US gamsung khualzinna pawlkhat – 55

Washington Monument

American President masa pen George Washington a simna a phawkna amin atapsak ahihi. Marble (Suangpaak), granite (Suangciip) leh sandstone (Piausuang) tawh kibawl hi. Lei pan 150 ft a phakna ciangdong a suang meel kibang suak aa tua zawh teh ameel kilamdang hi. Banghang hiam cih leh tua nuaisiah teng a man khitteh a suang tawhna ah suang beita hi. Azat ding sum zong beita banah American Civil War tawh buailua mahmah ahih manin sauveipi tak kum (20) sung kikhawl hi.

Atawpna ah mundang khatah a zopsuakna ding suang kito leuleu a, 150ft tungsiah a suang meel kibang taktak zo nawn lo hi. Adawn pen atun takteh pangli mah neisakin zumto sak hi. Tua dawnah lightning rod tangin ‘aluminium tip’ kikoih hi. A kilam zawh Effel Tower masiah leitungah tua namte lakah a sang penpen ahihi.

Amun ding zong DC sung a laizang santak mah adeih hamtang ahih hangin tua munteng citciat pen cikhnawng lak vive ahih manin, abulcin (foundation) abulphuhna dingin a siik a suang tampi zat kul ding a sumtampi beithuah ding banah, haksa lua ding ci in a laizang pan nisuahna lam 100 yards a gamlatna ah lam uhhi. Panet khet pawi ah the 11st President James Knox Polk (1845-1849) Tenn. kah hi.

Tua monument tungah kahtohna ding keellei siiksan 897 steps om a, keellei dungkhat leh dungkhat (flight of stairs) kituah kizopna mun (landing) 50 omhi. Tua hun lai kum 1888 akipan keellei tungah kah in numei pasal kipaisak a khakhat in mi 55,000 in va en ngei hi. Tu hun ciangin tavuan neite lobuang a kuamah peuh tua keellei tawnin kipaisak nawn lo hi.

Keelleite a lui banah mikhat peuh in suksiat theih suksiat mawh a suksiat ding lau ahih manin kuamah kikah sak nawnlo hi. Nidang pek kum akipan elevator om a, muanhuai kisa phalo ahih manin pasal te bek kipai sak hi. Tu hun ciangin hoih takin kibawl pha a, kum khat in a en a hong pai 800,000 pha hi. Anuai monument bultengah US a lan 50 te a kimkot ah khuam phut in khai uhhi. Monument tawh kisai a tomin anuai a bang hi.

Athu atomin:

• Location Washington DC
• Designer Robert Mills in 1836
• Work started July 4, 1848
• Work completed February 21, 1885
• Opened October 9, 1888

Exterior Structure

• Height 555’ 5 1/8”
• Lobby to observation level 500’
• Width at base 55’ 1 ½”
• Width at top of shaft 34’ 5”
• Thickness of monument walls at base 15’
• -do- Observation level 1’ 6”
• Total wt of monument 90,854 shorttons (82,421 t)
• Total number of blocks in monument 36,491
• Sway of monument in 30mph wind 0.125 inches

Capstone

• Wt of Capstone 3,300lbs(1.5t)
• Ht of capstone 5.16ft
• Each side of capstone base 3.0ft

Aluminium tip

• Ht of Aluminium tip 8.9inches
• Width -do- 5.6inches
• Wt -do- 100.0oz.

Foundation

• Depth 36’10”
• Wt 36912 short ton (33,482 metric ton)
• Area 16,001 square ft

Interior

• Present elevator installed 1998
• Present elavator cab installed 2001
• Elevator travel time 70 seconds
• Number of steps in stairwell 897

Azom omlai…
Agelh: Awn Za Pau