Khuado Pawi ding hongnai mahmah ta

Khuado Pawi ding hongnai mahmah ta

Laizom Zomi ulehnau teng,
Zomi te adingin pawi ineih te lakah athupi mahmah khat pen Khuado pawi ahihi. Hih khuado pawi pen ipu ipa te in limtak in nazang khawm den uh hi.

Zomi te gamtuamtuam ah kitung in khuado pawi izat hun kibang theilo den hi, innlam te zat hun leh gamdang te zat hun zong kibang theilo hi. Ahizongin USA gamsunga om Zomi ten tukum 2015 akipanin ahun kibang in zang thei leng cih lunggulhna tawh Zomi Innkuan USA in Boardmeeting tung tawn in thukhensatna nei hi. Bang bang hita leh abawl sa iom phialzongin , abawlnailo i omphial zongin anidingin ikibat theih nading leh mailam ah Holiday khat a gamtuamtuam ah hong kiciapteh theih nadingin dongin lunggulhna tawh anuai a bangin kigeel hi.

Oct Second week ta hileh cih lunggulhna kinei hi.

Tukum Khuado pawi ding pen – Oct 10 ( Saturday ) dingin ZIUSA huamsung a omteng in a ni kibangin zat khop theih dingin kilunggulh mahmah hi.

Zomi Innkuan Louisville te bawlsawm zia atom in:
Oct 10 ,2015 . 2:00 PM in Pawipi kipan ding hi.

Congressman John Yomud in thugenna hongnei ding cih laihong khak a, vaithupi ki tangsam mahmah dang aom kei leh ongpai in Zomi te Khuado pawi ah tha hongpia ding cih ong gen khin ta hi.

Amun ding: 4401 Manslick Road , Louisville, KY 40207 .
Ei te pawi ahih manin akua ma ciat in hanciam in bawlsawm ciat ni.

Lungdamna leh thapiakna tawh,
Sia Pau Khai.
Louisville, Kentucky.
Sept 30.