MAPANG KHAWM NI ZOMI KHUADO 2019
Zomi Khuado pawi bawl ding tawh kisai in 22 July 2019 (Wednesday) ni-in ZAM zum ah thudotpi te tawh kikup khopna kinei in, Zomi Ngeina Khuado Pawi limtak bawl dingin thukimna kinei hi. A mun dingin Zomite Khuado Hall, Chin Woo Stadium mah ki kipsak hi. Khuado pawi nasiatak a bawlna dingin sum leh pai tampi hong kisam ahih manin muanna leh lametna lianpi tawh Khuado Committee in anuai a bangin mapang khawm dingin kong zawn uh hi.
- 1. Khua kipawlna pan RM200 pan a tungsiah,
- 2. Biakna pawlpi khat ciang RM300 pan a tungsiah leh
- 3. Khua kipawlna leh Pawlpi panbek hilo in, mimal in zong ma ih pan khop na dingin kong ngen uh hi. Khuado ni dingin 15 October 2019 (Tuesday) ni dingin kikip sak hi.
Zomi te kumkhen Khuado pawi ah Malaysia leitang tung a om Zomite khempeuh khatzong pelemlo a, ih kihel kim theih nading deihna tawh kong theikhol sak uh hi. Tuasung ah Zomite maban ding thugenna, Zomi Idol Malaysia 2018, Laam tuamtuam, lasaknate a kipan kivakna/talent show tuamtuam zong om ding a hihmanin khuahun sia leh thusia tuamtuam te tawh kipelh nadingin thungen ciatni.
Zomi Khuado pawipi muakna in ih neihngei sa mah bangin in Zomi League kimawlna zong om ding hi. Tua ban ah tukum in Gym kimawl te in Body Building Competition kidemna zong om ding hi. By: Khuado Committee 2019
ZOMI KHUADO 2019 COMMITTEE TENG
- 1. President : Rev. Dai Sim Mang
- 2. Vice President 1 : Sia Hau Thang
- 3. Vice-President 2 : Rev. Thang Do Khen
- 4. Vice President 3 : Rev. Peter Dal Khan Lian
- 5. Secretary : Sia Kap Za Khup
- 6. Joint-Secretary : Rev. Gin Khan En
- 7. Treasurer : Sia Joseph Tuan Sawm Tuang
- 8. Accountant : Sia Simon Pau Khua Muan Lal
- 9. Accountant 1 : Pa Thang Suan Piang
- 10. Auditor : Rev. Thang Za Cin
- 11. Auditor 1 : Rev. En Cin Pau
MEMBERS
- 1. Rev. Khen Za Dal 6. Sia Thang Zo Mung
- 2. Pa Thang Za Khai 7. Sia Kam Sian Mung
- 3. Rev. Thawng Khan Sut 8. Sia Mamang
- 4. Rev. Pau Sian Piang 9. Sm Cing San Huai
- 5. Rev. Ngin Khat Thang
ZOMI IDOL
Kumsim ih neih ngeisa om mah bangin Zomi Idol zong tukum kinei dinga, hih Zomi Idol tawh kisai in hong makaih sak dingin
- (1) Rev. Thawng Khan Sut – 016 6443 011
- (2) Rev. Gin Khan En – 017 3342 760
- (3) Pa Thapiang – 016 2543 352
- (4) Sia Kam Sian Mung – 018 312 2957
te muanna tak tawh kiseh hi. Zomi Idol a lut nuam te in min sazian zong kipia pah thei ding hi. Kidem ding ni leh a thu akicing zaw in atel nuamtein a tungaa siate kiang ah kidong thei ding hi.
ZOMI LEAGUE
Ih bawl ngei a om mah bangin Zomi League 2019 zong nopci tak in kibawl ding hi. Tukum Zomi League pen kuanpi kimawl loin Futsal kimawl ding in kikip sak hi. Zomi League leh Body Building Competitions te hong makaih dingin Sport Committee zong vai hawm pah a, a nuai a bang ahi hi.
SPORT COMMITTEE TENG
- 1. Rev. Pau Sian Piang – 016 3185 296
- 2. Rev. Thang Za Cin – 012 661 0046
- 3. Sia Kap Za Khup – 016 383 8014
- 4. Sia Thang Zo Mung – 017 663 6087
- 5. Sia Joseph Tuan Sawm Tuang – 016 254 4093
- 6. Sia Kam Sian Mung – 018 312 2957
- 7. Sia Mamang – 018 913 2587
- 8. Sm Cing San Huai – 017 282 4801
Zomi League Futsal tawh kisai min sazian pia nuamte in kipia thei ta a, a nunung pen September 08, 2019 ni ciang kisang ding hi. Lutman pen team khat ciangin RM 500 hi ding a, Deposit RM 200 hi ding hi. Kimawl ni ding pen September 16, 23, 30, 2019 nite hi ding hi. Dotnop tuam tuam te zong kidong thei ding hi.
