Gupngah kiciatna (Assurance) le Khamuan lahna (Doubt)

Gupngah kiciatna (Assurance) le Khamuan lahna (Doubt)

Pianthak ma le khit, a nih tuak-a thukham zuih zawhna hang hi lo. Thukham i zuih zawh man-a kipiangthak ahih loh mah bangin, i zui zawh lohna pan kitan kik zong hi ziau lo hi. Gup ngah kiciatna pen mihingte’ sepna (human merit) tungah kinga hi loin Khrih ii sepsa (the finished work of Christ) tungah ki-nga hizaw hi. Pawl khat te gen danin tua ni tua kha, nai tua zah, minit setkaan tua zah, zankim laitak lian-in cih banga magic bang phial-a ka kician cih dan kihi gai khin lozaw hi. Ahi zongin gup ngah kiciat kul-a, tua gup ngah kiciatna ah a thupi pen gupna tankik lo cih thu hi.

Gupna tankik lo cihteh mihingte ii i vaipuak (responsibility) kul kikeuh lo cihna hi lo hi. Pawlkhatte’ gen bangin mihing’ tavuan (responsibility) pen 50%, Pasian’ tavuan pen 50% cih bang hi lo zawin, mihing’ tavuan za ah za 100% hi vet zaw hi. Ahi zongin tua 100% zuih zawh a kulna tawh kipiangthak hi loin upna tawh kipiangthak hi beka, pianthak khit ciangin zong 100% i kuhkal zawhna tawh kikho hi loin midik hong tangsak Pa Khrih i muanna tawh kikho (persevere) zo hi bek hi.

Khamuan lahna: Gupna a tan nawn lo ding ihih hangin khamuanlahna (doubt) om lai hi. Pasian in khamuan lahna tawh hong koih lai hi. Tua hi leh mihingte kidawm zaw ahih manin gah hoih gah lawh hi. (God is dealing with doubt so that a man will turn from his sin and make sure himself and bear good fruit). Pasian kihtakna le zahtakna tawh (fear and trembling) na maa uh nawt un…utna lungsim na neih zawh nading uh leh ama deihna na zuih zawh nadingun note sungah Pasian in a tawntungin naa ahong sem ahi hi (work out your own salvation with fear and trembling, for it is God who work in you, both to will and to work) – Filippi 2:12.

Gup ngahsa mite tungah kiciatna le khamuanlahna koi hong om mun zaw hiam? Lungdamnathu hilhna ah gup ngah kiciatna bek uang genin mihing’ lam pan muanlahna (သံသယ) a om lai ahihna thu hemkhia-a, gup ngah zo, hau zo, dam zo cih bangin ei ut thu tawh tua khamuanlahna (သံသယ) pen nawlkhin theih hi lo hi. Gup ngahsa, tan nawn lo ding tek himah ta lehang, tan-ta-zah (doubt) kinei lai tek lua hi. Tua ahih manin gup ngah kician kisa lo pipi mah in zong vantung gam a tung om ding hi.

Up mawh loh pipi teng Heaven na tung, upmawh pipi teng Hell na tung thei lua hi. I Christian nuntakna ah khamuan lahna hong om mun zaw mahmah thei hi. Om vet kei na cih leh a up huai lo phial hi zaw hi. (The Evangelical are too much Assurance that they move a state of doubt). Ahi zongin tua banga ei lam pana khamuan lahna pen gupna tankikna hi lo hi. Doubt သံသယ pen omlai ahihna theih kul-a, launa le linna (fear and trembling) tawh maa nawt ding a kul lai cih nopna hi. Pasian hong gupna thu ah khamuang lo cih lam hi loin, eilam pan i sunga om lai mawhna hanga khamuanlahna pen doubt သံသယ a ci ihi hi.

Tua ahih manin na pawlpi mite tungah hih khamuanlahna သံသယ hangin gupna kitankik lo hi cih thu hanthotna kisam den zaw hi. Gentehna: kuama’ hong theihpih loh a beisa i mawhnate hangin kilungkia thei hi. Tua thute in hong khamuang sak nawn lo thei hi. Tuate siahuai lua mahmah ahi manin hong kimaisak zo nawn lo dingin ki-ngaihsun thei hi.

• 1. Pasian muhdahna kam ka pau kha ngei hi.
• 2. Khrih min ka zangkhai bawl lua kha khin hi.
• 3. Pasian om lo hi cih lam khawngah ka bual gawp kha khin hi.
• 4. Ka tanu a tuah siatna hangin nuvei Pasian koi ah om lawmlawm na hiam o ci-in ka hamsiat kha khin hi.

A tawpna ah hihte zong thumna tawh Pasian kiangah kisikkik-in mawhmaina ka nget khit hinapi ka lungsim sungah mai zo diam ci-in hong lut kik vanvan veve hi – Hih bang hun ciangin gupna a tankik lohna thu, na mawhna bangzah in lian mah leh hong kimaisak khinin, Khrih sisan tawh vuk bangin hong kingo sak khin, midik hong tangsak khin hi cih bang-a kihanthotna kisam den zaw uhi. Thu-umsa mite tungah, “Un un un, in in in, lecin lecin” lam pan-a pat hi nawn loin, “hi hi hi” lam tawh kihanthot lam hizaw ta hi.

Kiciatna (Assurance) le Khamuan lahna (doubt) pen Pasian in a mite i khangcin nadinga hong thuahkhawm sak lai thupha khat hi. Assurance and doubt are parts of God’s dealing with his people for their good. Tua ahih manin gup ngah kician zo ci lanlan-a tua ei lam pan-a khamuan lahna သံသယ kinei lo sak cih pen lam pial thei hi. It is wrong to simply remove doubt from any place in the Christian Life.

✓Khamuan lahna pen kibawl pha thei-a, gup ngah kiciat khialhna pen cih nading om nawn lo hi. False doubt has something to do with it. But false assurance has nothing to deal with it. It is dangerous. Christian khempeuh in a kibang hotkhiatna thupha kingah teka, ahi zongin i khamuanna zah kibang sitset lo thei hi. All Christian have the same blessing of salvation but different assurance. Evan. Suangh Dal