Gambel hong tung thakte koi gam pan hong pai cih thu dongtel ding
KUALA LUMPUR, May 22 (Bernama) May 10 ni-in Rohingya te leh Bangladesh mite honpi khat in phalna omlo in leitang hong siik uh a, pawlkhat Northern Sumatra tung uh hi. Tuate lakpan in Indonesia kumpi in 7,000te pen amau gam sungah tawmvei sung khawl pakna ding mun pia uh a, a kisam bangin huh in panpih ding thukim uh hi.
Malaysia Immigrationin hih gambel hong lutthakte vai a sian sak khit ciangin UNHCR in limtak in thudot phatna neih khentat uh hi. UNHCR thuneipipa Richard Towle in a genna ah “Hih gambel hong tung thakte pen koi gam pan hong pai cih thei nuam ih hih manin khat khit khat limtakin thu kidong pha ding hi.
Tua hi leh amau kuate hiam cih kitelzo pan ding a, amau kisapna tawh ki zui-in kihuh in ki panpih thei pan ding hi” ci hi. Bang hangin thudot phatna nei ding hiam cih leh hih Rohingya gambelte pen Bangladesh pan hi ung ci zel in khatvei lelah Kawlgammi hi ungh ci zel uh hi.
Richard Towle pen gambelte vai tawh kisai thukikum te lakah a kihel khat hi in, hih thu kikupna pen GlobalMovement of Moderates and Society for the Promotion of Human Rights (PROHAM) te vaihawm ahihi. Source: http://www.bernama.com
RSC & DHS ah na phone nambat update hamtang in
Tusawng sungteng RSC & DHS tungtosa khempeuh a omlai mah maw, a om nawnlo maw cih theitel nuam uh ahih manin phone limsap mahmah uh hi. Gam thumna na lunggulh taktak a hong kisap theihvet kei leh na phone nambat RSC & DHS ciaptehna leh na piak phone nambat ki banglo thei ahih manin update hamtang in. RSC & DHS panin hong samsam na hi gige in nang contact ngahlo hi gige mawk le teh a ciangtan hun acin ciang na file hong khak sak ding uh hi. Tampi tak khak sak khin cih thu zong kiza hi. Tua ahih manin gam thumna a na lunggulh takpi a leh na contact nambat na update hamtang ding kisam hi. Na contact update danin na theih kei a leh ZAM zumpi ah hong pai in.
RSC & DHS pan contact kingah lo
Anuai a Contact ngahlo nambat sungah na nambat a kihel khak a leh ZAM zumpi ah hong pai in. Contact ngah kik theihna dingin hong ki huh ding hi. Adiakin avom tawh ki gelhte Zomi sung pan hi.
354-14C00945
354-08C00973
354-09C06867
354-09C03563
791-09C10025
354-09C06674
354-14C04439
354-09C06324
512-03C00878
354-12C06971
354-11C00256
354-10C05656
791-10C06382
791-10C05594
791-09C08997
512-05C01445
354-09C05163
354-13C09632
354-03C10386
354-12C11978
354-12C04388
354-12C07424
354-08C02448
354-14C10014
791-10C03491
791-10C01939
354-09C00692
354-14C12355
354-09C07591
354-12C01859
791-10C04402
United States Ngeina le Dan Thusinna Khutzat Laibu : ZOMI (azom)
Khenpi Sawm leh Khatna
Sum le paai zeekzia
USA gam pen minamkim kigawm bilbial a tenna gamkhat hi. Tua ahih manin neek le dawn, vanzat tuamtuam bawl Companypi te’n zong amau bawl van khatpeuh pen mitampi in adeih, alunglut theih ding hahkatin sum tampi zang a mi khempeuh muh theihding (advertising) nak thansak mahmah uh hi. Tuate pen nuntakna ding bulpi a kisam hillo napi’n tu mahmah a leinop phial dingin iplahhuai thei mahmah hi. Khat veivei ciangin neih le lam tampi neihna tawh gual tungtuang ki sakha thei hi hang. Hoihtak ngaihsut loh man leh, sum neihzah tawh kituaklo in vanzat tampi deihna hangin sum leiba tampi ki neihlawh thei gige hi.
