ZAM Thupuak :: 04 January 2015

ZAM Thupuak
ZAM :: Zomi Association of Malaysia

Best Community-Based Organization Lopna leh Lungdamna om ding

Cikmah a apiak ngei nailoh UNHCR-CDU panin a khat veina Best Community-Based Organization (kipawlna hoihpen) pahtawina ZAM in hong ngahna hangin Malaysia gamsung a om Zomi akua mapeuh in ki lungdamin ki angtang mahmah hi. Tua tawh ki zui-in January 5 ni zingsang nai 11am in ZAM Hall a lopna leh hih bang a UNHCR te maipha, pahtak hong ngah sak anungta Pasian tungah lungdamkohna nasia takin ki nei nuam ahih manin Zomi akua mapeuh nong kihel kim ciatna dingun zahtakna lianpi tawh kong sam uhhi. ZAM in biakna pawlpi teng leh khua kipawlna teng tawh kilam kipawlna picing khat ahih mah bangin adiakin pawlpi pan leh khua kipawlna pan ahih thei zahzah nong kihelna dingun hong zawn phapha uh hi.

2014 Kum sung Sanglam nasep pulakna (ZEC-Talalla & Maharajalela)

Thupatna
ZEC-Talalla leh Maharajalela sang nasep na 2007 pan 2014 kum bei dong hong tonpih a thupha hong pia i biak Pasian in minphatna khempeuh tang tawntung ta hen. 2014 kum khat sung sang nasepnate atom in a nuaia bangin hong pulak ing.

Theiding: Tu kum sinu Thang Ngaih Dim leh Francis Dal lam Thang in DCF pan Lower Primary Teacher Certificate ong ngah hi.
II. Sang Naupang (Students)

Theihding: ZEC sang pan sang manin laizo te Ruth Education Center (REC) ah sang kizom sak a 2011 pan 2014(kum 3) sungin mi 12 kipuak in tu laitak numei 2 leh pasal 5 a kigawm 7 in REC ah pilna sang a sin laitak uh ahi hi. 2015 ah 2 kipuak beh ding hi.
III. ZEC ah bang teng kisin (Subjects)
qEnglish qMathematics qScience
qComputer qZolai leh Zo Ngeina qLai Siangtho
qArt (Khut siamna tuamtuam)

IV. Laivuan (Examination)
2014 laisin kum khat sungin lai vuanna 4 vei kinei a a khatna, a nihna leh a thumna ngahte pahtawina lai leh letsong ki pia hi. Test khat vei man simin Report Card tung Nu/Pa letmat kithuhsak hi.
V. Pahtawina
Kimawlna lam ah:
Faisal Cup 2014 ah ZEC Talalla min tawh pasal U12-Football team 1 leh Numei U12-Netball & Football team khat kihel na pan pasal U12- football team te quarter ciang kahin, Numei U12-Net netball team ten “Champion” leh football ah a “Thumna” ong ngah uh hi.
Drama (Limlahna):
ICMC Drama Competition 2014 ah ZEC-Maharajalela min tawh kihelna ah a “Thumna” kingah hi.
VI. Activity tuamtuam
2014 kum khat sungin a nuaia bangin activity tuam-tuam naupangte kipaipih hi.
wSunway Lagoon (2 vei pai ) wIpoh Excursion Trip
wScience Center wBatu Cave
wPlanetarium Museum wNational Museum,
wIslamic Art Museum wLake Garden
wWater Fall wAquarium KLCC
wDiscovery wBank Negara
wTaman Tun Park wGIS Sport
wGIS Football Game wGIS Day Trip
wGIS School Based Programme
wNational Record Coloring
wMCKL Carnival (3 vei pai)
wCCA Out Reach (6 days in 6 weeks)
wREC Third Anniversary (naupang ten ngeina laam lak)
wICMC Drama Competition (a thumna ngah)

