Melbourne Khuado Pawi 2015
November kha ni 2,2015 Ni in, Australia Gam Melbourne Khuapi ah Zongei na a hi, KHUADO PAWI nuam taak in ki bawl thei hi. Australia gam ah Melbourne Khuapi pen ZOMI te a tam pen na khua pi zong a hihi. Tu kum Khuado pen Zomi Association Australia Makai thak te i, Vai sai na a khat vei na zongh a hi hi. Ni taak nai 5 pan in Khuado an a hi Vaimim leh Bawng sa huan ki ne ma sa in , Ni tak nai 6:20 PM in Khuado hun ki pan thei hi.
A masa pen in Mipiding to in, Australia Anthem leh Zogam Lapi ki sa ma sa aa, tua khit ciang in, Ki pat na ding Rev David Mungpi (FGA) in ki pat na ding thu nget na hong neih sak hi. Tua khit ciang in Zongei na Phit Laam ki zom to in, LAsak na tawh ki zom suak pah hi. Tu Kum pen a diak in UK pan hong pai Sia Zam Pau leh Kawl Gam pan hong pai Rev Go Nang zong hong ki hel thei aa, han thot na tom kiim zong hong nei thei uh hi.
Tua khit ciang in Khuado thu gen na Pa Thang Khan Dal in hong neih sak in, a ki zom in Zomi Idol Esther Sian leh Melbourne om Lasa siam tuam tuam ten lasak na hong nei to suak hi.
Tukum Khuado ah Melbourne om Zomi Pawlpi tuamtuam pan Zongei na Laam ki dem na ki bawl aa, a hi zong in Pawlpi 2 bek hong ki hel thei a hih man in , tua pawlpi te ngel Zongei na laam ki dem na zom to suak aa, A khat na pen MBCC pawlpi in ngah in , a 2 na pen ZMC pawlpi in hong ngah uh hi. Ni taak nai 10 in hun te ki man siang ta aa, Melbourne ah Khuado pawl a pai mi mal , Naupang ki hel vet li 230 kiim bang ki pha hi.
Lamh Kim
Comment piaknop aomleh...