ZAM Thupuak :: 24 Mar 2019 (Malaysia UN vai thuthang tuamtuam)

ZAM Thupuak :: 24 Mar 2019 (Malaysia UN vai thuthang tuamtuam)

Malaysia UNHCR makaipi Thomas Albrecht leh Community makai te kimuh khopna 18 March 2019 ni 10:00AM pan in UNHCR hall sungah kinei thei hi. Hih kimuh khopna pen Malaysia UNHCR makaipi din mun ah Thomas hong om zawh Community makai khempeuh tawh amasa pen kimuh na hi a, ZAM leh ICC makaite tawh a nih vei na kimuhna ahihi. Hih hun sungah thuging tuamtuam tampi te kawmkal ah official takin thugenna tampi kinei thei a, tua te sung pan a theih huai thu pawl khat pen:

¨Malaysia Kong tuntung in Malaysia NGO/Kumpi thunei te in zong Interview na tam pi hong nei uh hi, tua mun ah zong gambel te’n na hoihtak in a sep theih na ding in Malaysia Kumpi thunei te kiang ah ngetna ka nei hi.

¨Kuala Lumpur sung bek aa gambeel Refugee te bek vaanding kilawmlo aa, Malaysia gam sung a gamla a nai ah-om Gambel Refugee teng din mun kikim in leh a kibangin koi ci vanding in kalsuan pih ding cih te vai thupi mahmah khat in ka ngaihsun hi.

¨UN Zum mai ah gate te ah kigualin vaidawp (inquiry) dingin gamlapi pan hong paite in bang mah dong khalo in a ki leh kik tampi om hi cih thu zong ka zakhin aa, tua te zong ka thei hi, tua ahih manin vaidawp (Inquiry) na dingin UN zum paikul loin koi cih leng UN vai a dawpnuam leh akan nuam te ading lem pen ding hiam cih ka ngel laitak uh ahihi.

¨UN zumpan in interview ding ahizongin vai khat peuhpeuh a om teh phone hong kisap ciangin khat vei bek hong kisam in len man kei leng hong kisam kik nawn tuanlo hi cih thu zong kipulak a, Thomas in a dawn kikna ah “Hih vai pen a hoih pen dingin kong gel ding uh hi. Gentehna in phone sap a kingah kei leh message tawh lai khak ding maw cih te ahi zongin a hoih pen ding lampi khat hong gel khia ding hi ung” ci hi.

¨Policy thak tawh khentuam guptuam nei lo-in na kongsem ding hi, Gentehna in Rohingya/Kachin/Chin Refugee te bek tuamtel in katuam sep keiding uh aa, tan kikim in a hoih pen dingin kongsem ding uh hi ci hi. Malaysia Kumpi thuneite in kong tuntungin Interview hong neihna uh ah Rohingya te vaizong hong limgen mahmah uhhi. Rohingya te bek hi tuanloin gambel mi khempeuh tungah tan kikim in sepzia ding a hoih pen in UN zum ah makai dang te tawh kikum khawm in kong sem khia ding uhhi.

¨Chin State pan gambel Refugee te vaipen Option1/2 teel zong om nawnlo ding hi. Laidal kipia te zong Card mah kong pia kik ding uh hi. Laidal tawi te UN Card piakik ding a hun pen sepzia ding hoihtak kong kikum ding uh aa, tuapan in kong zasak kik ding uh hi. Tuaban ah Asylum Seeker te khempeuh adingin zong a hoihpen ding leh ahuam kimthei pen dingin nasep pih ulian te tawh kikum khawm in kong vaihawm ding uhhi.

Asylum Seeker 2013 Card kilaksak Card kitengsak te vai pen gencian na neilian nailo in a hoih pen dingin hong gel ding uh ih lam-en mahmah hi. Chin State pan Refugee khempeuh aa ding thuhoih vive hong hita aa, lungduai takin i ngak ding zong hong kisam mahmah ding hi. UNHCR adingin i thungetnate khawl hetloin khan toto lailehang tu’a ciang agah hong musak leh UN thuneite lungsim hong kikhelsak I Biak anungta Pasian in na a sep ciang a haksa khat beek zong a om lohlam kilang tektek lai ding hi. Thungetna in vang lian hi.

INTERVIEW NA PAI CIANG

Tulaitak a diakdiakin RSC leh DHS interview te kinawh sap mahmah ta hi. Tua ahih manin interview na pai ciangin pelloin na theih ding thu pawl khat hong om hamtang hi. Tulai tak pen ei ading hun nunung hong hi ta ahih manin interview ah ki ginglopi a na paina pen nang leh nang a kibawlsia tawh a kibang na hih lam phawk gige in. Tua ahih man in hun hoihlo sungah I mailam kalsuan nadingte ei mau mahmah in a hoihpen ding in hanciam tek ni.

