ZAM Thupuak :: 10 Jun 18 (Palaai thakte pulaakna)

ZAM kum 12 cinpawi & 2018 – 2019 Palaai thakte pulaakna :: ZAM a 12 vei kumcin khawmpi leh ZAM ‎2018-2019 palaai kiteelna 07 June, 2018 Thursday in, ZAM zumpi pan 11:30am – 1:00pm mipi anvakna kinei a 1:00pm lianin Election committee pan Rev. Gin Khan En (ZSM President) in hong makaih in hun kipan hi. “Lunglua lo aw Zogam lei aw” cih la tawh mipi dinsa in sak khitciangin Rev. Tuang Lian Khai in kipat thungetna hong neihsak hi. Tuasung ah Zomi Idol Malaysia 2017 Mangbawi leh Zomi Idol Malaysia Top 3 Stephen Tungpu te in la hong makaih sak hi. Tuakhitciangin ZAM palaite leh thudotpi te, Pawlpi siate leh Khua makaite, Zomi sangsia te, leh kawlgam pan hongpai siate muakna leh maitang lahna kinei hi.

Zomi te’n ih angtanpih ih zahtak mahmah Pu Lengtong Pauno, Zomi Idol Malaysia 2017 lasiam Lia Mangbawi, Zomi Idol Malaysia Top 3 Stephen Tungpu te in Kumcin pahtawina la hong sak sak uh hi. Palaai te in kumcin report khat khit khat hong nei pahin, dotna leh dawnna tawh kizomto suak hi. Tuabanah Election committee pan Rev. Khen Za Dal in thugenna hong nei hi.

Tuakhitciangin kiteelna committee pan ZAM/ZSM thudotpi khat ahi Sia Pau Khua Muan Lal in kiteelna thukhun genkhiatna hong nei a, Rev. En Cin Pau in kiteel ding te mel kilahna hong neihsak khitciang, Election committee Convener ahi Pst Daniel Vum Khan Mung in kiteelna thukhun om bangin palai kiteelna hong makaih to hi. Kiteelna man khitciangin Rev. Go Za Suum in Palai te kiciamna hong neisak in, Palai thak teng Pasian tung ah apna leh thungetsakna Pasian sathaunilh siampi tengin hong neihsak hi.

Tuakhitciang in “Topa ei a Din Hoih Na e” cih phatna latawh mipi dinsa in tawpna lasak khitciang Rev. Thang Do Khen I thupha piakna tawh nitak nai 4 pawl in ZAM kum (12) cin lungdam kohna leh 2018-2019 Palaai te kipulak na hunte kizo siang hi. ZAM kumcin leh 2018-2019 Palaai kipulakna ah hong kihel Pawlpi siate, Khuamakai te leh hong kihel mimal kim tungah lungdamna kong pulak khia uhhi.

ZAM 2018 – 2019 THUDOTPI TENG: Malaysia gambel Zomite palai te a kisam banga na hong seppih ding leh vai hong hawm pih dingin muanna lianpi tawh a nuai a bangin thudotopi 15 kiseh hi.

ZAM ADVISORS LEH ELECTION COMMITTEE

• 1. Pr Daniel Vum Khan Mung (Convener) :011 3925 826 9. Sia Pau Sian Piang : 016 318 5296
• 2. Rev. Thang Do Khen :017 611 5622 10. Sia Hau Khan Thang : 016 282 0189
• 3. Rev.Thawng Khan Sut : 016 6443 011 11. Rev. Tuang Lian Khai : 017 354 1590
• 4. Rev. Gin Khan En : 017 334 1760 12. Rev. Dai Sim Mang : 016 615 7573
• 5. Rev. Khen Za Dal : 012 263 6330 13. Rev. En Cin Pau : 018 272 3720
• 6. Rev. Gin Do Khup : 012 340 6141 14. Rev. Go Za Suum : 011 1151 2390
• 7. Simon Pau Khua Muan Lal : 018 238 6204 15. Rev. Ngin Khat Thang : 016 334 7900
• 8. Pa Thang Za Khai : 012 621 2447

2018-2019 ZAM PALAAI HONG SEP SAK DING TENG

• 1. Sia Kap Za Khup (President) : 011 3563 2059
• 2. Sia Gin Go Mang (Vice President) : 018 202 1216
• 3. Sm Ciin Za Cing (Secretary) : 011 3904 6254
• 4. Sia Joseph Tuan Sawm Tuang (Treasurer : 016 254 4093
• 5. Sia Kam Sian Mung (Accountant) : 018 312 2957

KIDAWM KAWM CIAT NI :: Tulaitak pen ih omna gammi te antan hun (Ramadan) ahih bekthamloin kumpi thak kikhelna tawh kizui in hun paidan khat hong kikhelta hi. Tua ahihmanin ih omna ciat pan omdan, khawldan, hawhna ciahna leh vaksuk vaktohnate ah pilvang kawmsa in vakin, a kisam lopi in mawk vakvak kei zaw in. Inn kiim innpam ah minam dangte hong et mawh ding kidawmin, gamtatna ah kikhual ciatni. Kimat kihen zong hong tam semsem ahihmanin na lawmte ahih kei leh na pawlpi kem siate ahih kei leh na khua makai te kiangah na phone No. leh Card No. copy te uh kem sak/thei sak hamtang un.

