UNHCR vai tawh kisai hiang tuamtuamte E-mail, Fax & Tel. No. theihhuai pawlkhat
UNHCR : United Nations High Commission for Refugees
<[email protected]>
Tel. 03 2118 4800
CDU : Community Development Unit
<[email protected]>
IAD : Individual Assist Desk
<[email protected]>
Fax 03 2141 7625
Monday, Tuesday, Friday (9am-11am)
SPF : Social Protection Fund
<[email protected]>
EDU : Education Unit
<[email protected]>
Tel. 03 2118 4833
Monday, Wednesday, Friday (1pm-2pm)
OPI : Outreach, Protection & Intervention
<[email protected]>
Fax 03 2141 4363
Hotline 012 630 5060
Monday to Friday (7:30am-11am)
REG : Registration
<[email protected]>
Monday to Friday (7:30-11am)
EST : Employment Service Team
<[email protected]>
RSD : Refugee Status Determination
<[email protected]>
RST : Resettlement
<[email protected]>
FRD : Fraud Case
<[email protected]>
USRAP : USRAP Fraud Case
<[email protected]>
RSC : Resettlement Support Center
<[email protected]>
Tel. 03 2141 5846
IOM : International Organization for Migration
<[email protected]>
Tel. 03 9235 5400
ICMC : International Catholic Migration Commission
Hotline 010 421 1274
Kuala Lumpur asuksiatsawm migilo 17 kiman
Kuala Kuala Lumpur khuasung abuaisaksawm migilo 17 te abeisa Sunday ni in Malaysian Police te’n mankhia uh cih the Sun News pan kiza hi. Tua mi 17 lakah mi 2 tepen Syria gampan hong ciahkikphet uh hi a, tulaitak aminthang mahmah migilo IS tetawhzong kizopna neihtuak uhhi.
Home Minister Datuk Seri Ahmad Zahid Hamidi in agenkhiatna ah hih akiman mi 17 te pen khangno tamzaw uh a, akum uhpen kum 14 pan 45 kikal ahi uhhi cihi. Pawlkhat sangnaupang hi a, pawlkhat pen Afghanistan leh Sulawesi panin galkapdan Training amankhinsa tezong kihel uhhi.
Hihte ii ngimna ahihleh sumnei mi minthang pawlkhat matcipsawm uh a, tuapan in Police Stations leh Army Camps te luhkhia in galvan thauvui thautang a ngahsawm uh ahihi.
Tuaban ah Bomb zong bawlsawm uh cimawk hi. Bomb bawlziading aki ciaptehna laidal honkhatzong Police te’n mankhia uhhi.
Tukum March kha ciangciang Malaysia gamsung ah hiamtawi kipawlna pan amatkhiat uh mi 75 phata cihi. Malaysia
gamsungpan inzong IS (Islamic State) galkap atumnuam na tamtuak mahmah mawk hi.
Malaysia gamsung ah buaina apianloh nadingin kumpi thunei te ahi “Counter Terrorism Division” te in na naksep mahmah uh ahih manin, gamsung ah kimat kihen zong atamtuam hikhading hi. Banghanghiam cihleh hih hiamtawi kipawlna tetawh akizom te pen Malaysia gammi banah gampan hongpai gamdangmi zong om ahih manin, gamdangmi te hongki limsit mahmahna ahangzong gamsung buaina apianloh nading dalkholhna hizawleh kilawm hi. Source : www.zomidaily.org
RSC te ZAM zumpi ah hong hawh ding
Hongtung ding 17 April (Friday) ni zinsang nai 9am in RSC zumpi pan uliante honghawh ding uhhi. Amau tungah dotnop bangbang ki dong thei ding hi.
⦁ RST phikhit zawh kum 1 valkhin napin banghang RSC pan hong kisam nailo?
⦁ RSC phi zawh kha 6 bang phakhin napin bang hang DHS pan hong kisamlo?
⦁ DHS na phipih te sisit kisam ngai napin nang banghang IOM pan hong samlo?
