Zozum Dinner nuamtak kizo ~ Pu Thangboi

Zozum Dinner nuamtak kizo ~ Pu Thangboi

Kum hong beikuan ta ahih man in Zozum Dinner October 8, 2018 ni in Zangkong 37 Street a Y2T Restaurant ah nitak nai 5:30 pm pan 8:00 pm dong nuamtak in kibawl thei hi.

Hluttaw khawl hun tawh kituak ahih man in MP ong kihel thei zong om hi. Kikupna leh Khentatna anuai a bang hi.

Kikupte:

• District vai Hluttaw ah bang cih ding. Tua khit teh bang sepbeh to ding.
• Haimual vai tulaitak a Lian Luai leh Van Thio te’ sepdante ei’ ading in hoih maw hoih lo
• Border trade koi teng ah hon beh zo ding
• MNF te’n huhna hong ngetna uh tawh kisai bang cih ding

cih khawng deihtak na kinial ung.

Khentatna

Atung a te lungkim huai tak in kikup khit ciang in Zozum Khuado bawl ding in ki khentat hi.

Zozum Khuado bawlna ding mun pen Pu Sawmno Gualnam i mun ahi Sea Gate City ah bawl ding in hoih kisa hi.

Ani ding pen October kal tawpna aih kei leh November kal masa hiding hi. Lungdam, Pu Thangboi