Kuala Lumpur aom Vietnam Embassy maiah numeikhat amahleh amah kidawtlum

Kuala Lumpur aom Vietnam Embassy maiah numeikhat amahleh amah kidawtlum

Malaysia, Kuala Lumpur khuasung aom Vietnam Embassy zumpi maiah numeikhat amahleh amah temtawh kidawtlum cih theStar pan kiza hi. Tua amahleh amah akidawtlum pen Vietnam numeikhat hi a, kum 37 aphakhin Tran Thi Mai kici minneikhat ahihi.

Tran Thi Mai pen Vietnam Embassy ah khualzinna akisam Travel Document vai akanin apai kici hi. Tuazawh asawtlo in Embassy apualam ah 11:30am Monday (April 02) hunpawl in amahleh amah aki dawtlum cimawk hi.

Hihvai tawh kisai in palik thunei ahi Dang Wangi OCPD Asst Comm Shaharuddin Abdullah in agenna ah Vietnam Embassy nasemte’n buaina om cih hongzasak uh cihi.

Athu akikanna ah tua numeinu pen Vietnam Embassy ah akhualzin nadingin akisam Travel Document vai akanin apai ahihi. Embassy sungah nasem tetawh kam kinial in, ki hehsuah uhhi.

Tuaciangin tua numeinu pen aheh suakmahmah in, Embassy Staff te otsan gawp hi. Tuakhit ciangin a ipsung ah apuak temta khat kaikhia in, a awmsung amahleh amah kidawtsuk hi.

More: Vietnam numeikhat alupna ah Phone Charging tawh datlaih in si

Tuaciangin Vietnam Embassy sungah aomkha agammipih pasal khatin Hospital Kuala Lumpur ah amanlang in taipih vingveng hi. Tua numeinu pen zato ah aliamma Medical Treatment akibawl kawmkawm in thuakzolo in sisuak cih kiza hi. Sawltak #zomidaily