Zanhal nitak in Turkey gama Night Club kisuamna Site lakah gamdangmi 15 kihel

Zanhal nitak in Turkey gama Night Club kisuamna Site lakah gamdangmi 15 kihel

Dec. 2, 2016: Zan zingsang in Istanbul khuapi sunga om lasiamte, actor-te leh sports starte hawhnopna mun Reina nightclub ah Kum Thak muak in mi 700 kiim a om lai-un zingang nai 1:15 am pawl in Christmas pu – Santa Claus banga kizem khatin nightclub ah a lut ma-in police khat leh nautang khat kaplum masa in, tua nightclub sungah barrel gun kici thausau zangin mipite lak va phengkap gawp hi. Hih mun kisuamna hangin mi 39 a sih banah mi 70 val in liamna tuak a, thum nak liam mahmah hi ci-in zan in Turkey prime minister Binali Yildirim in pulak hi.

Interior Minister Suleyman Soylu in hih bangin mipi omna suamna pen mawhna nei lo mihon thahna (massacre) hi a, mihing gamtatna dingin ngongtatvai lua hi ci hi. Security forces ten operations a kisam bangin bawl uh a, Pasian in pha a sak leh sawt lo khit ciangin kiman pah ding hi ci hi. Turkey prime minister Binali Yildirim in thaukapna mi khat bek dingin ki-ummawh a, mipite patau in a om un mitete lakah kihemkhia mang hi ci hi.

More: Malaysia Datuk khat ii azi in nasemnu thahsawm ahih manin kiman

Turkey ulian ten sihna tuak si luang 21 kitel ta (identified) a, tuate lakah gamdang mi 15 kihel a, Saudi Arabia, India, Morocco, Israel, Lebanon, Belgium leh Libya gammi kihel hi ci uh hi. The Hindu news in a suahsakna ah a site lakah Saudi mi 5 (numei nih kihel in), Jordan mi 3, Lebanon mi 3, Tunisia mi 2, India mi 2, French-Turkish dual citizenship nei 1, Libya mi 1, Israel numei khat (khat in zong liamna tuak) leh Belgian-Turkish dual citizenship nei khat kihel hi ci hi.

Reina nighclub suamte kua hiam cih tu dong a kipulak khia kuamah om nai lo hi. Source : Al Jazeera and news agencies ; The Hindu/ Thang Khan Lian