⦁ RSC, DHS, IOM mankhitteh min kitaihna hang tawh UN tungsuk kikte maban ding bangci kalsuan ding?
Gamtel khin USA lam pai ding peuhmah dotnop na neih leh April 17 ni 9am lapin ZAM ah hong pai un.
Ngabeng nasem mi 300 val hotkhiatna thu
TUAL, Indonesia (6 April 2015): Mi tampi kum bangzah hiam sung tuipi tungah ngabeng in a manthanpih khit ciangin tua mi tampitak a pua ngabenna gunkuangpi pen tuipi nawl piaunel omna ah hong khawlkik a, a sunga saltaang ngabeng 300 valte suahtaakna dingin a kongkhakpi hong hawng khia deeldaal ta hi. A suakta mi 300 val lakah a tamzaw pen Kawlgammi a hi uh hi. Hih gunkuang sung tungsa sal banga nasemte lakah suahtaak kik ding a lamen ngam khat zong omlo uh a, sih dong nasem ding hi tangial uh hi.
Nai 17 sung tuipi tungah na asep khit uh ciangin suahtaakna daak hong ging hi. Gunkuang tungpan in kigualsa in hong paikhia diamdiam uh hi. A khut ngong vua kikhih ciaptehna taute suut khia in, a masuan uh ahi athak nuntaakna muakna in a khutte uh bengin awng ziahziah uh hi. Pute khutlum sungah sih leh nat ding lauhna teng veng ta hi.
Kum 26 a pha pan Aung Aung a kici tangvalno khat in apaang veilam a sam kaaisukte heemto in temtawng tawh satna liamma kidawk sak a “Hih pen ka pu tapa in temtawngpi tawh hong satna hi. Lunglen khuangaih leh lungkham kawmkalah hibang bawlsiatna ka thuak sawnsawn lai ciangin ciahkik thei dinga ka kilametna teng hong bei a, sih ding bek a ngak ka hihi” ci liang hi. “Tun bel ka lungnuam mahmah ta, inn tung mengmeng nuam ta ingh” ci hi.
Associated Press te thukanna pan in “Hibang a ngabeng Kawlgam mite pen a inntualzaang panin nasep hoih om cih tawh kikhem in Thailand tunpih uh hi. Thailand panin Indonesia gamah gunkuang tawh kipuak hi. Tuamun panin tuipi tungah ngabeng dingin gunkuang tawh kipua in, a mat uh ngasate pen Thailand ah kipuak kik a, tualai panin ngasa kilimneekna gam tuamtuam ah kikhak khia hi. USA in zong Kawlgammi ngabengte ngasa matsa teng a nene kha uh ahihi” ci hi. Tua thu akitheih ciangin Indonesia palaite in Benjina a kicihna mun ngabengte tuallenna tuikulh va pha pah uh a, nasemte kibawlsiatna a va muh uh ciangin taikhiat theihna hun honsak uh hi. Tua lian leh pasal 320 val in avan teng uh la in meidelsa in guahzu meikai nuaiah phatmawhsak neilo in tai khia pah uh hi. Saturday sunkim laitak in Tual kici tuikulh tung uh a, laidal tawh akituun Indonesia te ngeina an ne sak phot in, natna satna anei leh aliam abaite Zato mawtaw tawh pua in zatui zaha tawh khoi in kem uh hi. Amaute omna ding leh guah leh gialte nawngkaisak lohna ding puanbuuk golpi kilamsak a, neek theih dawn theih a om bangbang tawh gilvah takin ki omsak phot hi. Tutadih in a nuam a nuamlo sangin lungsim suakta takin a om theih ding uh a thupizaw hi phot hi! Maikaal sungah Indonesia kumpi palaite in a hotkhiat uh Kawlgammi te amau innlam tekah aciah theihna ding uh vaihawm sak dinga, a kihonkhia zo nailote zong a omna uh kan pha lai ding hi.
