ZAM Thupuak :: 10 Nov 19 (ZSM kum 10 cin)

ZSM KUM 10 CIN LEH PHAMSA TE PHAWKNA KIBAWL DING

November 10, 2019 (Sunday) ni zan 11:00PM-12:00AM sungin ZSM kum 10 cin leh Malaysia leitang tungah hong nusia I mipih 300 val te phawkna khat Pan Sport Center-Petaling Jaya ah kibawl ding hi. Tua hun khit ciangin ZSM kum 10 cin Futsal kimawlna tawh kizom to suak pah ding hi.

Zomi tampi tak te gambel galtai leh nuntak hamsat luat manin it le ngaih te nusia in Malaysia leitang tungah kitung a, tua pan in gam nuam, gam thupi na lam kilam en hi. Tampi tak mah in innkuanpih te nuntak khuasakna a nop tuam nang, sangkah zolo ding I tate, I naute sangkah na ding mah ngaihsutna tawh Malaysia leitang ah ki om a, tua te sung pan in mi tul tampi mah a lunggulhna uh gam nuam, gam thupi te tung mah ta leh I sanggam laizom mi 300 val bang in ut lopi pi mah in a gimna gam uh tung loin Malaysia leitang tungah nuntakna hong bei lawh uh hi.

Hibangin I ut thu tawh I tel hi lo mah napi in nuntakna hong bei lawh in Malaysia leitangtungah kivui na ding hamsa in I om na pan in Zomi Social Welfare of Malaysia (ZSM) ci-in Pasian nasem te, Khua makai te mah tawh I kipan khia a, tu-in ahih leh kum 10 bang hong cing to hi ta hi. Pasian lamlah na leh hong ompih na tawh tuni ciang mah mipih te dongtuak cimawh in a om hun ciangin kipanpih toto zo lai hi.

ZSM kum 10 cin leh phamsa te phawkna tawh in Futsal kidemna zong kinei a, team 29 bang kipha thei hi. Tua teng pen Group 8 kisuah in a nuai a bang ahi hi.

Group A Group B Group C Group D

• 1. Pimpih FC 1. Mualbeem FC 1. MZCC FC 1. Kapteel FC
• 2. Zomi Mah FC 2. Phaitu FC 2. Kame Shushi FC 2. Lailo FC
• 3. MBF FC 3. Zomi Innkuan -Rawang FC 3. ZCF-Bethany FC 3. IZCC FC
• 4. Teute FC 4. Lasanlui FC 4. Zono FC

Group E Group F Group G Group H

• 1. Power Plant FC 1. Nek Nek FC 1. Zomi U-20 FC 1. Zo Lion King FC
• 2. Ngalzang FC 2. 90’s KID FC 2. Anlangh FC 2. ZCF- Hatamas FC
• 3. Mualzang FC 3. ZCCM FC 3. Cikha FC 3. Buanli FC
• 4. Lenlai FC 4. Muvanlai FC

2019 ZSM LAIBU KINGAH TA HI

Malaysia zomi Genvai Kipawlna (ZSM) 2020 ading ki lut thei ta a, ZSM laibu te zong kila thei ta hi. ZSM lut man mi khat ciang kum khat ai RM 20 hi a, hih na lutna hang tawh ahamsa a dong tuak I mipihte a panpih, a dah akap hun ah a khitui anulsak na hi gige hi. Hih ZSM ah member na lutna in nang a ding a pia na hikei a, panpihna akisamte apanpihna hizaw hi. 2019 sungin zong tu ciangciang Zomi pih te luang (23) bang lei ah I tuh theihna in nang leh kei I pankhopna ahih bang mahin mailam ah zong mapang khawm lai dingin zong kong zawn phapha uhhi.

PILVANG TAK IN OM SAWM NI

Tuhun laitakin kimat kihen hong tam mahmah a, Malaysia kumpite in a gamsungah phalnalo tawh om mi tampi tak siangsak nuam ahih manin kimat kihenna hong tam to semsem ding hi ci gen khia khin uh hi. Mun tampi ah Oparasi lut kawikawi ahih manin I omna ciat ah kidawm tak, pilvang tak in om ding hanciam ni. A thukin lua mah mah ahih kei leh vakvak kei zaw ni. A diakdiak in Immigration te leh CID te uniform silh loin vakvak uh a, tua tungtawn in pawl khat in sum zon na in hong nei beh lai uh a, hong pang kawikawi in tampi pi tawh hong kitan sak uh hi. I vak suk vaktoh na ah kiim leh pam zong hoih takin I et theih ding hong thupi mahmah hi. I omna veng kim veng pam ah zong gam tat zia om zia te hoih tak kidawm ciat ni.

