Malaysia gamsungah lungphona nasiatak om
August 29-31 kikal Malaysia gamah Bersih 4.0 Movement te makaihna tawh lungphona om ding hi. Hih lungphona pen nidang a te danin deihngetna maimai hilozaw in gam makai uh Prime Mister Najib Tun Razak deihlohna hang a kibawlna lungphona ahi hi. Kumpi galkapte leh Police te in maban hongkhak in hong buaisak uh hangin maban pen kinung tolh kiklo in, ki zomsuak ding ahi hi ci-in Bersih 4.0 Movement makai pipa in tangkona nei hi.
Hih thu hangin Malaysia Police te in Security nasia takin kigin kholhna neita uh a, tuakhit banah Malaysia Police pawlkhat te in hih buaina hangin hunhoihla in summet bawlna in zang sawnsawn in mun pawlkhat te ah Police leh Damiah zong telmel om nawmlo in sumngen in om cih thu zong kiza hi. Hih lungphona hangin KL huam sung lampi 18 te kikhak ding hi. Tua ahih manin Malaysia gamsung a om Zomi khempeuh vaksuk, vaktoh nate leh nasepna ciah leh kuannate ah khua heksiam in pilvang ciat ni cih thu deihsakna lianpi tawh ZAM zumpi panin i kiza sak hi.
Tua ahih manin deihloh penin buaina, nawngkaaina, neek le dawn kisapna a omkhak le a kinai penpen mun a lei ding hoih pen a hi. St. John Biakinn, St. Anthonyle Fatima Biakinn te ah neek le dawn ahi zongin tawlngak theihna mun ahih theih nangin Kuala Lumpur Archdiocese innteekpipa a Archbishop Julian in a kisam bangbang in zattheih ding hi ci in phalna pia hi.
Theihding : Tusung teng puansan (red) leh puannaipak (yellow) limlim silhloh ding hoihpen hi. Deihloh penin hih vai ah hamsatna leh dongtuakna naneih leh NGO khat ahi Health Equity Initiatives (HEI) 016 211 5738 te tungah huhna kingen thei hi.
ZEC in Faisal Cup 2015 ah gualzawhna ngah
Faisal Cup kum 10 cin kimawlna pawipi ah ZEC sangte lakpanin ZEC – Cheras, ZEC – Kota Damansara, ZEC – Maharajalela leh ZEC – Talalla te kihel thei uh a anuai a pahtawina teng hong ngah thei uh hi.
Zomi Education Center (Cheras) pan ngah teng:
⦁ U14 Boys Football Champion
⦁ U12 Girls Netball Champion
⦁ U14 Girls Netball 1st Runner up
⦁ U10 Girls Netball 2nd Runner up
Zomi Education Center (Maharajalela) pan ngah teng:
⦁ U14 Girls Netball Champion
⦁ U14 Girls Football 1st Runner up
Zomi Education Center (Talalla) pan ngah teng:
⦁ U10 Girls Netball Champion
⦁ U10 Girls Football Champion
⦁ U12 Boy Football 1st Runner up
⦁ U10 Boys Football 2nd Runner up
UNHCR-EDU tawh kimuh khopna
August 28 ni zingsang nai 10am pan 12pm kikal UNHCR-EDU makaihna tawh kipawlna sang tuamtuam pan panpihna ngah teng kimuh khopna KLBC biakinnpi ah kinei hi. Hih kimuh khopna sungah UNHCR-EDU panin ulian Mi Mi leh Annora Ong hong kihel thei uh hi.
Abeisa hunin UNHCR-EDU pan panpihna ngah sia/siama te June kha bei ciang, August kha bei ciang, October kha ciang bek ki panpihzo ding cih thu tuam-tuam ging om mah leh tuni in kumbei ciang panpihna ngah ding cih lungdamna thu hong pulak khia uh ahih manin ki lungdam mahmah hi.
2015 Kum Malaysia a om Zomi bupin tatsatlo thunget khopna ding zotna
Zomi khempeuh tungah Topa kiangpan hong pai damna, nopna, daihna leh mavan nate athakin hong tung tahen.
Ei Zomi te in abeisa kum nih a kipan minam bupin tatsatlo kha khat sung ih thungetna Topan hong dawngin Topa ompihna tampi ihmu khin hi. Tua hi a, mimal mahmah in kilunglut mahmah ahihna ihmuh ciangin tha ih ngah mahmah hi. Tukum ading in, anuai a ih hungeelna bangin tukum tatsatlo ih thungetna zom kikta ding ih hih manin Pawlpi sia, upa leh alunglut khempeuh hanciamin kiniam khiatin Pasian maizong ni ci-in kong zawn uh hi.
