ZAM Thupuak :: 12 June 2016

ZAM kum (10) cin Anniversary leh Palaai thak kiteelna :: June 7, 2016 sun naiampmZAM Hall ah ZAM kum (10) cin khawmpi leh 2016-2017 ZAM makai ding kiteelna nuamtak kibawl thei hi. Kum(10) sung tawntung a nungta Pasian in haksatna leh gentheihna tuamtuam sung pan hong ompih in Pasian’ hehpihna mah tawh ih Zomi Kipawlna hihciang maa a suanthei ihhi hi. Kumcin Khawmpi hong uap pawlpi sia, khua makai te, ZEC sang siate, kawlgam pan hongpai siate, Australia pan hongpai ZAM founder Pu Zo Khai leh mipih Zomi te khempeuh tungah ih Kipawlna tangin lungdamna kong ko uh hi.

• Mipi sapna la “Hunhoih hunnuam hong musak” lasak na ah Sm Nuanuam, Cing Cing, JK Mangno te’n la hong makaih in Sian Cin in guitar hong tum sak hi.
• Rev.Gin Do Khup-Chairmanpa makaihna tawh “Maithak muakna” – Kawlgam pan hong pai sia (2) te, Pawlpi makai siate, khua makai te leh ZAM founder Pu Zokhai muakna hong nei hi.
• Kipatna la “Hong dom sang” la makai te’n hong makaih khit uh ciangin Pa Thang Za Khai kipat thunget na tawh pawipi nuamtak in kipan thei hi.
• ZAM thuvanpi Sia Khoi Tuang “thu kong honna” leh sangsia(ZEC) te mellahna, naseppih ZAM makai lawmte min, nasep cih te pulak na hong nei hi. Tua ciangin ZAM June 7,2015 –June 7,2016 nasepna tuamtuam te pulakna hong nei hi.
• MC Rev. Gin Do Khup in hun lakik in ZAM palai te pahtawina khitciang Rev. Thang Do Khen in Pu Zo Khai (ZAM Founder)Tangciin piakna, silhsakna hong neihkhit ciangin, kum(10) cinna “Birthday Cake” atna  hong nei uh hi.
• Mipi dingto in Pu Zo Khai khuaimei vak, mutmitna leh moh atna hong neih khit ciangin ‘Topa’n thupha hong pia ta hen’ ci’n ki awng zaihzaih a, Haleluijah 10 vei Topa pahtawina kinei zaihzaih in Topa hoihna ki pulak hi.
• Lasiam San Nuam in “Hanlung ciam khawmni” cih tawh Zogam leh Zomi, Zeisu bek mitsuan in kalsuan  na ding lahoih, awhoih tak tawh tha hongpia hi.
• Pu Zo Khai (ZAM Founder) pa tung pan thugenna, thu laigil tampi kiza hi.
• Malaysia kumpi tungah heh thei mah ni, ahih hang eitung ah Pasian hoihna tawh kumpi te thunuam uh hi. UN te hang hi masa lo a, kumpi te thupha piak huai kasa zaw hi.
• Kumpi tawh kilem, UN tawh kilem in Pasian masak leng hong lem toto ding hi.
• Zomi a kiman te a huh thei ahi, Tg Lang Suan Cin thong khawng va zui zel ung
• Tua pan ukna hong khangin U Khawm Khen Mang te tawh kipawlin mipi 62 meeting ki kaikhawmin kipatna kipawl ding gelna kinei a, ZAM patkhiat ding geelna ki nei hi. Pu Hau Kim –President,Pu Zo Khai –Secretary Tg Lang Suan Cin te tawh ki thuah in innsap zong in

• Meeting pan a ngah uh RM 70 tawh innsap RM 1200 man upna tawh sap dingin kiho phot hi.
• Member sung ah fund ngah na dingin pisa(Receipt voucher) tawh pai, mun khatkhat a sum dong a hong kimu a hih manin nawh khiatna zong kingah thei hi.
• Pawl khat te’n card hong thupi sak loin na nusia kawikawi lai uh hi.
• Zukham na hang a satliamna a ngah te khawng zato ah puak zel, sum nei lopi mah a sem in, UN zum pan Zomi te ngah ding UN kamlet te tung pan kingah thei ding hi napi’n kawlte tung khawng ah hong ki zuak sak ciang, na kisa lua in tua hang mah in kipawlna hong hat zawsop hi.
• Khat veivei TB ngah ding khawng UN deih manin ka lunggulh hun zong om hi.
• Minam makai khat in khuavai, behvai, pau vai tawh buai masa lo ding. Tua in ih satan, thupha ngah nading hong khaktan thei hi.