Hibang hotkhiat nasep hong kipat khiatna uh pen Indonesia kumpi thuneite in ngabengte tawh Interviews a bawlna uh pan leh Associated Press ah thu kipuakte sunga ngabeng gamdangmi 8 te ganhing bang a innneu sungah a kikhumcipna Video te hang a hihi. Tua kikhum mite in Video sungah bawlsiatna a thuak dan teng uh gen uh hi. “Hong kivel hong kisaat in, tuinin leh an hoihlo tawh hong vaak uh a, innlam ciah ding hong khamcip ban vuah tawlngak hun omlo liangin thagum hatna suangin na nakpi takin hong sem sak uh hi” ci uh hi. Ngabengte kikhumcipna Benjina tuikulh pen Indonesia gamtawng sung hi in, mi phak ngeilohna mun ahibanah March sungin Phone khuam akiphut khinlim bek hi pan lai hi. Ngabengte genna panin, “Gamta khial le ungh ko hong vel hong saat ngiat dingin “Enforcer” akici mithahat ka pute un cial a, Enforcer te pen ko ngabeng nasemte in Ngalkhuahaang zah in ka lau uh hi.” ci tangial uh hi. Associated Press te genna ah, “Nasemte a tamzaw pen Thai min leh Thaigam leihsa tawh nasep theihna lai maanlo bawlsak uh hi” ci uh hi. Thailand pan a tuisung ganhingsa a kilimpuak penna USA gam hi in, USA a Wal-Mart Spokewoman ahi Marilee McInnis in hih thu a theih ciangin Indonesia kumpi tungah hangsan taka hotkhiat na a sepna uh hangin pahtawina kammal khak a, innlam zuana ciahkik ding ngabeng nasemte zong maban limci a neih theihna ding un deihsakna kammal khak hi.
Kum 37 apha khin Phaung Myaint Aung pen ngabenna gunkuang tungah na asep zawh kum 6 cing khin hi. Bawlsiatna namkim kum 6 sung sinsen a thuak khit ciangin a suakta hi a, lungdam mahmah himah taseleh “Inn tung lecin bang masuan nei ding na hiam?” cih dotna in a mit panin khitui luangsak hi. Kap kawmsa in “Kei sangkah ngeilo hi’ng. Ka nulehpa zong teek ta uh a, bangci leng ka vaakzo tam maw! Bang bang hileh ka nulehpa khiang a tungkik ding hi ta ka hihman in ka lungnuam mahmah hi” ci hi. Dahna leh nuamna khitui kigawm ih cih tua hi mawklo ding hiam? Source: The Irrawaddy
Tune Insurance leinuamte ading
A leinuam peuh mahin UN zumpi ah Monday, Wednesday & Friday (9am-5pm) kikal kingah denta.
Tukal Palaai te buaipih diak teng
⦁ Thang Gin Lian (Lunmual) leh Cing Sian Muan (Lunmual) 6 April in PJ SS2 Palik zum panin ki tankhia thei.
⦁ Niang Deih Lun 18 March in Pudu Clinic ah ki buaipih.
⦁ Dim Khan Huai (Phaileng) 19 March in HUKM Specialist ah ki buaipih.
⦁ Ciin Sian Cing (Phaiza) 2 April in avai ki buaipih.
⦁ Pa Pau Pak Sing (Lamzang) 4 April in avai ki buaipih.
⦁ Thang lam Suum (Lailui) 7 April in a tapa suahna lai JPN ah kilaksak.
⦁ Khup Mung, 7 April in avai UNHCR ah ki puaksak thei.
⦁ Man Suan Nuam, 1 April in HEI ah ki buaipih.
⦁ Kam Za Langh (Laitui) 3 April in University Hospital ah ki buaipih.
⦁ Mang Lawh Nuam, 7 April in Cheras ah ki buaipih.
⦁ Man Lian Niang, Cing Za Huai (Mualpi) leh Thang Khan Lal (Khuadam), Sungai Buloh zatopi ah ki buaipih.
Ameltheih na om uh leh ki paipih thei
⦁ Thawng Suan Kham (Mualkawi),
⦁ Mang Aa (Keltal),
⦁ Zam Thang leh
⦁ Thang Ngaih Mung te Bukit Jalil Camp ah om uh hi. Ameltheih te’n na kannop uh leh ZAM pan hong ki paipih thei ding hi.
