USA, Indiana ah zukhamsa in atate 5 tawh mawtaw ahawl Bawi Lian kiman

USA, Indiana ah zukhamsa in atate 5 tawh mawtaw ahawl Bawi Lian kiman

USA, Indiana State sung aom papi khatin zukhamsa in mawtaw hawl a, mawtaw sungah atate 5 tak tuangsawnsawn cih Fox59 pan kiza hi. Sunday ni zankim lampawl in Indianapolis sung aom palik te’n amat uh ahihi.

Tuapa minpen Bawi Lian kici a, kum 39 aphakhin khat ahihi. Sunday zan 11:30pm hunpawl in Indianapolis sung aom kMadison Avenue lamzik tungah lamkiu khawng aphutkhak ciangin Police Officer khatinzong muangmawh pahhi.

Police Officer pa inzong sulzuihpah in, Banta Road atun ciangin Bawi Lian pen Red Light ngakin khawl hi. Green Light akilaih ciangin paipahlo in, Second 20 sungkhawng khawlciplai a, tuakhit ciangin paikhiapan hi.

Tuaciang in Police Officer inzong Emergency Light hongpah a, delhpah hi. Tuaciang in Bawi Lian zong North Madison lamzuan in taisuak a, tai 1 khawng ahawlkhit ciangin khawlpan cihi. A mawtaw zatpen 2009 Chevrolet Traverse namte ahihi.

Police Officer in mawtaw akhawlsak khitciangin asungah naupang kumcingnailo Juvenile Passengers kum 2, kum 5, kum 9, kum 13, kum 16 cihbang aphapan atate naupang 5 taktawh atuangkhawm ahihlam musawnsawn hi.

Bawi Lian pen kimanpah a, Marion County Adult Processing Center ah sisitding in ki paipihpah hi. Tuakhit ciangin Eskenazi Hospital ah kipaipih in, asi sitding in kilaksak a, Results pen ki ngaklai cihi.

Bawi Lian pen zukhamsa in mawtaw hawl cihbek thamlo, kum 18 acing nailo naupang 5 taktawh hisawnsawn ahih manin, amawhna tamtuak mahmah a, thu tampi kibawlding cih kiza hi.

“Operating while intoxicated, operating while intoxicated endangerment, five counts of operating while intoxicated with a passenger under 18, and five counts of neglect of a dependent.”

More: US, Indiana State ah Kawlgammi khat mawtaw Accident in si

Kawlgam mite hong mindaisak lakah Zu zong athuaklah huai mahmahkhat himawk ei mate… ZD Sawltak #zomidaily