Amun : ZAM Hall
Ahun : 10am-12pm
Ani : 03 September 2015 (Thursday)
Zogam Dongtuakte ading huhna nungkal azom
22-28 August kikal apia teng
ZAM tungtawn dongtuak huhna kingah khempeuh September 1 ni kikhakta ding ahih manin a piakhia nuam giugiau ih omlai leh 31 August ni anunung pen kipia thei lai hi.
Tual Suan Khual (Tuilangh) 50
Niang Khan Cing (Ngente) 50
Mang Suan Thang (Mualbeem) 10
Pau Deih Tung (Saizang) 100
Kham Zozang Kipawlna (Malaysia) 600
Darkhai Unau Kipawlna 700
Gin Sawm Pau (Bukphil) 100
Tuimui Khua Kipawlna 500
Saizang Khua Kipawlna 300
Khup Suan Khai (Saizang) 10
Zomi Catholic Community Malaysia (ZCCM) 500
Thang Suan Khai (Mualbeem) 50
Sunway Emmanuel Church 2,000
Thang Kap Sing (Tongsial) 100
Hau Suan Thang te unau (Lailo) 350
Saipimual Khua Kipawlna 100
Cing Sian Huai & Ngin Suan Khup (Singunau) 50
Laangzaang Khua Kipawlna 100
ZCWC Pandan Indah 381
Pa Cin Sian Pau & Nu Cin Deih Man (Tungzang) 200
Taaklam Innkuan Malaysia 600
Tu ciang dongtuak panpihna kingah khinsa RM42,229.
Tukaal sung ZAM palaai te buaipih diak teng
Kawlgam Ciah ding buaipih teng:
Do Suan Khual (Suangzang), Cin Suan Piang (Bapi),
Dim Ngaih Nang leh Gen Khan Khual te Kawlgam ciah theihna ding kivaihawm thei hi.
Mat le hen lam buaipih teng:
⦁ Lian Khan Kap (Anlangh),
⦁ Pau Biak Mung (Tuitangzang),
⦁ Thang Sawm Lian Mung (Lunmual),
⦁ Pau Zo Khai (Haiciin) hong suakta thei uh hi.
Damlo vai buaipih teng:
⦁ Khawm Boih (Tuangdung) Ampang zato ah,
⦁ Man San Lun Thangnuai) Kajang zato ah,
⦁ Lian San Mang (Lailo) Phuchong JPN ah,
⦁ Khual Sian Muang (Lamzang) ACTS ah,
⦁ Peter Go (Tuikhiang) Tung Shin zato ah,
⦁ Khual Sian Muang ( Lamzang),
⦁ Thang Za Muan (Laaitui) Bandar Tun Razak MCH ah ki buaipih thei uh hi.
Buaipih laitak teng:
Pau Mung (Suangpi), Zam Sian Sang (Tuithang), Zam (Leilum), Cin Thawn Kim (Thalmual) ki buaipih laitak.
Malaysia a om UNHCR in Card mawkpiaknawn keihen!
Malaysian Government kumpi phalna omlopi in Malaysia gamsung aom UNHCR kici United Nation High Commissioner for Refugees in UN Card mawkpiak nawnkeihen ci’n kumpi thuneite’n zaksak uh cih Channel News Asia pan kizasawn hi.
Minister in the Prime Minister’s Department Shahidan Kassim ii genkhiatna ah UNHCR in Malaysia gamsungah UN Card apiakding uhciang in Malaysia Home Ministry leh Immigration Department te hong kuppihphot uhhen cigiap hi.
Abeisa hun ah UNHCR Office in Refugee Card pen ko Home Ministry leh Immigration Department te kuppih masalo in ahawmkhiat uhpen khial mahmah ci uhhi.
Alor Setar UMNO divisional delegates meeting ah Saturday ni in Reporter te tungah agenkhiat hi a, UNHCR in Malaysia gamsung ah Diplomatic Status neilo hi cihzong genkhia hi. Tua ahih manin Police te’n bangci bangin Refugee Card ki hawmkhia hiam cih akankhiatding uh kadeih hi cihzong Shahidan Kassim in genbeh hi.
Banghangin Shahidan Kassim in hibang in genkhia hiam cihleh Malaysia gampen 1951 Convention hunlai in Refugee Status ah letmat thuhlo uh a, 1967 Protocol ah zong kihello uh hi.
Tua ahih manin Malaysia gamsung aom gamdangmi te’n Refugee Status adeih uhleh Malaysia kumpi thukhun Law tawh kituak in a ngetding uhpen thuman ahihi cih pulak uhhi.
