Myanmar gampan in vankham agilsung ah apua pasal khat kiman
Myanmar gampanin vanlengtawh China gamsung zuanin alengkhia Chinese gammi khatin agil sungah vankham “Drug” honkhat puasim ahih manin kiman cih Kankanews pan kiza hi. Tua papa pen Myanmar panin China, Shaanxi Province zuanin aciahlam in akiman ahihi.
Thunei te genkhiatna ah hihpa pen Shaanxi Province aom Xianyang Airport panin akiman hi a, agil sungah vankham Cocaine honkhat kimukhia cihi.
Tua Cocaine tepen akam panin a valhsuk “Swallow” cimawk hi. Vankham khempeuh akigawm in agihna 330 grams pha a, Plastic tawh tuamsawn in akam panin avalhsuk ahihi.
Hih Chinese papen Guangdong Province sungah Seafood zuakin akivak khat ahihi. Asum zonna alemmelloh laitak in, alawmte khatin Myanmar gamsung ah ahawhding in zol ahih manin, Myanmar gamsung ah azinkhia ahihi.
Myanmar gampan in aciahding ciangin vankham puakding in kicial a, Chinese Yuan 10,000 (US$1500) ngahding himawk ahih manin, tua Cocaine te avekin akam panin avalhsuk ahihi.
Ahi zongin Xianyang Police te’n hihpa in agil sungah vankham puading cih zaksimna nei, Tip-off ngah ahih manin, vanleng tungpan in akumphet in namanpah uhhi. Agil sungah apuak vankham Cocaine tepen agihna akigawm in 330 grams hi a, zatang bekbek akigawm in tang 57 ahihi.
More: Myanmar Academy a ngahngei Actor khat vankham tawh kiman
Abeisa kha 4 hunlai inzong Xianyang aom Police te’n hihbangdan in gilsung ah vankham apuakhat hih Xianyang Airport mahpan in kimanngei hi. Tuapa ii genkhiatna ah akam panin avalhsuk Cocaine pen akigawm in 380 grams gik ci a, avekin avalhsuk nadingin ahun nai 7 leh alang sungbang hunbei ciliang hi. Sawltak #zomidaily
Comment piaknop aomleh...