Tulaitak Gam buaina vai tawh kisai – muhna tomno

Tulaitak Gam buaina vai tawh kisai – muhna tomno

A kigengen thu te en leng amau a tek aa a maan vive hi. A phual lian ah media te hoih tak lut theihna ding haksa ahih man in thu pen mun khat le nih pan bek hong pai hi.

A thusung tawng dong tel zawh ding a haksa hih thu pen, mi mawkmawk khat ii muhna pan in –

Gamvai (Politic) cih in “Kua ten Bang Ngah” cih “Who get What” definition tawh en leng kitelbaih ding hi.

Hih vai aa akihel teng a lom in en in amau ii Ngah le Asup teng en leng a nuai a bang in kimu thei hi.

1. Rakhine tualsuak minam
A ngah uh – Kawlgambup mipi te hehpihma
A sup uh – A mau gam leitang khuapi pawl khat ah om ngam nawn lo. Leitang sum. Gamdang huhna te nolh uh hi.

2. Mivom te –
A ngah uh – Leitungbup ii hehpihna le panpihna ngah uh
A sup uh – inn le lo, nuntakna, Kawlgam sung a mau tawh kisai muhdahna le huat a sang pen dong a khang

3. Kawlte – Daw ASSK le NLD pawl
A ngah uh – Kawl mipi bup te thauh khaan muh ngah.
A sup uh – DASSK tung ah Leitung gam tuamtuam te muhna le zahtakna kiam cipi in kiam.

4. Kawlte – Galkap te
A ngah uh – Hun tomno sung in Kawl minam bup ii muanna le panpihna ngah kik uh.
A sup uh – A leiphual a gam vak paltan pawl khat te nuntakna

Hih pen Aug 25 – Sep 5 kikal thupiang teng tungtawn in khinkhaina hi a mailam hun thupiang te zawitawn in kikhelna om thei lai ding hi.

Mailam ah – Maikal sung Sep 12-25, 2017 in kum sim kibawl UN Khawmpi (UNGA72) kibawl ding hi ta hi. Hih pen tutung thupiang sak te, akihel a thuvaihawm te ading Laivuan pi tawh kibang hi.

Gamvai ah thupiang mawkmawk cih om lo in ami, ahun le timing zui in a na kisem ciat ahihi.

Hih vai tawh kisai in ei Zogam ahbang a tuak kha hi leng bamg ci gamtat ding cih pen gam ading, minam ading a vei khem peuh in ngaihsun in pilna lak khiat theih ding kisam hi.

Siambawi
September 5, 2017
Zingsol