wFaisal Cup (Team 2 kihel-U12 boys & girls; Girls netball Champion, girls football 2nd runner up)
wWorld Refugee Day- (ni 2 group 2 in ngeina laam khat tuak lak)
wZomi Namni (naupang ten ngeina laam lak)
wSialsawm (naupang ten ngeina laam lak)
wZomi Khuado
wGIS Year End Party
wRefugee Day at ZCCM (Kawlgam ai tang in naupang ten Zomi Ngeina Laam lak)
wChristmas Party tuamtuam cih bangin kipai hi.
VII. Atuamtuam (Others)
IAD ten cidamna lam tentan 1 vei ong pia
ICMC ten ah 1 vei tentan ong pia
Singapore pan Mr Lyon kal 1 sung lai ong hilh
Mrs Garvin–Jenks Public High School USA pan ZEC ong hawh in naupangte lai ong hilhsak, siate tentan ong pia
Teacher Day sangnaupangte makaihna tawh kibawl
Miss Shahirah in Kha khat bit naupangte lai ong hilhsak
Tzu Chi te khat vei sang ong hawh in activity tuam2 ong neih pih.
Sang tuah pawi leh sangnaupangte pahtawina ZAM Hall ah kibawl.
KLIFF, GIS leh Living Hope pan Lungdam bawl letsong tuam2 sang naupangte ong piaksak.
Gam thumna a leng ding siate leh sang naupangte Certificate kipia hi.
VIII. 2015 sangkah kum ading min sanna
2015 kum a ding sang naupang min sanna December 22-23, 2014 sung ZAM Hall ah a nuaia bangin kinei hi.

Theihding
Boarder lut ni : January 7, 2015 (Wed)
Sang hon ni : January 8, 2015 (Thu)
Sang vai kizop na ding leh dotnop a om leh
Sia Tuang : 011 1076 3234, 016 913 7121
Sia Khoi Tuang : 010-286 6189
Doarder vai dotnop a om leh
Sia Tuang : 011 1076 3234, 016 913 7121
Thukhupna
A beisa kum 7 val i biak Pasian in ZEC hong tonpih mah bangin mai lam ah zong a beisa kumte sang

Zomi naupangte a muibun zaw a pilna i guat zawh na dingin thungetna tawh ahi zongin i hih theihna ciat tawh Zomi a kua mapeuh khut kilen in ma pang khawm ding hi hang. ZEC sang nasepna ah sum leh paai, pilna siamna, thu leh la, thagui thatang leh thungetna tawh ong panpih a tha ong pia mimal kim tungah i biak Pasian in thupha hongpia kim ciatta hen.
United States Ngeina le Dan Thusinna
Khutzat Laibu : ZOMI (Azom)
Na tun zawh kha khat sungin
Zingtung

Vanleng tualah hong dawn ding
Na inn ding ah motor tawh hong kha ding
Nektheih tuamtuam abaihsa in om ding
Nai 24 sung
Inn hawhna (Navai saite na inn ah hongpai ding
Ni 5 sung
Zum ah paina
Thudotna
Lungnuambit nang tenna hong pia ding
Na kisapte hong vaihawmsak theih nangin munpiakkikna agency te khat le khat kikal thukimna lai abawl uh ahi hi. Tua ahih manin khat le khat hong vaihawmsakdan a ki batlohna thei in. A citak leh aman thu leh late hong kaihkhawp nangun a hoih pen ahi. Hih munpiakkikna agency te tung muang ngiat in.
Ni 7 sung
Tawlkhat sung zat ding sum tawm
Akilawm a kituak sum huhna siauh sak
Neek le dawnte lei nang card siauh sak
Cidamna lam huhna siauh sak
Ni 10 sung
Security vai siauh sak
Tawlkhat sung bek ding ahi zong, hun sau ding
ahi zong nasep nang vaihawmsak
Nasep nang min hong piaksak
Manglai (ESL) sinna kah nang min hong piaksak
Ni 30 sung
Cidamnang lam kisitna (thuakzawhna leh TB lam)
Adang inn nih ah hawh
Anuaiate tawh kisai thusinna piakna
Mitawh kizopna/Vengta hihna
Gamdang pemna lam
Vaksuk/vaktohna lam
Pilna sinna lam
Inn le lo tawh kisai
Deihteel septheihna lam
Adang ni 30 sung hong sepsaknate khua hun zui-in a kisam niiklepuan, nasep zonna-ah thudotna tuamtuamte, tintan kahnate ah hong dawn hong kha. Zopzop lai ding