Mite mitdong ding leh midangte a nawngkaisak lo dingin kidawm ciat ni. Kimat kihen bek hiloin migilo zong tam ahih manin I kim I pam om zia hoih tak tel pha in gamta ciat ni. Nasepna ah thunei te in sitna khat hong neih leh kei pen UNHCR ah gambel in hong san ding ngak in a om hi ing/UNHCR card tawi gambelmi ka hi hi. Ka nuntak nading hih teng ah part time tawh na a sem pak hi ing ci-in I gen theih ding thupi ding hi. Malaysia om Zomipih a kuamaciat I omna gam huihnun zia tawh kizui in kidawm ciatni cih hong zasak phapha ung. A zenzen in kimat kihenna khat natuak leh ZAM zum ah hong zasak pah in. Nang ading in a ready sa in om den uh hi.

LUCKY DRAW A NGAH TE IN HONG LA UN

Khuado pawi fund zon na I bawl ahi Lucky draw pan mee a ngah khia no. te anuai a bang hi. Hih a ngahte in na mee laidal uh tawh ZAM zum ah aman langin nong lak na ding uh hong zasak ung.

• 1. 0313 – Iphone 6S Plus 2.1658 – Computer
• 3. 1304 – Guitar 4. 0321 – Air Sopha Chair
• 5. 1595 – Rice Cooker 6. 0561 – MP 3 Player
• 7. 1547 – Electric Kettle 8. 1565 – Hair Dayer
• 9. 1061 – OTG Pendrive 10.0410 -Power Bank

NA PHONE NO. NA KHEL NOP LEH

UNHCR tawh a kizomte in vai khat peuhpeuh hang tawh I phone No. te I khel nop leh zum ah pai tektek kullo in message khak in kikhel ziau thei hi.

011 1722 5222 hih phone No. ah message a khak ding kisam hi.

Na phone No. lui (Space) UN Group No. (791-09C>>>>) (Spce) UN individual No. (791-00>>>>) (Space) Phone No. a thak cih dan in at in kikhak thei hi.

A zenzenin Na message at a man kei leh :RM0.00 Yourrequest to update contact details has failed. Please try again. UNHCR Malaysia cih lai hong tung kik ding a, na message man in amau kiangah hoihtak a tun leh: RM0.00 Thanks for submitting your new contact details to UNHCR Malaysia, we will notify you within 7 days if the update is successful/failed. Ci-in message hong lut kik ding hi.

Na phone No. hong update sak khit ciangin:RM0.00 Your new contact number has been successfully updated. Thank you. UNHCR Malaysia ci-in lai hong tung kik ding hi. Ahizongin a tam zaw UNHCR pan in hih a nunung lai pen khak kik tangtang nawnlo uh hi.

NAUPANG LE HUUTZA

(1) Huut acih bang hiam?

Mihing gilpi sungah a nungta thei lungno namkhat hi. Huut nam tampi om hi. A melpuak zong a pum, a pek cih bangin ki lamdang hi. Ganhing te ek thakna leitang ah om thei hi. Tua leitang ah a kisuan mehteh mehgahte tungah zong baang thei hi.

Tua lungnote naupangte gilsungah hong lut leh naupang te ngah ding sadat, sikdat le Vitamin tuamtuam te na neksak ahih man in

Naupang a khan zah ding khang lohna

• Sik-dat (tandat) tawm ngah ahih manin khuakpil lohna
• Ankam limlohna
• Gim baihna
• Gilnat pahpahna
• Sungpai pahpahna
• Zan ciang taw-vang kiim zekna
• Zan ihmut cimlohna cih bang noplohna tuamtuam piang sak hi.

(2) Huut te naupang gilpi sungah bangci lut hiam?

• Ekthak khit ciang khut sil sianglo pi-in naupangte an piak na pan
• Mehteh mehgahte limtak sil sianglo, huanlo-in piakna pan
• Sa huan napi alim minlo piakna pan
• Naupangte leivui lak ah a ki mawlna pan huut nam tuamtuam kamsung pan in gilpi ah lut thei hi.

(3) Gilpi sunga huut te bangci that ding?

Kha (6) in khat vei ta huutza nek ding ki sam hi. Khat vei bek nekna pen ki cinglo hi. Gilpi sunga a omlai huut te tampi hong khang kik thei hi.

Albendazole ki ci huutza in huut nam tampi thatzo hi. Naupang pumpi gikna 10kg nuaisiah naupangte 200mg (tanglang) pia in. 10kg tungsiah naupang te 400mg(tang khat) ki pia thei hi.

(4) Huutza na piak ciang theih ding pawlkhat

• An tawh ki gamla sak ding, lupding ciang pia ding
• Tui tampi dawnsak ding
• Lukham sang khamsak ding

(Huutza le gilpi sunga huut te aki muh ciangin huut te om theilo-in a pusuah nading zong uh hi. Huihdikna lam pi ah kahto in huih lampi khak kha le nak hak sa-in Nu le Pa te-in theipak kei le sihna na ngawn piangthei hi.)

