ZAM Thupuak :: 11 December 2016

CLU/UNHCR TAWH KIMUH KHOPNA :: 08 December 2016 (Thursday) 9:30am–1:00pm dong UN zumpi Conference Hall ah Malaysia gambel galtai kipawl na makai te leh UNHCR huangsung department tuamtuam eg. Health Unit, SGBV & CP, OPI, EDU, Livelihood te pan makaipi te khat khit khat tawh kimuh/kikup khopna kinei thei hi. Hih dotna thu guipi 3 tungtawn in mikim ih phutkhak haksatna te a banban in kikupna kinei hi.

• Q.1 Tulaitak a na phutkhak a kipelh theilo haksatna bangteng hiam?…
• Q.2. Tua naphut khak haksatna bangci phul,kantan,nawk,vaihawm na hiam?…
• Q.3. Mailam ah tua haksatna te a tuakkik ding hi lecin bangci vaihawm ding nalunggulhpen na hiam?… Cih dotna leh dawnna te a banban in kikupna kinei thei hi. A tung a ih gelhsa Manglai pawlkhat a kitel zawdeuh nangin (Health Unit= Cidamna lam tawh kisai, SGBV=Sexual and Gender Base Violence, CP=Child Protection, OPI =Outreach Protection and Intervention, EDU=Education Unit, Livelihood= nekcing ding nasep muh theihnangh a kipan). Tua ahihmanin damlohna tuamtuam, Nupa kaal buaina,numei pasal kikal ah ngongtatna, tagah lubawkte, Mat leh Hen, Pilna sintheihna tuamtuam te akipan ei leh ei a nuntak khuasak theihnang a hihmanin vaihaksa tuamtuam a om leh ZAM tawh kikop a vaihawm khawm dingin itna tawh kong theisak uh hi. NGO/INGO leh zum tuamtuam te nangdan tawh a kibatloh na te ah ZAM tawh vaihawm khawm dingin kong zawn uh hi.

CLU PAN MAKAI TE TUNG ZAKSAKNA :: Malaysia, Selayang vengsung leh mundang pawlkhat ah UNHCR te’n Rohingya te minsanna bawlding “Pre-registration Exercise” bawlding cih akicianlo kamdawn kiza hi. Tuabang in Register bawltheih nadingin sum zong kila cihi. Hihpen thumanlo hi cih ihtheih tekding kong zasak uhhi.

UNHCR in Selayang vengsung hitaleh mundang ah hi taleh UN mithak laknading in Pre-registration kibawl zen zenlo hi.UNHCR panin akipia Services khempeuh sum piak kullo (FREE) cih phawkden un. UNHCR Services tawh kisai in sum hongngen, sum hongdong mimal ahi zongin, kipawlna ahi zongin khatpeuhpeuh natheih uh a om leh UN zumpi ah hong report un.

2017 ZSM LAIBU KINGAH TA HI

Malaysia zomi genvai kipawlna (ZSM) 2017 a ding ki lut thei ta a, ZSM laibu te zong kila thei ta hi.ZSM lut man mi khat ciang kum khat ai RM 20 hi a, hih na lutna hang tawh ahamsa a dong tuak I mipih te a panpih, a dah a kap hun ah a khitui a nulsak na hi gige hi. Hih ZSM ah member na lutna in nang a ding a pia na hi kei a, panpih na a kisam te a panpih na hi zaw hi.

Na UN Vai Nakan Nuam hiam?

Na UN vai lunghimawhin kannop dotnop khat peuhpeuh na nei hiam? UN Department tuamtuam ah laigelhsak nop naneih le ZAM Member te ading mangenlo in ZAM zum pan lai kigelh sak theiden hi.

ZAM member I cihpen ZAM Card bawl ngei cihbek hi lo in UN card neih khit hang a renew/hingsak den te pen member hiden cihna hi. Refugee na kicih sam hang UN Card naneih naikei leh UN ten kami hongci tuanlo hi. Tua a hih manin Zomi nahih leh ZAM card bawl in. Amau panpih na kisapnai kei leh huh zaw phot in.

ZOMI CUP MEETING KINEI DING

Zomi Cup tawh kisai meeting 15-12-2016(Thursday) ni 1:00PM in ZAM hall ah kibawl dinga, a lunglut a kua maciat nong pai kim na dingun kong zawn uh hi.

LIFETIME ACHIEVEMENT AWARD 2016

16 February 2016 (Tuesd -ay) ni a US hong leng san ZAM President (2013-2016) hong sepsak SIA HAU SUAN KHAI-Mualbe -em in 05 December 2016(Monday) ni aki bawl UNHCR Teachers’ Appre -ciation Day ah Lifetime Achievement Award 2016 hong ngah thei a hihman in Zomi Education Center, Zomi Association of Malaysia leh Zomi khempeuh in ki angtanpih mahmah hi. Sia Hau Khai Malaysia ah Pasian in zatsak mahbangin US ah a lawhcing semsem dingin hong zatsak ta hen. Amen.

