USA aom “Home Depot” Company in nasemding mi 80,000 behlapsawm

USA aom “Home Depot” Company in nasemding mi 80,000 behlapsawm

USA gamsung aom “Home Depot” kici Company te’n Spring sungin nasemding mi 80,000 bang behlapding ci’n tangkokhia uhhi. Tunai Company dangdangte’ nasemmi akhiamlamdang hizawmahleh Home Depot in mi tampitak lakbeh sawmzaw uhhi.

Nasemding mi adeih uhpen Position tuamtuam hi a, Cashiers, Freight Handlers, Customer Service Representatives cihbang hiphadiak hi. Tuapen Permanent, Part-time, Seasonal cihbang in septheihding ahihi.

Nasep ngahtheih nadingin Application bawlziapen abaihmahmah dingin vaihawm uh a, Smartphones leh Tablets khatpeuh panin nasep ngetna Job Application kibawlziau theihi. Home Depot te’n a website tungah asuahsakna ah nasep ngetna Job Application bawlzia pen abeisa hunsangin 80% bang hun tawmbei zawding ci uh a, Minute 15 sungin nasep ngetna ki bawltheiziauding ci uhhi.

Home Depot ah nasep ngetna ahi zongin, vanleina ahi zongin mikhempeuh in nasep baihlamtak leh olno takin ahihtheihding uh ki lunggulh hi ci’n Human Resources ah Executive Vice President asem laitak ahi Tim Crow in genkhia hi.

AT&T Company te’nzong US gamsung ah nasepthak pawlkhat pulakna nei uhhi.

AT&T pen Telecommunications Company minthang mahmah khat hi a, nidang in US gampualam ah nasep apiakte tu’n US gamsung ah semsaknuamzaw ahih manin, nasemding mi 3000 bang sapbehsawm uh cih Fox News pan kiza hi. Nasep neilo te’n na kan dih un 🙂 ZD Sawltak #zomidaily