Breaking News: US gam sungah van man khang khang lai ding

Breaking News: US gam sungah van man khang khang lai ding

US gam sungah abeisa hun in van man khang mahmah aa, hong tung ding Kha te ah zong van man hong khang sem sem lai ding hi ci in billionaire supermarket owner John Catsimatidis in genkhia hi.

Hong tung ding ni 60 sung van man adiak diak in nek leh dawn tawh kisai van man te (food prices) pen 10% bang khang thei ding ahih manin American gam mi khempeuh in i sum zat dan te hoih tak i siam ciat ding thupi mahmah ding hi ci in John Catsimatidis in Fox Business News tawh interview na ah gen khia hi. Van man khan na thu tampi lak pan Supply chain akici van thoh, van puak company ten akisam vante puak zo nawnlo uh ahih manin van man khang hi ci uh hi.

Tu kum sung in zong van man pen 8.6% dong khang hi ci in US Labor department in taangko khia khin uh hi. Nabisco, Pepsi leh Coke company cih ten zong asawt loin avan zuak te uh aman ka khangsak thei ding uh hi ci uh hi.

Pu Biden Kumpi in belh van hong puak supply chain te tawh ka kiho uh aa, Gamdang leh gam sung pan van te atun na phualpi khat ahi California Port pan vante amanlang thei thei in hong kipuak theih nang ka vaihawm uh hi ci uh hi.

More: Hausa pan tawp ~ Pau Khat Suan

Tua hi aa, billionarie John Catsimatidis ii cih dan mah in mipi akua mapeuh in i sum zat dan te i siam tek ding thupi mahmah ding hi. Thomas Mung Ref: Epoch Times, Fox Business News