Sangnaupang numei khat a awmbo tungah Tattoo asuaihsak hi a, deihnawnlo in a phiatkhiatsak ciangin meimapawn lianpi piangin lipkhap huai mahmah cih Daily Mail pan kiza hi.
Tuanu minpen Pasuda Reaw kici a, kum 21 aphakhin khat ahihi. A awmbo Chest tungtengah abeisa in lingpaklim Rose Tattoo asuaihsak hi a, nasepna ah nawngkai, Professional vailo ahih manin ahepkhiat kiksawm ahihi.
Abeisa February khasung in Tattoo phiatkhiatding kipan a, Rejuvi kici Chemical Method zangin avuntung ah nuhtheih Chemical tawh Tattoo phiatding kipan hi. Ahi zongin nat cihtak in nagawp a, avun thaksawnsawn lailai hi.
Hih numeinu Pasuda Reaw pen Northern Thailand, Udon Thani ah Art Student sangnaupang khat ahihi. Tattoo phiatkhiat nadingin Laser zatsangin Rejuvi lemzawleh kilawmsa ahih manin, Rejuvi kici Chemical Method azang ahihi.
Tattoo phiatkhiat Treatment akipat akipan asa na samahmah a, avunzong thaksa mahmah hi. Tuaban ah avun pen akolhkhiatding sawtveipi ziakai cihi. Thuaklah mahmah ahih manin, zanciang inzong ka ihmu theikei cihi.
A awmbo tengah Tattoo asuaihkhak pen deihnawnlo in, aphiatmaisawm hi a, ahi zongin Tattoo sangin sukzaw in meimapom lianpitak piangphei demdam hi.
Hih Rejuvi Treatment tawh Tattoo phiatpen nalua mahmah ahih manin kuaman zat huai hetlo hi ci’n genkhia hi.
Laser tawh Tattoo phiatpen sum tampi beizaw himahleh Laser mah zatding hoihtuakzaw hi.
Hih numeinu in midangte zong Tattoo vai kidaltheih nading Warning piakna in ama thuakzia Photo te ka khahkhiat ahi ci’n genkhia hi.
Abeisa February 04 ni in Clinic khatah Tattoo phiat akipan hi a, inn kaciah ciangin nalua mahmah in zanciang inzong ka lumtheikei cihi. Zansim in ka kapdenmai cihi.
Tuazawh ni 10 khitciang in a awmbo tengah meimanaai “Puss” kipan in avun te damdam in ki leukhia hi.
March 02 ni ciangin avun ahokkhiat ciangin meima lianpitak piangmawk hi.
March 07 ni ciangin ameima hulzawdeuh in, ahi zongin sanseusau lai veve hi. Anunung ah Tattoo pen ki phiatkhia cihding hisam napi’n, meimapawn lianpitak anei suakmawk hi.
Rejuvi Labs pen 1998 kumin Dr. Wade Cheng kici Biochemist khatin San US gamsung California, Francisco Bay ah aphuatkhiat ahihi. Amau genna ah Session thumvei livei bang hileh Tattoo pen ki phiatmaithei ci uhhi. ZD Sawltak #zomidaily
Comment piaknop aomleh...