shanghai khuasung aom Restaurant te ah Expired Meat kizang
Shanghai, China aom Food Provider lianpi khat ahi OSI Group te Factory pen azat huai nawnlo Expired khinsa Voksa, Aksa cihte mipi nekdingin hawmkhia ahih manin kikhakcipsak cihi.
Hih OSI Group te hawmkhiat te azangpen adiakdiak in US Restaurant lianpipi te hi a, McDonald’s leh KFC cihte zong kihel hi ci’n Chinese Authorities in Monday ni in genkhia hi.
Shanghai Television te genkhiatna ha hih OSI China in salimci leh alimci nawnlo te helkhawmzak in, Restaurant lianpipi te ah puak uh ahih manin ane khate adingin lauhuai mahmah cihi. Shanghai Daily Newspaper te genna ah Burger King, Papa John’s Pizza cihte akipan Coffee Chain lianpipi te ahi Starbucks leh Subway Sandwich te ahzong tua salimci lote kizang cihi.
Hih buaina hangin OSI Group te Factory pen Sunday ni in ki khakcipsak pah a, Police te’n athu nakpitak in akancian laitak ahihi ci’n Shanghai Food & Drug Administration in Statement khahkhia uhhi.
Restaurant lampan inzong McDonald’s te’n Statement khahkhia uh a, tua Factory pan aki hawmkhia vanpeuhmah kizang nawnkei uhhi ci’n tangko uhhi. Tuaban ah KFC leh Pizza Hut Restaurant te’nzong azatnawnlohlam uh tangko uhhi.
Khatveivei leitung ah aminthang mahmah ahi Restaurant te’nzong avanzat te uh alimci penpen nahikhin khollo cih hongki langhsak hi.
Adiakdiak in Sen gam pen hihbangdan omthei zeuhzeuh a, 2008 kum inzong Chemical namkhat ahi “Melamine” pawlkhat nekledawn lakah kimu ahih manin naupang 6 bangin sihlawh a, adang mi 300,000 bangin cinaklawh ngeikhin hi. ZD Sawltak #zomidaily
Comment piaknop aomleh...