Witness kisamlai ahih manin Najib kimanthei nailo, Thursday niciang thusitna omkikding

Witness kisamlai ahih manin Najib kimanthei nailo, Thursday niciang thusitna omkikding

Najib Razak pen tuni kimanthei nailo hi, tuni pen ama tungpanin Statement lakna akineiphot hi ci’n Malaysia gamsung ah golhgukne te akankhia kipawlna Malaysian Anti-Corruption Commission (MACC) panin makaipipa Datuk Seri Mohd Shukri Abdull in tuni Tuesday (May 22) ni in genkhia hi.

Malaysia gamsung ah abeisa in Prime Minister asemlui ahi Najib Razak ii makaih 1Malaysia Development Berhad (1MDB) vaitawh kisai in sumneksimna te aki limkansan mahmah laitak hi a, athupi mahmah Witness mi 2 te tungpanin Statement kilaphot laiding a, tuakhiat ciangin mattuakte kiman theipanding hi ci’n genbeh hi.

Tuni in Malaysian Anti-Corruption Commission Headquarters ah Najib pen Statement lakna akinei hi a, tuakhit ciangin Special Media Conference ah MACC Chief in agenkhiat ahihi.

Najib Razak pen abeisa in Malaysia gam ii Prime Minister ahihna tawh MACC inzong ki zahtak mahmah hi. Ih PM luipa pen zahtak ciatding hi a, kuamah ki muhdahna tawh kithuhding, aphu kilakding hilo hi. Ahi zongin kumpi thukhun ombangin kisemding hi ci’n MACC Chief in genkhia hi.

Najib Razak pen MACC Headquarters ah nai 4 valbang thudot thusitna akineihkhit ciangin nitaklam 3:15pm hunpawl in ki ciahsak kikpan hi. Najib in Media te tungah agenkhiatna ah hongtungding Thursday (May 24) ni ciangin khatvei thudotna thuakding in kapaikik kulding hi ci’n genkhia hi.

Video: Datuk Seri Najib Razak has finally left the Malaysian Anti-Corruption Commission (MACC) headquarters after a lengthy questioning session on 1Malaysia Development Bhd (1MDB) subsidiary, SRC International, on Tuesday.

Najib in aciahkhiatma Media te tungah agenkhiatna ah “MACC te tungah Statement ka piakhia khinta hi. Tuni Statement kapiakpen Document te sitcianna hilozaw in, 1MDB vai athu akician in genkhiatna hizaw hi.

Thudotna pen zingsang 10am in kipan a, nitaklam 2:15pm in manpan hi. Statement hongla MACC Team tepen kician in siammahmah, Professional mahmah uh a, kalung dam hi ci’n aciahkhiat madeuh 3:15pm hunin genkhia hi.

Media te’n thudotna neihsawm uh himahleh manlangtak in a mawtaw sungah lutsukziau in, bangmah thuki dottheih omlo, akidong tezong dawnglo in ciahsanziau hi.

1MDB Scandal vai, sum neksimna vaitawh kisaipen 2015 kumpekpan akipankhia ahihi. Ahi zongin tualai in Najib Razak pen Prime Minister aseplaitak hi a, bangmah khialhna kaneikei hi ci’n Najib in nialcipden hi. Tuaban ah 1MDB vai akansawm Malaysian Anti-Corruption Commission (MACC) makaite pen Investigation abawl hangin khakcipsak pahpah kici hi.

1MDB sumvai tawh kisai in Najib in ama mimal Personal Bank Account sungah RM2.6 Billion (US$681 Million) lutsak kici a, tuavai akikan ciangin Saudi Royal kumpi te’n Donation apiak hi cihtawh khupcip sukziau hi.

Tu’n Dr. Mahathir in Prime Minister hongngahkhiat, hongsep taktak ciangin tua 1MDB vai hoihtak in aki kankik theipanding ahihi.

More: Myanmar gamsung ah tukum kha 3 sungin Human Trafficking Case 61 omkhin

Najib ii abeisa sumvai tawh kisai 1MDB gamtatna vaipen tulaitak hoihtak in aki kanciansan laitak hi a, tua Result tungtawn in Najib pen thong akiatleh akiatlohding ki khentatding hi ci’n Dr. Mahathir in genkhia hi. Abeisa in mattheih taktak nading mawhmat kician, Evidence kician taktak kimu nailo himahleh tuni akipan 1Malaysia Development Bhd (1MDB) Special Task Force cih kipawlna in mawhpuakla in Najib ii sumvai limkansawm mahmahlai uhhi. Sawltak #zomidaily