ZAM palai te, Pawlpi siate, Upa te leh Khua makai te khat peuhpeuh ii phone no. ciamteh in lotngah hamtang in. 01-06-2018 ni-in Malaysia Home Affair Minister Muhyiddin Yassin in Malaysia gamsung ah thumanlo in om in nasem mi khempeuh hemkhia dingin ka khensat khin uh a, tua tawh kizui in na kasem ta ding uhhi. Nasep theih na tawh kisai in Rehiring Programme pen 30-06-2018 ni-in bei ta dinga, tua nungah hih thumanlo a om gamdang mite vai kilim pat ding cihi. Tua ahihmanin mipih a kuama ciat kidawm in pilvang takin om ciatni.

KIMAT KIHEN NA TUAH CIANG :: Kimat kihen natuak khak zenzen leh mitampi ko kawikawi loin na muan pen khat koin amah tawh na vai van suaksak pah lecin hoih pen hi. Mitampi tawh ih ki contact ciangin vai tampi nawngkai thei a, vai ol ding khat zong vai hamsapi hong suak sak thei hi. Palik te khat khit khat in ih hopih ciang in palik te in sum dekna in nuam hong sa semsem uh hi. A suakta thei ding khat zong suatta lo cih zong om thei a, sum beilo ding pi khat zong sum tampi bei lawh thei hi.

WELCOME TO ZAM :: Kawlgam, Vaigam, tuipigal leh gam tuamtuam pan in Malaysia ah hong zin Zomi makai te’n Zomi zumpi ahi Zomi Association of Malaysia(ZAM) ah nong hawh/phak hamtan nading un itna lianpi tawh kong zawn uh hi.

INSURANCE CARD A TAWM MAP SUNGIN BAWL IN :: “Sik a satlai in sek in” paunak ih neih bangin Insurance zong hong kikhiap lai-in na bawl kei leh a zah khat val hong khangto ding ahihmanin hatsatna na tuahciang kisik mahmah ding na hihmanin a nuaia Discount hun sung in bawl in.

Na leini mah in card hong pia pah ding uhhi.Mimal khat ciangin RM30 nuamtuam ding a, innkuan khat ciangin RM 50 nuamtuam ding hi. :June 4-14, 2018, Ahun : 9:00AM-4:00PM

INSURANCE CARD HONG LA UN

• 1. Nang Dal Lian 6. Go Lian Thang
• 2. Sian Pau 7. Cing Nuam Lun
• 3. Lian Pau 8. Cing Lun Hau
• 4. Pau Suan Piang 9. Cing Sawm Dim
• 5. Niang Sian Don 10. Hau Sian Khai

ZAM PAN DAHPIH NA PULAKNA :: Chanthagyi khua a teng Thatmun beh Pa Zam Khen Dal leh Nu Muan Chung te tapa Tg. Ning Eng Lian (Kum 34) in 05 June 2018 in hong nusia a, 06-06-2018 ni-in a luanghawm Sungai Buloh hanmual ah kituh kik hi. A dah a kap khempeuh Topa Kha Siangtho in alam dangin hong hehnem tahen. ZAM/ZSM zum pan in adah akap a innkuanpih te tawh kibangin ih dahpih na ih pulak khia hi.

NA LAI UH HONGKAN UN

• 1. Sian Hoih Sang 5. Thang Kap Mang
• 2. Lang Khawl Kim 6. Khen Kim Mang
• 3. Cing San 7. Thang Pi
• 4. Thang Go Mang

ZAM ZUM AH KILEI THEI TENG

ZAM zumpi ah I ngeina van tuamtuam ahi Zopuan Design tuamtuam, Zoniik Design tuamtuam, Puanten, Puandum, Zodial(Silk), Puanlai san, Zokhi, Tanghciin, Khephiau, Zolukhu, Zothungkuah, Zodial cihte akipan naupang puan tuamtuam te deih zahzah kilei thei hi. Tua bek loin khui tuamtuam leh anuai a laibu te zong kilei thei hi.