UN ZUM AH VAI DAWP THEIH NI TE

RST kidawp theih ni : Thursday leh Friday

Cidamna tawh kisai dawptheih ni: Monday, Tuesday, Thursday

WELCOME TO ZAM

Kawlgam,Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi a hi Zomi Association of Malaysia (ZAM) zum ah nong hawh hamtang na dingun itna lianpi tawh kong zawn uh hi.

ZEC SANG ADMISSION DAY

2017 kum a ding ZEC-T&M Admission bawl ding pen Dec 12,13 nite 9:00AM-1:00PM sungin ZAM sangah ki nei ding ahih manin sangkah ding ta leh nau nei-in sang kahsak nuamte in Nu/Pa khat peuhpeuh in hong zui ham tangin sangkah ding tate zong nong tonpih hamtang na dinguh hong zasak ung. Tua ni ciangin sang naupangte passport zong kizaih pah ding hi. Contact : ‎016 359 2048

ZOMI EDUCATION CENTER–CHERAS (ZECC) PAN TANG KONA

ZEC –Cheras sangpi ah Admission December 28,29,30 sung teng 12pm-6:00pm dong kibawl ding ahih manin Laisin theithei ding sangnaupang te a hunlap a na lutsak theih nading uh kong zasak uh hi. Conntact : Siamah Nuam: 018 279 5772, Sia Nangtak: 018 279 5772. “Mihai te pen a pilte sila suak tawn tung hi.”Cf.LST. “If your plan is for 1 year plant rice. If your plan is for 10 years plant trees. If your plan is for 100 years educate children.” “Kum 1 a ding na gel leh Buh cing in, Kum 10 ai a hih leh Singkung suan inla, Khankhat man ding na khualsak leh Pil na guan in.” Confucius

ZOMI NAM NI TAWH KISAI ZAKSAK NA

Malaysia a om Zomi ten kumsim a i bawl den i minam ni sawtlo in hongtung ding hita hi. Abeisa kumte mah bang in tukum zong thupitak leh picingtakin bawl theihna ding in 14 November 2016 in ZAM zumpi ah kimuhkhop na ki nei hi. Tukum zong nopcitak leh picingtak a i bawl zawh na sum leh pai tampi hongki samding ahih manin muan na leh lametna lianpi tawh Zomi Nam Ni Committee in anuai a bangin ma i pan khop ding kong zawn uh hi.

• ZOMI NATIONAL DAY 2017 COMMITTEE
• President(1) Rev. Gin Do Khup 012 3406 141
• President(2) Rev. Thang Do Khen 017 6115 622
• President(3) Rev. Gin Khan En 017 3342 760
• Secretary(1) Sia. Khoi Sian Tuang 010 286 6189
• Secretary(2) Rev. Suan Cin Hau 011 1438 3922
• Secretary(3) Sia Kap Za Khup 016 383 8014
• Secretary(4) Rev. Ngin Khat Thang 016 3347 099
• Treasurer Sia. Tuan Sawm Tuang 016 254 4093
• Accountant(1) Thang Lam Cin 011 2329 4820
• Accountant(2) Pa Thang Za Khai 012 6212 447
• Accountant(3) Sia. Simon Pau Muan 012 6212 447

ASYLUM ACCESS AH HUHNA KINGEN THEI : SVP team te interview napan a card kipia kik nawnlo na theih uh leh Asylum Access zumte makaihna pan sitni te tawh pang khawmin UN nangah kik theih nading hong geelpih/vai hong hawmpih ding ahihmanin ZAM zumah hih lai namuh phetin nong zaksakpah nangin deihsakna lianpi tawh kong tangko uhhi. Asylum Access te kiang ah utbangin kipai thei loin appointment lak phot kul ahih manin UN pan lai nangah phetun nalaiteng tawh hong paipah un. Appointment date ma kalkhat a kisap in nong paipat a leh sitnite in buaipih man nawnlo ding hi.

NA BANK CARD A THAK TAWH LAIH HAMTANG IN: Malay -sia a om Bank khempeuh system uh a kilaihna tawh ki zui in tulaitak a natawi Bank Card pen card a thak laih kul ahih manin natawi card te Bank tawh kizui in na card bawlna mun mah ah a manlang in na card va laih sak in. CIMB card tawite ading ahih leh December 20 ma na laih khak kei leh kizang thei nawn lo ding hi.

ZAM PALAI TE KHASIM THUNGET

Palai te khasim thungetna 08 December 2016 ni in Zion Myanmar Christian Fello -wship pawlpi kem Sia Than Sen tawh ki nei khawm theihi. Siapa in Pasian kam mal tawh tha hongpia in, palaite ading deihsak thungetna zong hong neihsa a kilungdam mah mah hi.

