Zato ah kideihlo ahih manin numeikhat lampi tungah nausuak
India gamsung ah numei khat nausuakding in Medical Center azuat hangin kilehnawlh ahih manin, lamzikpi tungah nausuak cihi. Eastern India, Jharkand State sungah thupiang hi a, tua numeinu pen kum 17 bek aphapan khat ahihi.
Tua numeinu pen Saraikela-Kharsawan District sungpan hi a, tua akhuapih pasal khattawh kingai in naupaai hi. Nau apaailam atheih ciangin alawmpa in nusiaziau hi.
Tuaban ah anu apa te’nzong zawlgai, naupaai cih atheih uhciangin tanu ahihna panin deihnawnlo in nawlkhin uhhi. Innkuan maizumsak, mindaisak ci’n innpan hawlkhiaziau uhhi.
Tua numeinu zong anaugil tawh innpan aki hawlkhiat ciangin lampi tungah nektawm zongkawikawi in, nungta hi. Tuabang in kha 4 bang aomkhit ciangin nausuahhun hongtungta hi.
Abeisa Monday nitaklam in nausuakding in kithawi ahih manin, khuasung aom zato “Loal health center” khat ah huhna ngending in vazuan hi. Tua zato pen Chandil Sub Divisional Hospital kici a, ahi zongin tua numei pen nausuakding in apaipih “Guardian” omlo ahih manin, zato nasem te’n na lehnawlh uhhi. Asum apaai, akisam khempeuh mawhpuak alading omlo ci’n alehnawlh uh ahihi.
Tua numeinu pen azingciang zingsang 5am hunpawl in agilna salua in, lampi tungah nausuakkhia hi. Tua anausuahna munleh zato pen 30m bek ki gamla himahleh Health Center te’n alehnawlhsa ahih manin, zuanngam nawnlo in lampi tungah suaksukmai a, naungek pen numei kici hi.
More: India zato khatah Oxygen akicing in omlo ahih manin mi 64 sikhin
Khuasung nupi pawlkhat in amuh uhciangin hehpihhuaisa in Chandil Sub Divisional Hospital ah aluptheih nadingin hanciampihthei bilbel uhhi. Tuapan in anu leh naungek pen lunghimawhna omlo ci a, Jharkhand aom Mahila Suraksha Griha akici numei kikepna “Women’s Shelter” khatah kipuak cih kiza hi. Sawltak #zomidaily
Comment piaknop aomleh...