USA gamah innkuan nuntak nading sum tampi beilua mahmah ahih ciang thalawhsa khasum in daih zongeilo cihdan zong hipah saamlo hi.
Khasim Sumzatna
Kha bei simin sumpiakloh aphamawh mun tampi om hi. Khasim sum le paai zeekzia ding leh kha khat sung bangdan tawh sum thalawh theiding cihte pen nang USA gamah na teen theih nang thu hong vaihawmsak Agency te’n hong huh, hong panpih ding uh hi.
Bank tawh kizopzia
USA gammite’n sum pen inn khawngahkep sangin amuanhuaizaw dingin bank khawngah khol zaw uh hi. USA kumpite’n hong huhna sum le paaite leh khasumte akipan neihsa sumlepaai khempeuh pen nang bank sungah oltakin hong kikhak theih ding kisam ahih manin USA gamsung i tunphetin Bank Account neih ding thupi mahmah hi. Bank Account neih theih nadingin na laitawi khempeuh leh na omna address kimtakin bankah na lah kul ding hi. USA gam tun thei nading hong vaihawm sak Agency te’n Bank Account hontheih nang hong huh/vaihawmsak ding uh hi.
Sum zatna leh khasum khaikim in, sum zatdan ding hoihtak aa geelsiam ding kisam mahmah ding hi cih nopna hi.
Bankte nasepzia
⦁ Na khasumte na Bank Account ah hong khumsak ding hi.
⦁ Khasum san khitteh lohkik ding ci a abat tawh kizang phot thei mei bill, tui bill, phone bill cihte bank account pan ama thuthu in hong piaksak ding hi.
⦁ Oltaka sum lak thei thunziau theina set (ATM): Tuadan set a kithuah na munkhat peuhpeuh pan ATM card zangin ut hunhunin sum kithoh thei leh kithun thei hi. Ahih hang theihding khatah, mun khatkhatte ah ATM card tawh set zatman piakkul thei hi.
⦁ Sum leitawi theihna (Debit card) leina. Ei neihsa Bank Account ah sum a om teh ama thuthu akilohkik ziau ding, mun khat peuh pan van a ki batlak theihna dingin kizang hi.
⦁ Meikuang inzong a zawhlo sik singkuangte, aneihsa van manphate, laikung laidalte manphate Bank ah sapnapia in kizang thei hi.
Vanzatman piakzia
Khakhat sung na leibat ahi meisaap, tuisaap, gas meituiman, phone bill cihte a kipiak hunding hun ciangtan omhi. Tua hi-in a kiciangtan hun sungin napiak keileh nisim a kisam vanzat tuamtuamte a kibat zattheina hong kikhaktan ding, tua banah mawhsakna na thuak ding hi. Meisaap, tuisaap, gas meitui man, phone billte sumtang tawh kipialo zaw-in, laito (post office) pan chaque tawh ahi zongin Bankte vaihawmna tawh credit card tawh ahi zongin, email pan ahi zongin kipiathei banah kipawlkhopna khatpeuh panin zong nang piakding taangin hong kipiaksak thei hi. Bangbang ahi zongin adangte sang innsaappiak ding thupi masa penpen hi.
Sum leitawitheihna (credit) card te mawkzat/motzatna hangin leiba tampi nei in hamsatna tampi omkha thei hi. Sumzat danding hoihtak in nageel sitset masiah tua credit card zong zat huailo zelding hi.
Sum le paai zeekdan ding leh sum le paai ciilzat theih nading thu ahih leh USA gamah ten theih nading thu hong vaihawmsak Agency te’n honghuh hong panpih ding hi.
Koi ah van lei ding
USA gam ah sumbuk tuamtuam tampi a om lakpan a theihhuai phadeuh sumbuk pawl khatte.
