Colombia gamah mencim hangin mi 306 si, naupang 92 kihel

Colombia gamah mencim hangin mi 306 si, naupang 92 kihel

Colombia gamsung aom Mocoa khuasung ah abeisa kalsungin buannawng mencip “Mudslide” nasiatak in pianga, mi 306 takin sihlawh uhhi ci’n Thursday ni in Colombia Government in genkhia hi. Tua asi mi 306 lakah naupang zong 92 tak kihel cisawnsawn hi.

Guahtui tamlua mahmah ahih manin Mocoa khuagei aom lui 3 te tuikhawnggawp in, tuapan in nungkal Friday nitaklam akipan Mudslide akipan ahihi. Buanciim bekbek munkhempeuh ah dimzihziah in, aki awkcipgawp ahihi.

Disasters Risk Management te genkhiatna ah mimang in aki Report khempeuh kizongzong in asi pen kibehlap toto cihi. Naupang asizong tampitak pha ahih manin, ki khasiat phadiak hi.

Colombia President Juan Manuel Santos ii genna ah mimang in aki Report pen mi 300 valbang omlai cimawk hi. Tuate koilam ah tung uhhiam, asi hiam cihpen bangmah ki gencianthei nailo hi.

Mocoa khuasung ah Population mi akigawm in 70,000 bang omding in aki ciamteh hi a, tualak ah mi 45,000 bangin hih Mudslide hangin cimawh dongtuak in om uhhi ci’n Red Cross te’n pulakkhia uhhi.

Asilo Survivors te’nzong ahuhding “Disaster Reponse” akician in omzolo ahih manin amauleh amau hanciamin sanggam meltheih teng azong in buaimahmah uhhi.

Buanciim lakpan in meltheih tanau te zongin buaimahmah uh a, asisa in amuh uhciangin amaumah in hankhuk totawm in vuibawl uh cih kiza hi.

Hihzahliang in Mocoa khuasung tuahsiat gawpna pen Local and Regional Officials te’n khuasung innlamziading hoihtak hilhlo, geello hiam cih ki lunghimawh ahih manin, Colombia Authorities in hoihtak kancianding kici hi.

Natural Disasters hihbangdan tuahsiatna aom ciangin bangci bangin kihemding cihte hoihtak geelkholhna ommello hihtuak hi.

Mayor leh Governor te’n hih tuahsiatna Disaster ah mawhpuak aneihiam cihzong ki lunghimawh cih Colombian Meida te’n genkhia uhhi.

More: Colombia gamah mencim buannawng lakah mi tampi awkcip in asi mi 210 phakhin

Hih tuahsiatna panin Lesson tampi laktheihding thupi khading hi. Ih omna, ih teenna munte deihlohpen in mencim, tuikhang cihkhawng Natural Disaster khatpeuh aomciang bang semmasading cihpen thupi mahmah hi. ZD Sawltak#zomidaily