Tukal Palaai te buaipih diak teng
Kham Lian Mung (Khampat) December 29 ni-in Tung Shin/HUKM ah ki buaipih.
Thang Za Tuang (Vangteh) leh Man Sial Mang (Dimlo) December 30 ni-in Ampang zatopi ki veh.
Sing Gin Hau (Kapteel) December 31 ni-in Sungai Buloh Zatopi ah ki buaipih.
Dal Sian Gin (Saizang) January 2 ni-in ACTS ah vai ki buaipih.
Cin Khan Kim (Singunau) Jinjang lockup panin ki buaipih in hong suakta.
Kal Khat Khit Kal Khat
Kal khat suanna in kalsang tampi hong tungsak hi. Kal khat suanna tawh na lungtup na tung ding hi. Banghang hiam cih leh na kal khat suanna in maban nawt na hi cih hong lak hi.
Kum simin vanleng tawh khualzin mite in Singapore vanlengtual ah sumnen lak kik taak a sakloh uh a kikhol pen USD 500,000 bang pha zo hi kici hi. Sumnen pia khat pia nih a kinusia pen vanlentual ah nasemte in na kholkhol uh a, kum tawp ciang tampi pha mawk hi. Cihtaak i sakloh nangawn a kikholkhol ciangin a tawpna ah tampi pha in manpha mahmah ahi hi.
Tupna leh ngimna zong tua bang mah ahi hi. Tupna tun nadingin kal khat suan leng a tawpna ah tupna hong tun ding ahi hi. Tupna tawp dong hong tonpih in hong mualsuah ding na himawk hi. Tua ahih manin ‘kal khat khit kal khat’ suan den ding a thupi mahmah hi a, khawl ngeilo ding, tawpsan ngeilo ding hi hang.
1. Kal khat suan ding thupisak ding
Tupna lianpi nangawn a tangtun nadingin kal neucik khat suanna tawh kipat kul hi. Tua kal khat suanna pen a ciil in cihtaklo tawh kibang hi; ahi zongin kal khat suan phot pongpong ding kisam hi. Kal khat suan khit ciang a ban ah, ‘tun kal khat suan kik leng bang a citam’ ciin ei leh ei kidong dingin suan takpi ding hi hang; tua hileh i tup i sawmna lam hong manawh sak ding ahi hi.
Zan na lup ma in nang leh nang kidong in: ‘tuni bang kal suan ka hiam’ ci-in. Zingsang na thawh ciangin: ‘tuni bang kal suan ding ka hi hiam’ ciin kidong leuleu in. Nisim, zansim in tua bangin kidong lecin na kalsuan ding na ngaihsun khia thei ding hi. Kal tampi kisam lo a, kal khat bek suanna tawh zong hun phot hi. Sumnen pen a kigawm ciangin cihtham mahmah a, a nen in en leng bel cihtham hetlo hi cih i gen khin hi. Kal khat suanna zong tua tawh a kibang ahi hi.
Tua ahih manin thakhat thu a lawhcin pah sangin damdama kalsuanna tawh lawhcinna pen kip in kho zaw hi cih hong phawksak hi.
2. Tup khat, ngim khat bek nei phot in
Tupna a tangtunna dingin a thupi masa penpen ah tup khat, ngim khat nei phot ding ahi hi. Tua tup leh ngim bang hiam cih khentat masak ding ahi hi. Tua tup leh ngim a tangtunna dingin lungduai taka kalsuan ngitnget kisam lai hi. Tua tup leh ngim a tangtunna dingin ‘hithei kenteh’ ‘tangtung zo kenteh’ ciin nang leh nang kithanemsak kei in. Banghangin hih bang sawmna nei ka hiam? Bang hangin hih tup leh ngim in nei mawk ka hiam; hih bang tup leh ngim zong a kizatna ding om takpi ding hiam, hizo takpi ding hiam ciin zong kidong kik vet ngei kei in. Ahih theih ding na ngaihsut khit ciang na tup, na ngim hi khin ahih manin tua thului te ah sulhei kik nawnkei in. Ahih theih ding na theihsa na kalsuanpih khitsa hita ahih manin na maban zomin kal khat khit kal khat suan lel in.
3. Na kalsuannate ciamteh toto in
Na kalsuan khitsa teng simsim lel inla, na maban ah kal bangzah suan ding omlai cihte ngaihsut masak in nei vet kei in. Mi pawlkhat in a tup a sawmna uh tangtungsak dingin kal saupi suan khin napi amau thanem khat ciang ‘hih zo takpi ding ka hiam’ ciin amau leh amau kingaihsun kik in dinkhawl thei uh hi. Ahihsa uh thupi ahih lam phawklo in a hih nailoh uh tawh kithanemsak sawm uh hi. A taktak in i etkik ding, i sutsut ding pen i kalsuanna sate hi a, i maban hilo hi. I mailam pen i muhkholh hilo a, i phut ding ahi hi. I nunglam pen i zawhsa hi a lungdama nuihnuih mai ding ahi hi. Tua ahih manin nuihna ding ah nui in maban phut ding ah kalsuanna tawh mainawt ding hihang. Luidunga suangpi zong tui luang in a nawknawk ciangin a sawtna ciang bei mang hi. Banghang hiam cih leh tui luangin suangpi pen tawlngalo in nawk den a, sun tawh zan tawh a nawk tawpsan ngeilo hi. Lungduaina leh cih teiteina tawh a kalsuante in a tup a sawm tangtun uh hi.
Tu in kumthak 2015 sungah zong a thupi, vai thupi, tup leh ngim thupi nei tek ding hi hang. Lungkialo in mainawt in ni khat kal khat khit kal khat suan ciat ding hi hang. Tua hi leh kum tawp ciang i tup i ngim tangtung pelmawh ding hi.
Laisim khempeuh kumthak 2015 deihsakna kong khak a, i biak Topa in a kicing thupha note khempeuh hong pia kim ciatta hen. By Hau Za Cin

