Vasa dangtawh akibanglo “Muvanlai”

Vasa dangtawh akibanglo “Muvanlai”

-”Muvanlai bangin kathahat theihnading”ci-in la in akisakmah bangin thahatna ngal leh tha pen muvanlai tawh kigenteh hi.

-Ahizongin tua muvanlaipen ‘koici bangdan in hat’ cih amu ngei atheingei ih om hangin atheingeilo zongkitam lai khamai dinghi.

-Keizong amungeilo, atamzak ngeilo pakhat kahi a, kei’zak nadan ziau ah ni sauvei a enzo leh asangpipan namuzo cih ciangbek in kaza ngeihi.

-Muvanlai pen amau tangkia bekmah van asannamun ah lenga, vasa dangpeuhmahtawh honlenkhawm ngeingai lo hi. Vasadangte tawh lenghonkhawmgen loh vasadang amuhkhak nangawn apelhpelh hizawlai hi. Amau muvanlai nambekmah tawh lengkhawm bek uhhi.

-Muvanlaipen ganhinglakah mittha hatpen hi a, kilometre nga bangciang agamla nangawn muzohi. Thamlo in nipen mitphia hetlo tak in sauveipi enzo kici hi.

-Sa amuhleh deihtak sal gige in ngimtite a, sabengte in sa angiimciang amit uh aphoisak bangin phoisak hi. Bangmah anawngkaisak a omkei nakleh amatzawh mateng nungkik lohi.

-Muvanlaipen sasialne vasa nam khat hinapi ama’mat, ama’thah ahihkei leh asisa ganhing’sa nelo hi.Mudang khawnghileh sasi(ganhingsi)amuh leh nuamlua kisa laamliang ding uh hi.

-Muvanlaipen huihpi anunciangin alungdam vasanam ahihi. Huipi anunciangin tua huihthatawh meii khengdongin vandawn ah lengto hi. Meiivom akai ciangin lungsimpatau/linglawnghi.

-Muvanlaipen khatleh khat kilungmuanna aomtheihnadingin amauleh amau kisittelna neimasa uh hi. Azenzen in muvanlainu khatin muvanlaipa amuh a, aki iplah/akideihpian tuak uh leh anuzaw lei ah lengsukin apa in delh a, anu in singhiangneu tawm in vandawn ah lengto leuleu hi. Apa in delh leuleu hi.

-Vandawn atunciangin anu in asinghiangtawi khiasuk a, apa in delh in anu in engige hi. Singhianglei atukma in apa in naman a, anu kiangah lentohpih kik hi.

-Anu in nasang leuleu in asangzaw ah lenpih to leuleu a, asanzawkna atunciangin khiasuk leuleu a, apa in delhleu leu hi.

-Tuabanga ahihna ah tua singhiangpen amau ading ki-itna alak tetti hi a,tua banga itna kilah napan in khat leh khat ki lungmuang tuakpan uhhi.

-Muvanlai nu atui dingciangin apa in butom sak a, kuamah in asuksiat anawngkaisak zawh lohnading suangkawm asangtheipen mun ah bubawl uhi. Bu abawl uh ciangin kuamah in asuk siatzawh pakloh ding ngimnatawh singkangkoihmasa a, singkangte’ dawn ah lingbekbek koih hi. Lingakoih khitciangin lopatawh tuambikbek a, tua lopate tungah lingmah koihleuleu hi. Tuakhit teh lopa khawmleuleu a, lingte atuamkik khitteh amul uhbot khia in asungnungpen ah phah uhhi. Gal aomleh lingte’n nadal hi. Bubawl dingteng azawh phitphet khitciang in anu tui a, apa in anzonsak hi. Abu dinga, kisam khempeuh zong apa in tavuan ala ahihi.

-Atuite hongkeuh ciangin anuleh apa akipan innkuankhat hita uh hi. Anote len akisinsak dingciangin anu in apualam ah lawn a,ahizongin lengtheinai lo leh lau uh ahihman in abusungmah ah tuann kik uhhi.

-Anihveina len akisinsak na-ah, abusunga aphah mulneltezong paaikhia a, lingkungtebek koih laihi. Len akisin muvanlai note alau uh ciangin abusunglam zuan in hongtuann kik uhciangin lingin nakai hi.Tuabanga lingin akaihciangin nungtolhzel, zuann zel uh ahihman in sisan bangluanglianghi.

-Anuleh apaa in anote itmahmah hinapi tuabanga, abawlsiat pen lamdangsak huaipi khat ahihi. Asawtlo in apiizong abusungpan honglengkhia hi. Launatawh busunglam zuan a,azuannsuk azuannto anote akiatma in apaa in pikhia a, abusung zuatpihhi. Atawpna ah akhazap in anote zonghonglengtheita hi.

-Muvanlai ateekciangin akha uh anidang a banglo in thazawmta ahihman in manlangin lengtheinawn lohi. Tuabangin thazawma, asih dekdek uh ciangin agamlamahmah suangpikawm khatah bu in tawlnga a, akhamul akipan apumtunga mulkhempeuh atol keukau dongin botmaigai hi. Amulte apokimkik dongtuamun ah omcip a, apokimkik ciangin lengkhia kik hi.

Thuumna: keizong kamittanga, mungei theingei hilo laibusungkhat aki at kamuhteh siamlo pipi konglet kik ahihman in kiteltummel lohna leh no’theihnatawh kituah lohna te nacillum uhtawh navalh khawm un. Phawkluat Zomite aw. William Piang