Sumbuk golpi te: Nek le dawn theih tuamtuamte leh innsung vanzat tuamtuamte kizuak hi. Hi dan sumbuk golpite leh van namkim kizuakna sumbuk te ah i pianna gamciat tawh a kisai van tuamtuam, nek le dawnthei tuamtuamte kingah thei hi.
Eimau ngeina ciat tawh kituak nek le dawn theihte kizuakna sumbukte: Leitung nisuak nalam gam (Asia) mite ngeina tawh kituak neekledawn kizuakna sumbukte ahileh khuapiliante ah kitam muh zaw a, mi khatpeuh in ama pianna gamtawh kisai ngeinavante baihtakin ngahziau thei hi.
Van namkim kizuakna sumbuk golpite: Hih saipite pen America gam sung khua khempeuh phialah om hi. Hih saipi ah saino tampi a kihong khawm hi-in van namkim, van hoihnono khawng bek hizaw in mantam theizaw hi.
Motor luttheilo akici innkhum nei sumbuk te: USA gam khuapi khempeuh phial ah tua sumbuk neuneute omkhin hi. Tua sumbukneute sungah van namkim kihelgawpin kizuak lel a, tuamunte pan zong vanhoih nonote kingah theilel leh man ol tuanlo kici hi.
A thak ahi lo a kisia nailo vante zuakna sumbuk (second hand sai): Tua sumbukte pan khatvei a kizang khinsa, a kisianailo vante man olno takin leitheih dingin kizuak zihziah hi.
Dollor Veng/van man ol sumbukte: Dollor khat 1$ cih lai a kisuang sumbukte ah van khat peuhpeuh na lei leh dollor khatbek man ding a, tua sumbukte ah innsung vanzat nengnengte zong ki zuakin man olno tak tawh ki leithei ding hi.
Lamgei ah a kiphah ziau lamngei sumbukte: Hi dan sumbukte ah ei neihsate i zuaknop leh man olno takin ki zuakkik thei a zong man olno tak mahin ki leithei hi. Nikteen, puansilh ding tuam-tuamte leh naupang van tuamtuamte zong ki ngahthei hi.
Nasep leh thu tuamtuam tangkona neuneute:
USA gamsung thutangko na thupuak/laitai neuneu te pan thu tuamtuam ki tangko thei hi. Tua thu taangko na ah Second hand Motor Car te innsung vanzat nengnengte a tampen kimu thei ahih manin khat veivei teh athak sitset leisang hi dan second handte khawngpeuh deihhuai zaw thei phial hi.
Zopzop lai ding …
Nazat Phone asit maw sitlo etna
Phone i lei ciangin sit maw sitlo cih kithei lianlo in melet a ki lei vive hizaw pian hi. Tua ahih manin a sit maw sitlo ettheih nading in amasa in *#06# mek inla call in. Tua panin International Mobile Equipment Identity (IMEI) kici tawh nambat mal 15 hong suakhia ding hi.
Gentehna 43456610678935
Hih atung a nambat mal 15 lakah a 7 na leh 8 na anuai a nambatte tawh hong kipat leh:
⦁ 02, 20 ahih leh na phone pen Sengam pan a kibawl a hoihlo, aniampen te ahi hi.
⦁ 08, 80 ahih leh na phone pen Germany pan a kibawl hoih lualo, sia lualo te ahi hi.
⦁ 01, 10 ahih leh na phone pen Philippine gam pan a kibawl quality hoih mawhlo te ahi hi.
⦁ 00, 03, 04, 05, 06 ahih leh na phone pen original setzung pan a kibawl quality hoih pen te ahi hi.
⦁ 13 ahih leh na phone pen quality a niampen ahoihlo pente ahih manin nang adingin cidamna tawh kituaklo zat dingin lauhuai ahih manin na zatloh ding hoihzaw tham hi.