RSC & DHS pan March kha sung contact ngahzolo teng
Anuai a Contact ngahlo nambat sungah na nambat a kihel khak a leh ZAM zumpi ah hong pai in. Contact ngah kik theihna dingin hong ki huh ding hi. Adiakin avom tawh ki gelhte Zomi sung pan hi.
354-10C03408 354-09C07307 791-09C09863 354-04C06298 791-09C15630
791-10C00372 354-08C04955 791-09C17383 354-10C05656 791-08C01428
354-12C05168
354-09C05168 512-05C01379 791-10C06279 791-10C06387 354-11C06644
791-10C07168 791-09C02581 791-09C16132 354-10C00426 791-09C11511
791-10C07230 354-10C04318 354-09C04596 354-09C06867 791-10C00687
791-10C07783 791-10C07133 791-09C07133 512-03C00878 354-08C05158
791-10C01973 791-09C16454 791-10C05149 791-09C16220 791-09C16283
791-10C06939 791-10C06789 791-10C05001 791-10C04091 354-10C07409
791-09C17300 791-09C18123 791-10C05380 791-10C05809 354-14C13620
791-10C04903 791-10C02999 354-10C01677 512-05C01590 354-09C04548
512-05C00246 354-13C06826 791-10C06946 791-10C06827 791-09C17320
354-09C07872 791-10C06903 791-10C06815 791-10C06923 354-09C03921
791-09C16034 354-09C05658 791-10C06707 791-10C02660 791-10C06645
512-03C00586 791-09C17322 791-10C03941 791-10C07035 354-10C03179
791-10C05517 791-13C08687 791-10C00213 791-10C03575 791-10C06873
791-10C06864 791-10C06579
United States Ngeina le Dan Thusinna Khutzat Laibu : ZOMI (azom)
Khenpi Kuana – Nasepna – Nasep Zondan
America gam natun a kipan amanlang thei penin nasep ngahna ding, nang leh nang nadin theih nading ahi bangin lungkim ding pen nasep i thusim khat hi. Khuasak kikna agensi pan huhna, panpihnate ahun kiciang tan ahih manin innsaap man leh adang nek leh tak nadingin hongcin zolokha ding hi. Nasep nei le cin gammi ten hong thusim ding a, pilna siamna nei napi-in kumpi panpihna, huhna ngak bekin omte deihlo uh hi. Manglai/mangpau sin theih nading lawm leh gual neih theihna ding hipah hi.
American gam a om mi atamzaw zi lah pasal anih un hunbit nasem uh hi. Tua hi a, naupang kepdan, khoidan ding geel, ngaihsut ding phamawh, sangpawlkhat, private naukepna sangte ah sun naupang kepna sang leh adang ki pattah ding na theihte pulak thei hi teh.
Nasep khat ngah theihna ding a thupi pen in ahi ding bangin thu ngaihsut theih ding, amah leh a mah adin theihna ding leh innkuanpih te nek leh tak ding ama vaipuak hi-in midang khat i tua vai hong hawm saklo ding hi cih a theih ding kisam hi. Khuasak kikna agensi (or) nasep zonsak na agensi in gambeelte ading nasep letsong bangin abaih azonsak ziau cih hilo in panpih zon pih cih hi bek hi. Tua hi a ama nasep ding amahmah in azonkul hi. Bangbang nasep a hizong sep photphot ding hoih hi. Nasep na neih ma nang nasep in nasep zon hi pah hi. American gam ah a tam zaw kalkhat nasep hun nai 40 nasep neinailo mithak maithak te in kalkhat tua bang hun zah mah nasep zonna in hun bei huai hi. Nasep ngahna ding hun sawt thei cih theikhol ding.
UN ngahsa & ngah nailote theih ding
Zomi Card tawite damlohna pan, thongpan, innkuan lutpihna pan ahang tuamtuam tawh UNHCR ciaptehna ngahsa peuhmah in ZAM zumpi ah nong zaksak nading un ih ki zasakkik phapha hi. Angah nailo ten zong na phone nambat uh akilaih a leh ZAM zumpi mahah hong laih hamtang un.