• Dengkil camp bawl tawmin mi 200 val sazian kinei thei in UN te’n card hong piak sak hi. Ka khuapih te mi 20 khawng in huhna hong gen a, ka huh loh na hang in sauvei pi tak hong en khial uh hi.
• Rawang camp ki geel leuleu in tua lai bel deih bangin hong lem thei lo hi.
• Putra lam ah camp nei leuleu, UN ah pulakna tungtawn in hih mun pan zong ki lawhcing, Matupi te pawl khat in zong hong ngah lawh hi.
• Kuang ah lawmte pawl khat in zong
• Australia leng ding tintan kah ding a 2007 hong kisam hi napi’n UN makai te kiangah ka mipih te 2000 val sazian om sa te nong lensak kei leh tintan zong kah lo ding, ka mite na len sak nak leh kei ka lenloh hang phamawh lo ka cih ciang UN ulian pen pa’n hong kimuh pih in leng mengmeng in hong heh cih pian thu te siksan in Feb 14,2007 in Australia na leng thei ing. 2007 kum bei ma UN zum ka va zin kik teh hong nuam mahmah ta hi. Tua khit lamteh makai tampi tak zong hong leng toto uh hi.
• Ei hong kipia mawhpuak, tavuan zawh kim ciat ding mimal mawh puak hi.
• Apil, ahai, mizawng, mihau khempeuh gawm khawmin Pasian hong it na hang tawh minam kip I suak thei hi.
• Pawlpi mi, khuapih te, a ukhak te zong na vei un. Thungen in tha kipia tuak ding hihang. Hong kipawl manlo, mite pampaih, lamkal a om te, top akul, veh ding, et ding kisam te I Topa Zeisu in zong a cina te a dingin kong pai hi a cih na phawk ni.
• ZAM makai cih pen a puk te phot ding thupi a, dinmun lian mahmah a nei hi hang.
• ZAM kum (10) sung tawntung a hoih lo, siatna tuamtuam te hong gualzawh pih Topa tung ah lungdamna ko hang.
• Kong pai na ding hong vaihawmpih ZAM makai, palai a kuama khempeuh tungah lungdam. Topa’n mimal kim thupha hong pia ta hen. Pu Zokhai
• MC- Dengkil camp a omna ah ui ham zong kilau hi. Nitak muh loh pi a, Police te a cih nak leh camp a om khempeuh ki tai mang pahpah hi. Tua camp ah kusale a sem, Sia Tuang, Sia David Khai te makai in kha khat ka va om ngei a, haksatna tuamtuam tawh UN ngah loin mundang ka pai khia hi.
• Moses in Pasian ompihna omlo in kal khat zong a suan nop loh mahbangin Zomi te hong vei ngait Pu Zo Khai thupi kasa mahmah hi.
• Lasakna- Pu Lengtong Pauno in Pu Thang Khen Kham thapiakna tawh hih la “Mimbang pianna” cih latawh minam pahtawina la hongsa in tha kingah mahmah hi.
• ZAM Advidsor lam pan lungdam kohna- Rev. Thawng Ngaih Khup “Australia pan hong pai Pu Zo Khai, a vekpi un zahtak na I pia hi.
• Kum (10) I cih pen khangkhat ci leng kikhial lo ding, kum (10) nungta lo mi tampi tak om sungpan Palai te thupitna leh mipi te ih pahtawina I pulak hi.
• Palai te mipil teng, English, Malayu pau thei te hi a, a pua lam ah va sem leh 2000 pan a tung siah ngah dingte hi napi in Minam veina hang in hong ki pumpiak
• Palai te tung ah lungdam kohna in mipi in pahtawi na ki pia “Sia Khoi Tuang, Sia Mang Sen, Sia Tuangpuu, Sia Lam Thang, Sm Ngaih Hau leh Sm Cii Cing te Pu Zo Khai khut tung pan pahtawina lai ip ki piak khit ciangin Rev. Thang Do Khen thungetna tawh hun nihna kipan to suak hi.

2016—2017 ZAM makai dingte Rev. Thawng Ngaih Khup in tangkona hong neih khit ciangin Rev. Gin Khan En in makai te kiciamna nam (17) te zuih sakna hongneih pih hi.

Atawpna ah siampi te’n palai thak te thungetna hongneih sak khit ciangin Rev. Dai Sim Mang in a nunung thupha piak na tawh hun nuam tak ki zo thei hi.

Kician taka hong record sak Rev. Gin Khan En

RHB Insurance kilei thei ta

ZAM zumpi ah Sunday ni simloh zum hon hun sung khempeuh in RHB Insurance kilei den thei ta hi. RHB Insurance pen June 16 ni khit ciangin nungta pan ding hi.Hih Health Insurance pen a deih khempeuh in kilei thei lo a, UN Card neite bekin lei thei hi cih mangngilh kei ni!

Kimat kihen na tuahkhak leh…

ZAM Card tawi te kimat kihen atuak na omkhak uhleh: Sia Tuangpu: 016 254 4093

Lungdamkohna

En Sawm Pau (Pakzang) RM10, Tung Pu (Kahgen) RM20 te in ZAM Thupuak bawlna ding hong pia uh ahih manin lungdamna lianpi kong ko uh hi.

Note :: PDF tawh na simnop leh
Hih link >>> PDF File tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh Zomi Daily website tungpan kongsuaksak zelzel uhhi.