Malaysia gamsungah Refugee Card atawi mi 130,000 bang phavenvanta a, hih mite pen UNHCR Office in Refugee Card apiakziauziau uhpen lauhuai mahmah hi. Banghanghiam cihleh hih gamdang mite pen hong paikhiatna gampan bangmawhna bawl, bang gamtat siatna Crime Case nei uhhiam cih kitheilo ahih manin, Malaysia gamsung a nawngkaisak lel ahihding lauhuai cihzong Shahidan Kassim in genkhia hi.
Tua ahih manin Malaysia in hih mite gamtatsiatna te thuakzo nawnlo ahih manin, Malaysia gamsung thukhun Law tawh kituaklo in akiman te agam ah ki puakkikding hi ci’n Shahidan Kassim in Reporter te tungah apulakkhia ahihi.
Tua ahih manin Malaysia gamsung aom Zomi khempeuh in vaksuk vaktohna, nasepna, ciahna kuanna te ah kidop mahmahding thupi hi.
Source : www.zomidaily.org
23 August 2015 ni kimawlna results
| No. | FIELD | MATCH | |||
| 13 | THANGHO | MLPP | 2 | 0 | ZAC |
| 14 | LIANDO | ZEM | 4 | 2 | MMC |
30 Aug., 6, 13 Sep., ni kimawl ding Pawlpi teng
| No. | TIME | DATE | FIELD | MATCH | |
| 15. | 8:00-9:30 | 30 Aug. | THANGHO | ZCCM | ZAC |
| 16. | 8:00-9:30 | 30 Aug. | LIANDO | AGAPE | ICA |
| 17. | 8:00-9:30 | 06 Sep. | THANGHO | MLPP | MMC |
| 18. | 8:00-9:30 | 06 Sep. | LIANDO | ZEM | ZCF |
| 19. | 8:00-9:30 | 13 Sep. | THANGHO | ZCCM | ICA |
| 20. | 8:00-9:30 | 13 Sep. | LIANDO | AGAPE | ZAC |
Zomi League 2015 Standing point
| No. | Pawlpi | P | W | D | L | GF | GA | GD | Pts |
| 1. | ZCF-Canaan | 3 | 3 | – | – | 11 | 5 | 6 | 9 |
| 2. | ZCCM | 3 | 2 | 1 | – | 8 | 3 | 5 | 7 |
| 3. | ZEM | 4 | 2 | 1 | 1 | 12 | 11 | 1 | 7 |
| 4. | MLPP (Laipian) | 4 | 2 | 1 | 1 | 7 | 6 | 1 | 7 |
| 5. | MMC | 4 | 2 | 1 | 1 | 9 | 9 | 0 | 7 |
| 6. | ZAC | 4 | 1 | – | 3 | 8 | 7 | 1 | 3 |
| 7. | AGAPE | 3 | – | – | 3 | 3 | 8 | -5 | 0 |
| 8. | ICA | 3 | – | – | 3 | 6 | 12 | -6 | 0 |
Zomi Card tawite ading nasep
Wangsa Walk Mall, KL Texas Chicken (Malaysia) a semding pasal citak mi 3 kideih. Omna pialo. Nasep zia ding KFC te tawh kibang.
Kizopna ding ‘ 012 367 4665
Lungdamkohna
⦁ Suanta leh Mangngek (Mualbeem) in ZAM Thupuak bawlna ding RM100 hong pia ahih manin ki lungdam mahmah hi.
⦁ Cin Deih Lian (Kapteel) in ZAM Thupuak bawlna ding RM50 hong piak manin ki lungdam mahmah hi.
⦁ Pa Nang Do Mang (Mualbeem) in Zomi damlote zattheih ding khutsawnleng (Wheel Chair) hoih mahmah khat hongpia ahih manin ki lungdam mahmah hi.
⦁ Ngin Suan Khup & Cing Suan Huai te in ZAM Thupuak bawlna ding RM40 hong pia ahih manun ki lungdam mahmah hi.
⦁ Cingnu & Haupi te in ZAM zum a te niangtui dawnna ding RM100 hong pia ahih manun ki lungdam mahmah hi.
⦁ Mang Suan Thang (Mualbeem) te innkuan in ZAM Thupuak bawlna ding RM50 hong pia ahih manin ki lungdam mahmah hi.
⦁ ZAM nasep nate tha napiak nopleh lungdamtak in hong kisang ding hi.
Zomi League Result te PDF File sungah kiciantak in ki enthei dinghi.
Note :: PDF tawh na simnop leh
Hih link >>> PDF File tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh Zomi Daily website tungpan kongsuaksak zelzel uhhi.
Comment piaknop aomleh...