• 1. Kawllai Laisiangtho RM30
• 2. Galhiam Labu RM30
• 3. Zolai Simbu RM30
• 4. Makaih Pilna Volume 1 &2 RM30
• 5. Tutmun Mikaangpau Sinna RM20
• 6. Eden ah ciahkik ni RM15
• 7. Cope Centenary Jubilee RM10
• 8. Kristian Labu RM30
• 9. Nisim Tongdam RM30
• 10. Tongluan Zaitha RM30
• 11. Ka Pian Sinthu RM30
• 12. Zomi Ciiimnuai Tate La Namcin RM25
• 13. ZYA Tin Jubilee Magazine RM50
• 14. Gual Tawh Tan Bang Kim RM25
• 15. Laisiangtho A Thu zui-in Khenna RM80
• 16. Tongluan Zaitha RM30
• 17. Isareal Pasian teltuam
• 18. Malaysia Zomi Pawlpi tangthu RM30
• CD leh DVD tuamtuam te zong kingah thei hi.

KIMAT KIHEN NA TUAH LEH : Kimiat kihen vai na tuak leh hih anuai a siate na contact pah in. Sia Tuang Pu 016 254 4093, Sia Go Mang 018 202 1216

ZAM Thupuak PDF File >>>

THONG LAM BUAIPIH TENG : Kawlgam pan hong pai leh kawlgam lam zuan in a ciah ih mipih tampi tak Malaysia leh Thailand gamgi lam ah kiman in thong leh camp te sungah om uhhi. Hih ih mipih te ZAM zum pan in hih theih tawpin kivan zelzel hi.

• 1. Pau Ngaih Sut Thang (Geelzang) Belantik Camp ah
• 2. Dim Tial Kim (Farthlang) Belantik Camp ah
• 3. En Sian Muang (Farthlang) Belantik Camp ah
• 4. Zen Khan Khual (Farthlang) Belantik Camp ah
• 5. Tuang Sian Muang (Farthlang) Belantik Camp ah
• 6. Pau Cin Lian (Nahnuai) Belantik Camp ah
• 7. Suan Kim Snag (Vanglai) Sungai Petani thong ah
• 8. Awi Sawm Dim (Farthlang) Pokok Sena thong ah
• 9. Khai Thawn Mung (Laaitui) Pokok Sena thong ah
• 10. Paupu (Munlai) Pokok Sena thong ah
• 11. Kam Cin Lian (Munlai) Pokok Sena thong ah
• 12. Ngo Suan Mung (Munlai) Pokok Sena thong ah
• 13. Kap Lam Cin -Pokok Sena thong ah
• 14. Thang Sian Piang (Taaklam) Pokok Sena thong ah
• 15. ThangKhual (Sakhangyi) Pokok Sena thong ah
• 16. Khup Deih Suan Piang – Bukit Jalil Camp ah

ZATO LAM BUAIPIH TE

• 1. Hau Khan Gin (Ngalbual) GHKL
• 2. Khai Tan Thuam (Saizang) Klinik Kesihatan Kelana Jaya
• 3. Cing Sian Ngai (Kawlpi) Hospital University
• 4. Vanpi (Phaileng) IPR
• Zato lam tawh kisai in vai khat peuhpeuh na neih leh
• Contact : Sia Khuppi 011 3563 2059, Smh CiiCing 0111 282 8482

SUM KIKHAK THEI

• Tedim-Kawlpi- Tonzaang-Cikha,
• Pa Kam Mung
• Ph.No.: 018-6646-343.
• Block 11-5-2, Setapak.

CIALPI AH SAPNA

• Amun : Wesly Methodist biakinn
• Jalan Hang Jebat Kuala lumpur
• EBC-KL biakinn tawh ki maingat.
• A ni : 15 – 17,June, 2018.
• Thusin hun : 4:00PM – 6:00PM.
• Kikhop hun : 7:00 PM -10:00 PM
• Thuhilh ding : Rev Thang Cin Mang.
• G/S . EBC.Myanmar.
• Volcal hilh ding : Sia, Stephen Mang.
• Kizop nading : Sia, Lianpi. 017-254-3321.
• Upa,Munpi. 017-210-2265.
• Upa,Pa Khup. 011-33433-031.

ZOMI TE ADING NASEP

• Waiter ding Pasal 1 ki nawhdeih
• Amun – Shah Alam
• Nasep hun-11am to 2:30 Brake5:30 to 10:30pm
• Omna pia Anvak. Khasum – Nai1-Rm5
• English or Malay pauthei hamtang ding
• Zomi nasep neilote ading nasep nam tuamtuam om den hi. Nasep tawh kisai :Sia Khuppi – 016 3838 014, 011 3563 2059