Vanleng sungah meikhu kidim ahih manin Passenger te patau mahmah

Vanleng sungah meikhu kidim ahih manin Passenger te patau mahmah

Japan, Tokyo City panin Hong Kong zuanin alengkhiading ANA (All Nippon Airways) te vanlengkhat meikhu tawh kidimgawp ahih manin Passenger te patau mahmah cih SCMP pan kiza hi.

Tua ANA Flight pen Airport panin alenkhiatma in hihthu apiang hibilbel a, vanleng sungah alengkhiadinglian in atuangdimdem Passenger leh Ailine Crews te avekin ki tuaksakkik uhhi.

Hih thupiangpen zanni Monday (May 21) ni in Japan, Tokyo City aom Narita International Airport pan Hong Kong zuanin alengkhiading ANA Flight sungah thupiang ahihi.

Vanleng pen alengkhiading in ataina lamzikpi Runway zuanin apaipaita ahihi. Tualaitak in thakhatthu in vanleng sungteng ah meikhu honglut ziahziah ahih manin ki patau mahmahtek hi.

Tualaitak Video Record abawlkha zong na om citciat a, tua Video Clip pen Twitter ah kikhahkhia masa in, tuazawh ciangin Social Media ah ki thehzak hi.

Tuabangin vanleng sungah meikhu alut ziahziah ciangin vanleng sungah nasem Airline Crew tepen Passenger te kunsuk in “brace position” in aomding uh kizasakpah uhhi.

Video: A flight from Tokyo to Hong Kong was aborted just before take-off when white smoke filled the cabin, forcing the evacuation of passengers and crew. The ANA flight had been due to take off from Narita International Airport at 9.50am on Monday when the mist filled the cabin as the plane taxied towards the runway.

https://www.youtube.com/watch?v=vlsB4XsmlG4

Tuakhit ciangin vanlenghawl Pilot in tua ANA Flight NH809 pen adinkhiatna Gantry lamah zuanin paipihkik hi.

Japan NHK Broadcasting te genkhiatna ah tua Boeing 767 vanleng sungah akhugawp pen sathaukhu “oil mist” hi ci’n akhuanung ah genkhia uhhi.

More: Japan ah papi khatin atapa kum 20 sung innsung ah khumcip

Tua ANA te vanleng Boeing 767 sungah tuahsiatna apianlaitak in Passenger leh Crew akigawm in mi 137 atuangkhin dimdiam uh ahihi. Firefighter te genkhiatna ah meikhu hangin Passenger mi 6 tepen naklah in omdan nuamlo hi ci’n pulakkhia uh a, ahi zongin Hospital akipuakliang kuamah omlo hi ci’n NHK te’n pulakkhia uhhi. Vandawn ah alengkhiatkhit ahihloh phadawmlai hi. Sawltak #zomidaily