Tusung ZAM Palaai te buaipih diak teng
⦁ Thang Sian Dong (Sim Suangzang) leh Do Kim (Sim Suangzang) May 17 ni-in kiman hi in, ki buaipih laitak.
⦁ Thang Biak Tuang (Zozaang), May 25 ni-in a kiman Dangwangi palik zum panin kitan khia.
⦁ Khai Suan Lang (Pyidawtha) Do Ngin Khual (Pyidawtha) a kiman a kikankan laitak.
⦁ Cing Sian Dim (Ngalbual) May 20 ni-in Ampang zato ah ki buaipih.
⦁ Lian San Don (Laaitui) May 21 ni-in Bandar Tun Razak ah ki buaipih.
⦁ Zam Kap (Tungzang) Semenyih ah tuahsia in Kajang zatopi ah ki buaipih.
⦁ Thang Sian Hau (Haupi) leh Go Phian Tuang (Buanli) CID te kiangah a vai ki gensak.
⦁ Thang Lam Khai (Gamlai) UN ah avai ki puaksak.
⦁ Hang Lam Sang (Buanli) Palik zum pan ki tanthei.
⦁ Suan Pau (Singunau) Kajang thongah ki vehthei.
⦁ Dal Khan Sut a omna kikan sakthei.
⦁ Lang Cin Thang (Munlai), Khual Khan Kap (Munlai) leh Dim Lun Mang (Tai 9) te Kajang thongah kiveh thei.
⦁ Thuam Khan Khai (Pyidawtha) Malaca Camp ah ki vehthei.
⦁ Man San Lun (Thangnuai) May 26 ni-in Ampang Hospital ah ki buaipih.
⦁ Mang Lawh Nuam (Laaitui) May 28 ni-in Bandar Tun Razak ah ki buaipih.
⦁ Thang Khen Pau (Chanthagyi) May 28 ni-in HGKL ah ki buaipih.
Hihbang in atung a cina luna, kimat kihen atuak ih mipih Zomi te vanzawh nadingin hong panpih pen kuamadang hihetlo a, NANG na hi hi. ZAM Card nongbawl a, kumsim nong Renew tangtang Zomi te tungah lungdam mahmah hi.
Innkuan lutpih thei nailo te theih ding
UN ngahsa innkuan lutpih thei nailo te in UN ngah nailo na zi leh na tate adingin kidalna lai (Protection Letter) na bawl nai kei a leh ZAM zumpi ah bawl sak un. Deihlohpen in lamkal ah kisitna, kimat kihenna, lockup, thong tunna khat a om leh UN te’n hong hotkhiat nang baih zaw hi.
UN vai tawh kisai lai kigelh sak den
Innkuan lutpih (DS), REG, RSD, RST, RSC, DHS leh IOM ah lai gelhsak nuam peuhpeuh ZAM zumpi panin a khawnkhong in lai ki gelhpih den hi.
ZYA Kaamsinna laibu ki khon kikta
ZYA Kawlpi pan hong kizuak kaamsimna laibu a kemlai khempeuh in kikhak kik nuamta ahih manin May khabei ma in ZAM zumpi ah na khot zahzah uh nong ap kik na ding un kong zasak uh hi.
Francis Thawng Cin Kham te innkuan lungdampihna
Malaysia ah 2006 kum in tung in khuasungah ki om ngamlo in ZAM kipatcil lai-in gamlak ah camp kibawlna Putra, Dengkil ah UN ngak in tai kawikawi in atawpna ah Rawang Camp ah kum 1 val UN ngak in om ngei hi. UN ngahzo tuanlo in a om kawmkal ah 2008 ni khat ZAM zumah vahawh in zangiakna ah Operasi lutna pan palaai le lengla 18 kiman lak ah kihel in Lenggeng camp ah ni 45 sung kiman in om hi. Tua khitteh Thai gamgi ah kipuak kik in tua hun sungin UN ah gambeel mi khat minsanna na ngah theipah hi. Revolving door cih Tenaganita (Malaysia NGO) te laibu bawlna sungah zong kihel kha hi.