BODY BUILDING COMPETITIONS ZONG OM DING
Zomi khangno te sungah Gym kimawl te adingin zong Body Building Competitions om dinga, tua sungah a kihel nuam ih om leh zong min sazian kipia thei pah ding hi. Khuado ni ma in kidem khol ding a, pahtawina te pen Khuado ni in mipi mai ah kipia ding hi. Hih Body Building Competitions vai a lunglut te in a tunga Sport Committee te tungah min sazian kipia thei ding hi.
TABLE TENNIS KIDEMNA OM DING
Zomi Khuado pawi muakna in Table Tennis kimawlna zong om ding a, a lunglut te in Sport Committee te tung ah sazian kipia thei ding hi. Lutman pen mi khat ciangin RM100 ta hi ding a, mimal kidemna hi ding hi. A kidem nuam te in August 31, 2019 ni a nunung pen in min sazian kipia thei ding hi. Kimawlni ding pen September 02, 2019 ni hi ding hi.
PALIK DAMIAH OM HI, KIDAWM CIAT NI
29 July 2019 ni-in ih Zomi pih pasal khat Puchong pan in Garb Car tawh KL lam zuan in hong paina lampi, Klang Lama tunma diak in Palik te in lam block bawl in sanggam pa bag sung a et sak ciangin Sum RM 2000 mu uh hi. Palik te’n a motor sungah khum suak pah in UN card nei hi ing a cih hangin awlmawhlo/thudon tuanloin a phone lak sak pah uh a, kua mah contact bawlsak nawnlo uh hi. ZAM ah hong kohna tawh kizui in a kim a Palik zum teng va ki kan pah a, kimu tuanlo hi.
29 July 2019 zan 12 kim ciangin asanggampa contact kik thei in, Pasian thupha tawh cidamtakin kilakik thei hi. Ih sanggam pa hong gen na ah “Palik te’n hong paipih in, kalate mi 3 te tungah hong ap uhhi. Ka mit dialtawh hong tunsak in innsung khat ah hong koih cip uhhi. Kamkhat pau kha leng suih leh bet hong thuahpah zel uh hi. Tua pan-in ka bag sungah sum 2000 la uh a, Lasiangtho bu leh ka van dangteng la lo uhhi. Tua ciang ka phone ka nget kik leh hong pia uh in, gamlak mawtaw lam gei khat ah hong khia uhhi. Tua pan in sai om na zong suksuk in, sai omna ka muh ciangin ka U te contact in tua sai ah motor tawh hong la uh hi.” Ci-in hong gen hi.
Tua ahih manin ih vaksuk ih vaktohna ah sum tampi pua kei ni. Sum tampi ih puak sawm leh zong khat kia bek pailoin kithuahpihnei hamtang ni. A zenzen in puak pua kei ni. Sum tampi ih puak sawm leh zong khat kia bek pailoin kithuahpihnei hamtang ni. A zenzen in puak loh phamawh dingthu a om leh zong sel siamding kisam hi. Ih omna ciat ah Zomi te Topa’n hong kem bit tahen.
ZAM FREE CARD KINGAH TADING
ZAM in kumsim a man ngenloin Malaysia Zomi khua ki pawlna makaipite, ZEC sangah sia asem sangsia te leh pawlpi kem Pastor te’n ZAM zum ah August 1st-31st sungteng nisim 9:00AM-6:00PM kikal hunngah ni khatpeuh ah ZAM Free Card nong bawlna dingun ZAM zum pan zahtakna lianpi tawh kong zasak uhhi. A thei kha nailo a om leh MZCA, ZCMC leh kipawl na tuamtuam te pan nahilh sawnsak un.
INNKUAN LUTPIH TE KISAM TA
ZAM pan UN ah innkuan lutpih a kisam theilote lai ih I gelhsak leh min sazian ih puaksak sa te tu in a baantak in kisamsam ta in Contact ngahlo zong pawlkhat om hi. UN maban a nei na hih leh na phone nang tawh a kinai na mun ah koih den inla phone pai lam phawk loin len manlo cih te a omlo theithei dingin hanciam in. Tua ahih manin na phone numbat na laih khak zenzen leh a hunlap in UN zum ah update/laih mengmeng un. Telbeh nop dotnop na neihleh ZAM :- 03 2142 6659/016 293 9027
ZSM LAIBU HONG AP UN
Zomi Genvai Kipawlna (ZSM) laibu ih hawmkhiat zawh sawtta a, March kha bei ah ap kik hamtang ding cih zong ih kigensa ahihi. Tua tawh kizui in hong ap kik kha nailo te in amanlangin ZAM zum ah nong ap nading uh ih ki zasak phapha hi. Hong ki-ap nailote tawh kisai in vai khat peuhpeuh a om leh ZAM/ZSM in tavuan kila zolo ding hi cih zong I kiphawksak hi. I sep khopna hangin thahatna leh lawhcinna I ngahsa mah bangin mapang khawmin semkhawm dingin I kizawn phapha a, laibu khut sungah a kemlai peuhmahin amanlangin nong ap kim nading uh I kizasak kik hi.