(5) Huut hong lut loh nadingin bangci dal ding?

1. Satpiang tawh khut limtak sil ding. Tui buak khia pah lo in a tawmpen second (20) sung khut nuai ding. Tua khit ciang tui buak siang ding. A diak in, nau ek siak sak khit sim, ekthak khit sim le nek le dawn bawlma in khut sil hamtang ding.

2. Naupangte leivui tawh aki mawl khit sim in a khut lim tak silsak in. A khut cin a tom in tansak in. A khut tawp sak kei in. Pumpi siangthona hanciam pih in.

3. Ekbuk siangtho tak in koih den in.

4. Meh teh mehgah a hingin na piak dingte limtak sawp siang in. Sa le nga te mintak in huan in.

5. Innkuan sungah, khat in huut a vei pahpah le innkuanbup in huutza nek ding ki sam hi.

Hau Lun Lam-etna (Ref: Child Health Myanmar Page) in Zomi Daily ah suaksak sungpan kila kik hi.

TUKAL ZATO LAM BUAIPIH

• 1. Dim San Cing (Ngente) GHKL Hospital ah kibuai pih hi.
• 2. Kap Piang Thang (Saizang) Damai Service Hospital ah kibuaipih hi.
• 3. Kim Kim (Suangzang) JPN ah nausuah lai kilak pih
• 4. Hang Lian Mung (Tonzang) ACTS clinic ah kibuai pih

ZATO LAM TAWH KISAI

Zato lam tawh kisai-in vai khat peuh na neih leh ZAM zum ah hong ko in. Contact :Sia Mungpi 018 3122 957

TUKAL SUNG THONG LAM BUAIPIH TENG

1. Kap Sian Khai (Tauleng) Maluri meileng Station pan in Uniform silh lote in man in Cheras IPD ah kibuai pih laitak hi.

2. Pau Suan Sing (Tauleng) Maluri meileng Station pan in Uniform silh lote in man in Cheras IPD ah kibuai pih laitak hi.

3. Kham Muan Khai (Tungzang) Hulu Selangor pan lampi Block ah kiman in tulai tak Gohtong Jaya lockup ah kibuaipih laitak hi.

4. Mang Zo Mung (Tungzang) Hulu Selangor pan lampi Block ah kiman in tulai tak Gohtong Jaya lockup ah kibuaipih laitak hi.

5. Kap Ngaih Lian (Sawbua) Leisure Mall pan kiman in tulaitak Cheras lockup ah buaipih laitak hi.

6. Pau Suan Khai (Sawbua) Leisure Mall pan kiman in tulaitak Cheras lockup ah buaipih laitak hi.

7. Khai Sian Tung (Laaitui) Mah kah Mah a kibuaipih laitak.

8. Khan Kim Thang (Laaitui) MahkahMah a kibuai pih laitak

9. Kham Lian Mang (Singzung) MyRC card tawi hi in Gombak palik zum pan in sum beilo in hong pusuak kik thei hi.

10. Piang Suan Kim (Tuimang) Pandan Indah palik zum pan kitan khia thei.

11. Cing Ngaih Kim (Ngalbual) Ipoh palik zum pan in ki tan khia thei.

KIMAT KIHEN NA TUAK LEH

Zomite sungah kimat kihen natuak zenzen leh hih phone no. te ah na hopih pah in. Nang adingin atawn tungin kigingsain om den uh hi.

• Sia Tuang Pu : 016 254 4093
• Sia Zo Mung : 017 663 6087
• Sia Maa Mang : 018 231 1365
• ZAM Hotline : 016 293 9027

ZOMI TE ADING NASEP

Malaysia gam sung om Zomite nasepneilo in nasem nuam mahmah napi nasep zon nang a lemlote in ZAM zum ah hong dawp un. Zomite ading man ngenloin nasep kizon sak den hi. Contact – Sia Mamang – 018 231 1365

ZAM ZUM AH THUNGETNA OM DING

Hongtungding Saturday 16 November 2019 ni 11AM a ki pan ZOMI’ TANGMI THUNGET PAWL te makaihna tawh Zomibup ading thungetna om ding ahihmanin, a gamla a nai cih omlo thungetna ah hong kihel kimciat na ding un zahtakna lianpi tawh kong zawn uh hi. A diakdiakin tulai tak Malaysia gambelte dinmun, Malaysia gamsung khua hun te adingin I minam bup tangin nakpi takin thungetna kinei ding hi. Lungsim kipumkhatin i thunget khop na in na lianpi hong piangsak ding cih i lamen hi. Contact – Sm Ciin 018 268 8752

ZAM ZUM KIKHAK DING :12 November 2019 (Tuesday) ni ZAM zum kikhak ding hi.