1. Thu hong kidongte hoihtak tel lopi in dawng kik kei hamtangin. (upmawh dawn or mangsia khiat in khiain dawng kei in) Telmel lopi in upmawhna dawnna in na zum vai hong kikhel sak thei cih phawk gige

2. Kamphen te in pau telcian lo ahih kei leh nang lam panin kamphen te pau telcian loh na khat a om khak leh zong kisuangtaklo tak mah in kitel kei ci-in gen lel in. Tua bangin na sianggen na hangin nang a ding buaina bang mah om tuanlo ding hi.

3. Pawl khat in ei khua awsuah/awkaih tawh I pau ciangin kamlet pawl khat in zong tello thei hi. Tua bang hun ciangin kamlet pawl khat in Tedim pau in pau in ci in tai cih zong kiza thei a, ahi zongin kamphen te mahmah in zong nang pau hong tel ding zong a thupi a hih lam phawk hamtangin. Kammal khat kitelkhial leh zong I vai pi khat ki pelh thei hi.

4. Zomi ahi lo namdang te in kamlet hong sep a, a pau na tel kei leh zong tello cih siangtakin gen pah zaw in.

5. RSC officer a tam zaw in Malay pau zong tel ahih manin a thugen te na tel kei leh Malay pau tawh zong na tel lohna gen kik zaw lel in.

6. DHS na interview ciang hong dotna na tel kei leh na teldong dong kikkik lel in. Tua bangin dot kik hangin bang mah buaina om tuan lo hi.

7. A diakdiak in tulai tak min kitaih te DHS a sap laitak ahih na tawh kizui in ih min tawh kisai hoih tak I ki ging kholh ding hong thupi mahmah ding hi. Khat vei mawh matna om khin ahih manin tutung ah I dawndan leh I lakkhiat dan I siam ding hong thupi mahmah ding hi.

8. Zum ah interview ding na pai limlim ciang zuu nam heha sa leh kamsan biabua sa khawng in pai kei zaw hamtang in.

UNHCR ZUM PAN PHONE HONG KISAP CIANG

UNHCR zum pan in phone hong kisap ciangin hong sapna mun (RSD,DSU/RST/RSC/OPE, DHS ..etc) dong hamtang inla, bangvai tawh hong sam cih zong dot ding manggilh kei in. Phone hong kiho ciangin zong hoih takin kiging kawmsa in dawng kik inla, thudot hong neih leh zong na zum vai tawh akipelh loh ding hoih tak ngaihsun kawmsa-in dawngkik hamtangin. Kam khat I dawn khialh na tawh supna tampi piang thei hi. A diakdiak in hong sapna Department I theih kei leh zum I pai ciangin nawn kai na tampi om zelzel hi.

KIDAWM CIAT NI : Malaysia om Zomipih a kua ma ciat I omna gam huih nun zia tawh kizui in kidawm ciatni cih hong zasak phapha ung. Kimat kihen hong tam mahmah in, a munmun ah oparasi hong lut pahpah ahih manin vaksuk vaktoh, hawhsuk hawhtohna ah kidawm ni. I om na veng kim veng pam ah zong kidawmsa in om ciat ni. Kiim leh pam a om mite in hong muh khialh loh dingin I om dan I khawl dan te kikem siam kawmsa in om ciat ni. Vai thupi mahmah lobuang zong vakvak kei zaw leng hoih zaw ding hi. Grab tawh na vak leh zong na tuan ding motor hawl te hoih tak telsiam lecin nang a ding hoih pen ding hi. A diadiak in mitam na munte ah tam vak kei leng ei ading hoih pen zaw ding hi. A zenzen in kimat kihen na khat natuak leh ZAM zum ah hong zasak pah in. Contact – Sia Tuangpu 016 254 4093 – ZAM hotline 016 293 9027

MALAYSIA PEN ZOGAM A HIH LOH LAM PHAWK IN

Malaysia leitang tungah Zomi a tul tampi I om hangin I gam I lei hi lo cih phawk hamtangin. I ngeina leh I khan khiat zia kibanglo ahih manin I kidop ding kisam mahmah hi. I mipih pawl khat pen Malaysia ah I zongei na hong zang kha uh ahih manin kisam lopi in thukhen zum kitung kha zel a, kisam hetlopi in sum tampipi kibei kha zel thei hi. Tua ahih manin mimal kim in I omna gam te I ngeina zia leh tong tawh kizui in gamtat khuasak dan kidawm in I om ciat theih nang dingin ki hanthawn pha pha hang.

ZATO LAM TAWH KISAI :Zato lam tawh kisaiin vai khat peuh na neih leh Contact :Sia Mungpi 018 3122 957

TUKAL SUNG ZATO LAM BUAIPIH

1. Mang Sian It Sang (Ngalbual) Kajang Hospital ah buaipih

SANGNAUPANG TE TAWH KISAI THEIH HUAI : UN zum ah I lut ciang ahih kei leh vai khat peuh tawh kisai interview I neih ding ciangin sangnaupang te file zong ki en kik zel ahih manin Nu leh Pa leh siate in I sangnaupang te I thu leh la tawh kisai-in I tangthu sung a bang mah in mantak in I piak ding hong thupi mahmah ding hi. UN tawh kizom sang te ah a kah sang naupang te pen UN ah a sazian kipuak zel ahih manin I a kibang lo tampi hong omloh ding hong thupi mahmah ding hi.

