Dear Tawngno,
Zanni nasepna pan inn katun ciang khuahun kilaih hang hiding hiven ka lutang hong nasim pian in, eilam a taldomte tawh akibang zatang nam khat ne-in tawmvei ka mengmeet leh ka khanlawh ciang ka om hong nuampah hi. Tun bel dam sinsen tain papite pau leh kalang ah nih le thum bang apang zongin a ngap sinsen hita ing.
Ka thuzaksim dan abat leh nang zong hua nu tawh senpi le cin kilawm sa ing. Tunung konggen mah bangin na lawmnu muan dingin na om ding hong deih ing. Ama facebook password khawng ngen in, amah kineih in ama theihloh kal in midangte khawng hopih kha kei in. Na pa in tuadan hoih salo hi ing. Ama personal vante amah bek tawh kisai sak in. Kituul mawh in theinuam kaltang sedah in.
Lawmngaih cih thadah nupa, innkuan khat na ngawn zong facebook, gmail, viber cihte zatkhop dingin hoih salo hi ing. Na nu in tuciang dong ka gmail hita leh, ka facebook hita leh a password pen hong ngen nailo hi. Azenzen in hong ngen mah leh zong piak sawmlo hi ing. Thusim nei-in ama theihlo kal in agamta sim nuam cih bang hi tuanlo hing. Asimnop leh simsak in, a etnop leh zong en sak ding hi ing.
Ahi zongin kei-a, kei min, kei personal van ahih manin ka password pen piak sawmlo hi ing. Kei kineih in ka lawm, ka gualte ahopih ding deihlo hi ing. Na nu kineih in zong midang kuamah hopih sawmlo hing. Tua manin na numin zong ka facebook account min ah hello-in, kei min zong na nu gmail ah hel sese lo hi ing. Kei pen kei, na nu pen na nu hi.
Nupa, lawm kingai cih hangin ka thu khempeuh na nu theih ding kisam gai lo-a, na lawmnu thu khempeuh zong nang theih ding kisam lo hi. Na nu thu khempeuh zong kei theih ding kisam khin ngailo-a, nang thu khempeuh zong na lawmngaih nu in a theih gaih sese kullo hi. Theihtuak ciang khat om a, gentuak ciang khat om a, tua khenval ah theihnop leh theih ding kisam nawnlo hi. Hihte pen aituam van le nate hi-a, anei te bek tawh kisai hi.
Gtn: Na nu pen kei-a hi, ci-in khuasung ah puansilh lo-in vaksak mawk leng, ama personal vante kidawk dinga, kei-a kidawk dihzenlo ding hi. Ka cihnopna ah personal privacy vai agen nuam lua hi ing. Personal privacy cih khit nung ah, midang tawh thei khawm, zang khawm cih hong hithei lo hi. Mi pawlkhatte-in account khat pen a nupa in, a innkuan un zangkhawm in kua taktak cih kithei lo liangin om mawk uh hi. Tuabang pen diklo-a, muanhuai lo-in, muan ngam ding zong hilo pah hi.
Tawngno aw, personal privacy vai limtak khentel in na zattheih kei leh mailam ah na lawmngaih nu ahi-a, na zi tawh ahi zongin buaina tuak ding hiteh. Upmawhloh pi-in na lawmngaih nu in hong muangmawh in na password khat peuhpeuh hong nget leh limtak in gencian theihsawm in, na pa konggen thute na gensawn in. Nang tawh kisai lo, van le nate nang tawh akisailoh lam theihsawm in la, a kisailoh mah bangin a kisailo bangin om theihsawm in.
Athupi penpen ah muan dingin om peuh le hang tua personal van le nate pen ei adingin samzang cia nangawn bangmah ngawngkaina omlo hi. Tua leh adang khat kisuang pipi mah in hong gen mai leng, numei lah hisam lo naih ciang selfies kiziah zong tawmkhat hong hiam zo le cin, ci ing. Tua bek cianlai-in adang khempeuh ah bel perfect ngiat teh! 100% himai!
Na Pa
March 27, 2017
Comment piaknop aomleh...