KIGEN SAWN IN KIDAWM NI
Malaysia ah zuu leh beer a hoihlo/a sitlote dawnna hang in a beisa kum sungin kawlgammi honkhat in a nuntak na bei lawh khin a, tunai mahmah in zong mi (5) bang a nuntakna bei lawh leuleu ahih manin Zuu leh ‘Beer’ hoih lo/asitlote peuhmah ih dawn khakloh nading kigen sawn in kidawm ciat ni.
Tua ban ah kimat kihen zong hong tam semsem ahih manin I omna veng leh pam te mit donglo dingin zong omdan khawldan siam ciat ni. Vaksuk vaktohna ah zong kidawmin vai thupi lua mahmah a om kei leh vak kei zaw leng hoih zaw ding hi. A diakin shopping mall pi te leh Kota Raya huam sungah tam vak loh ding hoih pen hi.
UNHCR TAWH KISAI A THEIH HUAI PAWL KHAT
CIDAM NA LAM TAWH KISAI
Cidamna lam tawh kisai in huhnget nopna neih leh a nuai a nite ah kipai thei ding hi. Monday, Tuesday leh Thursday 9:00AM-11:00AM Phone : 03 2118 4879 Email : [email protected]
NASEP VAI LEH SUM LEH PAAI VAI
Nasep vai, sum leh paai huhna leh bank account hong nuam cih te in anuai a nite ah kipai thei ding hi. Wednesday, Friday – 10:00AM-2:00PM Phone : 03 2118 4841 Email : [email protected]
SANGLAM TAWH KISAI
Naupang te pilsinna vai tawh kisai khat peuh a om leh anuai a nite ah kipai thei ding hi. Monday, Wednesday, Friday – 11:00AM-12:00PM Email : [email protected]
KIMAT KIHEN VAI TAWH KISAI
UNHCR card nei khat kimat kihen tuakin UNHCR zum ah I puaknop leh Monday pan Friday ni (UNHCR zum kikhakni ahilo) te ah kipai thei hi. Phone : 012 630 5060 Fax : 03 2141 4363 Email : [email protected]
ZAM ZUM AH KILEI THEI
ZAM zumpi ah I ngeina van tuamtuam ahi Zopuan Design tuamtuam, Zoniik Design tuamtuam, Puanten, Puan dum, Zodial(Silk), Puanlaisan, Zokhi, Tanghciin, Khephia -u, Zolukhu, Zothungkuah, Zodial cihte akipan naupang puan tuamtuam te deih zahzah kilei thei hi. Tua bek loin khui tuamtuam leh anuai a laibu te zong kilei thei hi.
ZATO LAM BUAIPIH TENG
- 1. Tg. Dal Sian Mung(Vangteh) Sungai Buloh zato
- 2. Thang Sawm Mung (Pyidawtha) Selayang zato
ZATO LAM TAWH KISAI : Zato lam tawh kisaiin vai khat peuh na neih leh ZAM zum ah hong ko in. Nang a dingin ZAM palai te kiging sa in om den uh hi. Contact :Sia Mungpi 018 3122 957
THONG LAM BUAIPIH TENG
- 1. Khup Lam Thang (Khuadam) Sungai Buloh thong ah kimuh pih thei
- 2. Khaino (Tuikhal) Sungai Buloh thong ah kimuh pih thei.
Tulaitak khuahun hoihlo kimat kihen tam mahmah ahih manin vaksuk vaktohnate ah kidopsiam ni. Deihloh pen in kimatna khat na tuak leh ZAM palai te hong ko pah in.
KIMAT KIHEN NA TUAK LEH
Zomite sungah kimat kihenna natuak zenzen leh hih phone no. ah na hopih pah in. Nang adingin a tawntung in kigingsa in om den uh hi.
- Sia Tuang Pu : 016 254 4093
- Sia Zo Mung : 017 663 6087
- Sia Maa Mang : 018 913 2587
- ZAM Hotline : 016 293 9027
CONTACT NGAHLO
- 1. Suan Khan Khual (Tuikhal)
- 2. Hau Ngaih Thang (Tuikhal)
Hih atung a sanggamte gel Sungai buloh thong ah om ahihman in, a tanau meltheih ten nakannop uh leh ong huh theiding hi ung. A kicianzaw in theinuam ten Sia Tuangpu na hopih un. Ph 016 -254 4093
NASEP TAWH KISAI
Zomi nasep neilote in nasep tuamtuam om hi. A lunglut leh dot nop aneite in Sia Maa Mang : 018 913 2587
WELCOME TO ZAM
Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi Zomi Association of Malaysia(ZAM) ah nong hawh/phak hamtang in thapiakna leh idea tuamtuam piakna nong neih na dingun kong zawn phapha uhhi. ZAM ZUM HUN 9:00AM-6:00PM
Comment piaknop aomleh...