ZAM pan dahpihna
Gamngai khua, Pa Kham Lian Mung (Dopmul beh) kum 58 in 8/4/2015, nitak abawl Pa Pasian kiang hong zotsanna hangin adah akap Zi leh tate leh Pawlpi te tawh ki bangin Zomi zumpi ZAM panin ih dah khawm hi. Adah akap khempeuh Topa’n hong hehnemta hen.
Hun nunung bawlna CMF pawlpi, meltheih u le nau tawh nuamtak bawl khit ciangin ZSM makaihna tawh 10/4/2015 ni-in Sunggai Buloh hanmual ah lungkim huaitak in kivui thei hi.
Tune Insurance Card ki ngahkik ta
March 30 ni ZAM hall a Tune Insurance leite na card uh ki ngahkikta ahih manin nonglak nading un kong zasak uh hi.
UN Makaipipa in pawlpi siate munuam
Malaysia a UN makaipipa Richard Towle in Zogam pan pawlpi pastor/makai khempeuh hong munuam ahih manin 13 April (Monday) ni nai 10am lapin UN ah nong pai nading un kong zasak uh hi.
Zosuan Tuailai Khawmpi (ZTK) ading mapankhopna apiasa teng
⦁ Pa Cin Suan Lian te innkuan RM150
⦁ Ever Smile Ministry RM 50
⦁ Rawang Zomi Innkuan RM200
⦁ Anlangh khua kipawlna RM200
⦁ Zomi Christian Assembly RM300
⦁ Evangelical Baptist Church (KL) RM200
⦁ Manaa Zomi Christian Church RM200
⦁ Khup Lian Pau (Tahan) RM 50
Pawlpi, khua kipawlna leh mimal mapankhopna kihelzo ding peuhmah in ZAM ah ki piapia thei hi.
Mimang hong kanpih un
Lia Kap (Sawbua), 354-14C04004 a omna ki theilo ahih manin amukha, atheikha na om uh leh ZAM or 018 351 0269 tawh hong zasak un.
Sian Tawng (Suangzang khua), Kenanga Point pan paikhia in a tunna kithei nawnlo hi. Amukha, atheikha na om uh leh ZAM or 016 916 5600 tawh hong zasak un.
Aung Nan Daw sammetna & kipuahna
Aung Nan Daw sai ah Zomi sammet nuam, kipuah nuam peuhpeuh ki metsak thei, ki puahsak thei hi. Sammet te siamthei peuhmah hi. Kizopna ding :
017 677 7164, 016 228 4395, 010 423 0083
Zomi Card tawite ading nasep
⦁ Jahor Bahru ngasa khawina ah ngasa anpia ding a citak pasal 2 leh numei 2 kideih. Nasep hun nai 8 sung. Omna leh an pia. Khasum RM1200.
⦁ Shah Alam Japan ansai a sem ding pasal citak 3 kideih. Khasum RM900. Omna leh an pia.
⦁ Cheras Sauce bawlna a sem ding pasal citak 4 kideih. Khasum RM1200. Omna pia, an pialo.
⦁ Kajang mandat (canopy) a sem ding pasal 1 kideih. Khasum RM1000. Nasep hun 8am-5pm. Omna pia an pialo. OT nai khat RM5.
Lungdamkohna
⦁ Khen Khua Tuan (Keizang) in tukal Thupuak ading RM50 leh ZAM pan nasep zonsakna tawh tuni ciang sepsuak theih lungdamkohna in RM100 hong piakhia ahih manin ki lungdam mahmah hi.
⦁ Tun Muan Mung (Laaitui) in tukal Thupuak ading RM50 hongpia ahih manin lungdam mahmah hi.
Address:
155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email: [email protected]
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website 
tungpan kongsuaksak zelzel uhhi.
Note :: PDF tawh na simnop leh
Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…
Comment piaknop aomleh...