Sanginn dailenbuk “Toilet” sungah CCTV kikoihmawk ahih manin ki lungkimlo

China, Beijing High School khat ii pasal dailenbuk “Toilet” sungah CCTV kithuahmawk ahih manin, sangnaupang te lungkim hetlo uhhi. Hihvai tawh kisai in sangnaupang te leh nulepa te’n sanginn thunei te kiangah Complaints bawlngeingai uh cih Chinese Media te’n genkhia hi.

Tua sanginn pen China, Chaoyang District sung aom Tsinghua High School kici sanginn hi a, pasal zunthakna “Male toilet” ii Ceiling tungah Surveillance Cameras (CCTV) kithuah takpi hi.

Sangnaupang khatin agenna ah hih CCTV kithuahpen nopmawh mahmah ahih manin, hih Toilet pen zangngeingei nawnloding hi ing” ci’n Photo tawh Social Media tungah akhahkhiat ciangin mitampi in mu uh a, kigenpah sepsup hi.

Adang sangnaupang khatinzong pasal sangnaupang te giahna Dormitory ii Bathrooms tungahzong tuamah bangin CCTV kithuah cimawk hi.

Hih CCTV kithuah tepen sangsia te’nzong theilo uh a, sangnaupang te’n agenciang in theipan uhhi. Hihbang in CCTV kithuahding cihpen kigenkholh, tangkona cihbangzong omseselo ahih manin, sanginn thusai Management te ki mawhsak mahmah hi.

Ahi zongin sanginn thunei khatin agenkhiatna ah hih Surveillance Cameras tepen sangnaupang thukhun zuilote mattheih nading in akithuah cihi. Sangnaupang zatep tammahmah ahih manin, tuate mattheih nadingin hih Surveillance Cameras te aki thuah hi ci’n genkhia hi.

Tuabek thamlo, sangnaupang te khatlekhat kitawng, kilai kibuan, ki zawhthawh cihtezong ami aki theihkhiat nadingleh tuabang aomloh nadingin daltuam hi ci’n genbeh hi.

School Officials te’n agenkhiatna ah hih CCTV panin aki Record Video tepen pasal sangsiapi “Male Principal” bekin etkhuan nei hi ci’ngenkhia hi. Ahi zongin Students’ Privacy pen omlomawk ahih manin, sangnaupang tampitak leh nulepa te’n lungkimlo uh a, aki hepkhiatding ngetna kinei hi.

Related: China, Beijing aom Public Toilet te ah eklai deihzahzah zat kiphallo ~ ZD

Tua ngetna tawh kizui in sanginn thunei te’n asawtlo in CCTV te hepkhiatding khentatna om cih kiza hi.

Tsinghua High School pen China gamsung aom aminthang mahmahkhat ahi Tsinghua University tawh akizom ahihi. Sawltak #zomidaily