MERRY CHRISTMAS TO YOU

KL EBC khangnote makaihna tawh 04 December 2016 in ZAM zum ah Mawhnei mi hing akici theite’ gumpa=JESUS’ hong suah lungdamthu tangkona leh thungetna hong neihsak uh ahihmanin kilungdam mahmah hi. Nang bang ngimna tawh Christmas dawn na hiam? Herod maw, mipil 3 te’ dan maw? Ki sit tel in.

KIDAWM KIDAWM!: Kawlgam ah Rakhai kala i cih te leh kawlte kinak buaina hangin Malaysia hong lawh khak ding ki lipkhap mahmah a hihmanin vaksuk vaktohna ah pilvang tak a i om theih nang i kitheisak hi. Malay gammi te mahmah in zong kawlgam Embassy mai ah lungpho na nei uhhi. Thusitna khat peuh natuah leh ZOMI nahih na ZAM card leh Palai te phone No. te limtak kem in.

GRAB CAR TAWH ZAM ZUM PAIDAN DING: ZAM zum nahawh nop leh baihlua ta! ZAM zum address natheih kei leh GRABCAR na sapciang DROP OFF a cih namun ah ZOMI nagelh khitphetin Zomi Association of Malaysia hong suakpah ding a, na ut hunhun in na Grab car hawlpa sam lecin lung muanhuai takin hong kha ziau ding hi.

• ZAM Zumah Leitheih Tuamtuam
• (1) English to Zomi Dictionary RM50
• (2) Kawllai Laisiangtho RM30
• (3) ZYA Tin Jubilee Magazine RM50
• (4) Zolai simbu RM30
• (5)DVD/VCD tuamtuam 1 teh RM10
• (6) Cope Centenary Jubilee RM10
• (7) Tutmun mikang pau sinna RM20
• (8) Eden ah ciah kikni RM15
• (9) Zongeina puan tuamtuam te kilei thei hi.

ZU KAMNAM SA IN ZUM PAI KEN : Kongit sanggam U leh Nau a kuama ciat min kitaih tawh a awk te zong ki samsam ta hi. Tua a hih manin UN interview, RST, RSC hita leh departm -ent a tuamtuam ah UN tawh kisai interview naneih ding ciang in hehpihna tawh Zukam namsa, Sadah muamkawm, Kunza kamsan kawmsa cih peuh mahin napai kei hamtang un. Tu hun ah UN interview hong kisap leh ahampha mahmah i hi a, thunei te maiah interview i neih ding ciang in kisilsa, Hanawt, maiphiat sa in paisawm tek hamtang ni. I mipih te pawl khat interview a pai ciangin Zu namsa pai ahih manin thunei te’n ko kagam vuah hongla dinga interview neiding hih bang a hong pai naciah phot in nidang ciang hong sam kik nung cih tawh a interview ding kisot to a bang hun ciang amah kisam kik ding cih kithei nawnlo hi. UN zum bek hilo vaksuk vaktoh nate ah zong kidawm tek ni. Genteh na: Zato, Sikhan i pai ding ciang in zong ki dawm tek ni.

• RHS INSURANCE CARD HONG TUNG THAK
• 1. Langh Suan Lian 6. Mang Deih Kim
• 2. Niang Sian Dim Huai 7. Philip Thang Sian Muang
• 3. Khual Ngaih Lian 8. Nicholas Pau Sian Van
• 4. Deih Lun 9. Pau Suan Zam
• 5. Lian Khua Thang

ACTS KIKHAK DING: December 12,25 leh January 1 nite ah ACTS sikhan ki khak ding hi.

THONG LAM BUAI PIH TENG

• 1. Khen Khua Tuan (keizang) Damansara Lockup ah kibuai pih
• 2. Lampi(Suangzang) leh Gin Cin Thang(Pyidawtha) Kajang thong ah om in a tanau te tawh kimuh theih ding lunggulh mahmah.
• Kimat kihen na tuahkhak leh: ZAM member te ki mat kihenna tuahkhak uh leh Sia Tuangpu: 016 254 4093, Sia Go Mang: 018 202 1216.

ZATO LAM BUAIPIH TENG

• 1. Thang Mun Tuang (Ngalzaang) HKL
• 2. Tual Hen pau (Mualpi) HUKM
• 3. Pau Suan Kim (Suangzaang) HUKM
• 4. Tuang Thang Mawi (Dalkhai) HUKM
• 5. Khup Sian Mung (Vangteh) HKL
• 6. Gin Khen Thang (Pyidawtha) HUKM
• Nasep leh Zato lam contact : Sia Khuppi –016 3838 014

Lungdamkohna

1. Dal Sian Mung(Tuithang) – 50RM

ZAM zum leh thupuak a ding panpihna hongpia Zomi u le nau, Khua kipawlna leh biakna pawlpi khempeuh tung ah genzawhloh lungdamna lianpi ZAM pan kong tangko uh hi. Topa Zomi te thupha a hiden dingin hong siam ta hen.

Note :: PDF tawh na simnop leh
Hih link PDF File tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh Zomi Daily website tungpan kongsuaksak zelzel uhhi.