Zomi Cup 28 December 2014 Result genkhiatna

Theihding: Tualpi a pai kimawl te hita leh a ente hihta leh akua mahpeuhin tui, avot, nektheih tuam nekding a neite in na nekkhit, na dawnkhit ciangin ninbung sungah na paihsak pahpah un. Na nekna, na dawnna ciang nangawn nin bung sungah napaih zawh kei ding a leh neksawm, dawnsawm kei zawin nin kitawm kei leh tampi kiliau kha hi.

Zomi Cup 11 January 2015 ni kimawl ding khuate

ZSM lutna kipia ziahziah ta
2015 kum Zomi Genvai (ZSM) member lutna pen Pawlpi tuamtuam leh Khua makai te tungah ki lut theita hi. Azenzen in Khua makai (hausa) te leh Pawlpi te panin laibu la nailo omkhak leh sia/ma, Upa makai te in Zomi zumpi ah kila thei den hi. Ei let laibu sung aa honglut member te khatpeuh in tuahsiatna hong tuakkha zenzen leh zumvai nasepna nawngkai na tampi omthei ding ahih manin Khua makai (hausa), Pawlpi sia/ma, Upa makai laibu len khempeuh in no let laibu te adim hunhun in zum ah nongap kik pahpah nangun zong zahtakna lianpi tawhih ki theisak beh nuam hi.
ZAM Hall ki kawmthei
ZAM Hall pen Session khat (nai 4 sung) RM200 ki lading a, nai 4 khitciang azatbehtoh nopleh naikhat RM50 ki lading hi. Aki zangthei vanteng: Air con, Tutphah 150, Sound System, Drum Set 1, Wired Mic 2, Wireless Mic 2, Usher Counter leh adang tuamtuam…
Tune Insurance te hong paikik ding
January 10 ni 9am-5pm kikal Tune Insurance te ZAM hall ah hong paikik leuleu ding ahih manin a leinuam khempeuh in ZAM hall ah nai 9am lapin hong pai un. Nong pai ciangin na UN card number, na UN man (photo) gei a number, suah ni, suah kha leh suah kum cihte kisam mahmah hi. Mi dang na vaikhak ding leh zong tuate lo tawh kingah vetlo hi.
ZAM ah Ngeina puan leh vante kingah
ZAM zumpi ah ih ngeina Zopuan leh vante ki leithei hi. Aki ngahthei van te: Zopuan: a bantawng leh a bansau (pasal), Zoniik nam tuamtuam (numei), Puandum, Zodial, Zodial naikhau (silk), Puanlaisan, Tanghciin, Khephiau, Zokhi, Zolukhu, Zothungkuah atuamtuam…
Theihhuai Phone Number Pawlkhat

Resettlement Support Center (RSC)
RSC Phone Number (1) : 03-2144 8105
RSC Phone Number (2) : 03-2144 7994
RSC Post Tam Phone Number (1) : 03-2141 1943
RSC Post Tam Phone Number (2) : 03-9222 0529
RSC Inquiry Phone Number : 03-2141 5846
IRC-CO Class Phone Number (1) : 03-9222 0041
IRC-CO Class Phone Number (1) : 03-9222 0042
International Organization of Migration (IOM)
IOM Medical Phone Number (1) : 03-9235 5422
IOM Medical Phone Number (2) : 03-2144 2043
IOM Operation Departure : 03-9235 5430
IOM Medical (Sputum) : 03-4021 4314
UNHCR
UNHCR General Line (1) : 03-2141 1322
UNHCR General Line (2) : 03-2117 1400
UNHCR General Line (3) : 03-2118 4800
Fraud Case asap theih zelna : 012 209 6397
UNHCR Hotline : 012 630 5060
UNHCR Hand Phone No. atawpna malthum : 824 Hih atung a phone nambat teng na phone : 966
sungah ciapteh sawm hamtangin nang : 011 adingin manpha mahmah ding hi. : 724

Lungdam takin hong kisang ding hi
Gamsung gampua leitung muntuamtuam pan ZAM nasepna te tha napiak nopleh lungdamtak in hongkisang ding hi.

Address:

155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email:  [email protected]

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website tungpan kongsuaksak zelzel uhhi.

Note :: PDF tawh na simnop leh

Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…