ZSM PANPIH NA HONG PIA TENG : ZSM adingin mimal, Pawlpi leh Khua tek pan in zong panpihna I nget zel mah bangin kum simin zong hong kipia den a, tukum adingin zong ZSM panpihna hong ki piapia tahi.

• 1. MLPP pawlpi RM300
• 2. MBF Pawlpi RM300
• 3. Zomi Innkuan Rawang RM300
• 4. Saizang khua kipawlna RM200
• 5. Zomi Ebenezer Malaysia RM1000
• 6. Mualpi Innkuan Malaysia RM200
• 7. Malaysia Tedim Suangpi innkuan RM200
• 8. Phaiza Innkuan RM200
• 9. HCCF pawlpi RM200
• 10. MZCC pawlpi RM1000
• 11. ZCF-Bethany Pawlpi RM300
• 12. Buanli Khua Kipawlna RM200
• 13. Mualbeem Khua Kipawlna RM200
• 14. Tuithang Khua Kipawlna RM200
• 15. Tuilangh Khua Kipawlna RM200
• 16. Zonuamzang Khua Kipawlna RM200
• 17. Do Sian Pau (KL Cherry Store) RM100
• 18. Zion Christian Church (Songailong) RM150
• 19. ZBCM pawlpi RM100
• 20. ZCF-Kota Damansara RM300
• 21. Laaitui Khua Kipawlna RM200
• 22. ZAC pawlpi RM300
• 23. Harvest pawlpi RM200
• 24. Dal Sian Hung Ministries RM300
• 25. Lailo Khua Kipawlna RM300
• 26. Cingpikot/Keizang Khua Kipawlna RM200
• 27. Malaysia Muizawl Khua Kipawlna RM200
• 28. Adonai ZCF pawlpi RM300
• 29. Joshua Mung (Tungzang) RM50
• 30. Shalom ZCWC Pandan Indah pawlpi RM300
• 31. Tungtuang Khua Kipawlna RM200
• 32. Pu Gin Kam Lian US$100
• 33. Pu Kham Khan Thang US$100
• 34. ZCCM RM300
• 35. Olive Christian Church RM50
• 36. MMC Pawlpi RM100
• 37. Teeltui Vontawi Innkuan-Malaysia RM200
• 38. Tauleng Khua Kipawlna RM100

DAHPIHNA

Saipimual khuami Pa Khual Za Pau leh Nu Dim Sian Cing te ta in 21 March, 2019 ni-in Sungai Buloh zatopi pan hong nusia hi. Zum vai teng a kivan khit ciangin a luang hawm pen 22-03-2019 ni-in Sungai Buloh han ah kituh kik ding hi. I tano hong nusiatna hang in adah akap khempeuh Topa Khasiangtho in alam dangin hong heh nem tahen. ZAM/ZSM pan in zong dahpihna I pulak khia hi.

TUKAL SUNG THONG LAM BUAIPIH TENG

1. Zam Lam Pau (Tuilangh) Mahkahmah pan Lawyer te kikawm sakin thong kum 5 a kiatna ding pan in kha 5 ah kikhiam suk thei.

2. Suan Do Dal (New Suangpi) Belantik camp pan kawlgam a ciah na’ng Embassy ah sum kithun sak

3. Jacob Vanlal Koh (Mizoram) Lenggeng camp pan a ciah na’ng Embassy ah sum kithun sak

4. Lian Khan Hang (Ngalbual) Sungai Buloh thong ah kiveh.

5. Dong Suan Kham Sunway ngei Toll Gate pan MyRC card tawh kiman in sum beilo in hong suakta thei.

6. Piang Sian Mung Sunway ngei Toll Gate pan MyRC card tawh kiman in sum beilo in hong suakta thei.

7. Man San Sunway ngei Toll Gate pan MyRC card tawh kiman in sum beilo in hong suakta thei.

8. Cing Ngai Suan Sunway ngei Toll Gate pan MyRC card tawh kiman in sum beilo in hong suakta thei.

9. Zam Suan Tuang (Tanzang) Jinjang Lockup pan kitan khia thei

KIMAT KIHEN NA TUAK LEH : Zomi te sungah kimat kihenna na tuak zenzen leh hih phone no. te ah na hopih pah in. Nang a dingin a kiging sa in om den ding uh hi. Sia Tuang Pu : 016 254 4093

NASEP LAM TAWH KISAI : Zomi nasep neilote in nasep tuamtuam om hi. A lunglut leh dot nop aneite in Sia Khuppi— 016 3838 014, 011 3563 2059

LUNGDAM KOHNA

1. Olive Christian Church RM50

Panpihna hongpia khempeuh tungah genzawhloh lungdamna lianpi ZAM pan kong tangko uhhi. Hi danin I pan khopnate hang in tuni dong a kalsuan zo I hihi. Topa’n Zomite adingin mapang zo semsem dingin thupha hongpia tahen.