California Bridge tungpan Selfie akizaihsawm numei khat kiasuk

California Bridge tungpan Selfie akizaihsawm numei khat kiasuk

USA, California aom asang mahmah lei “Bridge” tungpan in Selfie akizaihsawm numei khat kiasuk in aguh atang kitan gawp cih Fox News pan kiza hi. Tua akiatna lei pen “Foresthill Bridge” hi a, hih leipen California State sungah asangpenpen in akiciamteh ahihi. Asangna pi 730 hi a, US gambup aom lei khempeuh lakpan inzong asangpen te lakah akihel ahihi.

Placer County Sheriff’s Office te genkhiatna ah tua numeinu pen amahleh amah Photo kizaihding, Selfie zaihding in akithawi laitak in akhe langkhatin lekkha in dingkip theinawnlo “Lost Balance” in akia hiding ci uhhi.

Investigators te genna ah amahpen alawmte tawh apaikhawm uh cihi. Alawmte khat ii genna ah pi 60 asangpan in akiatsuk khitciangin asih lohhangin khua phawklo cihi. Akhut zong kilawigawp a, aguh ataang teng kitangawpding cihi.

Thunei te’n amanlang in Helicopter tawh puakhia uh a, zato ah kipuakpah hi. Surgery tampi kibawl kulding cih KOVR te’n genkhia uhhi.

Placer County Police te genna ah hih numeinu akiatna munsan tengpen kuamah pailohding in aki khakcip “Restricted Area” hi a, thukham zuilo in paiteitei uh cihi.

Kuamah paitheilo ci’n kikham in lai kisuang himahleh hihte lawmteng pen tuamun ah paiphei veve uhhi. Photo kizaih in abuai mahmah laitak un sikkhialh khat nei in akia hiding kici hi.

Hih “Restricted Area” akicihna mun ah apai teiteite pen palik te’n mattheih, thong khiattheih ahihi. Tuatawh kisai in Facebook tungah mikhat in palik te kiangah dotna nei a, hih numeinu pen adamkik zenzenleh mat athuakdiam ci’n dotna nei citciat hi.

More: Nausuakding tawh Photo akizaih Doctor kua himawk hiam?

Placer County Sheriff’s Office te dawnkikna ah “hihnu pen adamkikleh mat thuaknawnlo dinghi. Banghanghiam cihleh akhantawn in hih thupiang phawkden in hih paitheih lohding akicihna munteng ah paingei nawnloding, pilsuak pahding hi” ci’n dawnkik uhhi. Selfie natna mah hizel ei 🙂 Selfie naki zaihding uhciangin nanung namai, nakiim napam khuadawk masak in, lauhuai hi. ZD Sawltak #zomidaily