Camp pan suahtaakna ngah khitteh Harvest Centre (tu in gambeel naupang tampitak te sangkah theihna Dignity for Children Foundation) kici NGO ah sangsia nasep ngah in tuapan in za khang toto in a tawpna ah UNHCR le Dignity kipawl in nasep khopna a hi Teachers Compensation Project ah a kipat 2010 pan 2015 kikaal sungin Refugee naupangte sangkahna sang 120 te tawh nasemkhawm in sangsia 180-230 teng ii khasum ngah theihnang in vaisaina tampitak le gambeel naupang te ading in thugenna le panpihna te neito thei hi. Naupang te tul sawm val le sang sia 400 val te ading in tungsiah UN lamah kizopna a kicin semsem nang in nasiatak in panla hi.
Tua huhau in 2013 kum in UNHCR in ‘MOST OUTSTANDING CONTRIBUTION TO COMMU-NITY LEARNING CCENTRES’ cih pahtawina zong na ngah ngei hi. Hih pen hunbit nasepna hi.
Minam kipawlna ah zong hun awng neih sunsun zatsiam in ZAM-ZSM ah adviser dinmun 2013-2015 sung sem hi.
2013 kum ZAM kumcin kiteelna ah va kihel ngei in Thuzeekpi dinmun ngah ngei in a hi zongin tua panmun pan vai tuamtuam hangin sauvei semsuak manlo hi.
Francis Khampi pen 25/5/2015 in a zi Judith Cing le a tanu Teresa Kham tawh USA gam, Portland, Oregon State ah UNHCR vaihawmna tawh tung theita uh hi.
Rev. Dr. Neng Khan Thang te nupa ZAM zumpi ah hong hawh
May 25 ni sunin Rev. Dr. Neng Khan Thang te nupa ZAM zumpi ah hong hawhin Malaysia a om Zomi te adingin veina leh deihsakna lianpi
tawh thu hong ngetsak uh hi.
Appointment omlopi in UN na pai ding leh loltheihtawp in lol in
UN ah nau apding, Card tettantu ding, OPI ah thongkia report ding, vai khat peuhpeuh ah appointment neikhollo a pai ding na hih leh loltheihtawp in lolsawm in. Tua hi kei leh hong lutsak nawnlo ding uh hi.
KWONG WAH YIT POH PRESS ah Zomi te suakkha
ZAM Hall ki kawmthei
ZAM Hall pen Session khat (nai 4 sung) RM200 ki lading a, nai 4 khitciang azatbehtoh nopleh naikhat RM50 ki lading hi. Aki zangthei vanteng: Aircon, Tutphah 150, Sound System, Drum Set 1, Wired Mic 1, Wireless Mic 2, Usher Counter etc…
Note: Guihtheih khamtheih zat ki phallo hi.
Zomi Card tawite ading nasep
⦁ UNHCR-EST nasep zonsakna panin KL kiim teng moh bawlna leh ansai neuneu te sem UN ngahsa Mangpau leh Malay a thei mi 50 ki deih. Alunglut khempeuh in ZAM zumpi ah ah form hong fill up un. Nasep hun nai 8 sung. Kha khat ni 5 off. Kha sum RM900. An man ding kha khat teh na boss te un RM150 pia ding. Omna man kha khat RM50 kat ding. OT nai khat 1.5. Kumcin teh bonus om.
‘ 012 367 4665
Lungdam kohna
⦁ Zion UPC Kepong pawlpi in tukal Thupuak bawlna ding RM100 hong pia khia kik leuleu ahih manin ki lungdam mahmah hi.
⦁ Gamsung gampua mun tuamtuam pan ZAM nasepna te tha na piak nopleh lungdamtak in hong kisang ding hi.
Address:
155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email: [email protected]
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website 
tungpan kongsuaksak zelzel uhhi.
Note :: PDF tawh na simnop leh
Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…
Comment piaknop aomleh...