USA, New York ah apuakkham khat om, mi 29 liam

USA, New York ah apuakkham khat om, mi 29 liam

USA, New York khuapi sungah Saturday zanlam in apuakkham khat om a, mi 29 liam in tualak ah khatpen huaisia mahmah cih AFP News pan kizasawn hi. Hih puakkhamna munpen Chelsea sungah hi a, apuakkhap hun pen Local Time 8:30pm hunpawl ahihi.

Hih vengsung 131 West 23rd Street sungtengpen Weekend hileh mi atam mahmahna munkhat hi a, Restaurants, Bars leh Luxury Apartment Blocks tampi aomna munkhatzong ahihi.

City Police Commissioner te genkhiatna ah hihpen tuciangciang Terror Group tetawh kizopna aomlam kithei nailo cihi. Ahi zongin athu aki theician hinailo hi.

Tuaban ah Terror Organisation tezong kuamah in ko ii gamtatna hi aci omnailo uh cih City Major khatin genkhia hi.

Hih puakkhapna vaitawh kisai President Barack Obama zong ki zasakkhin a, White House panin Official in thuzaksakna asawtlo in Update bawlding uh cihzong kiza hi.

Hih buaina hangin aliam mi 29 te lakah mi 24 tepen liamna tuamtuam hangtawh zato muntuamtuam ah kipuak kawikawi uhhi.

Hihmun panin Block 3 khawng akigamlatna aom mikhatpa genna ah agin ngaihmahmahkhat honggingdam a, tuakhitciang in hongdai dide hi. Tuakhit ciangin palik leh zato te mawtaw panin Sirens awging hongkiza ziahziah cihi.

Palik te’n hih puakkhapna muntengpen umcippah uh a, ageinai aom Subway Station tezong ki khakcipsak hi. Police Helicopters tezong atungah kimvial in lengkawikawisak uh cih kiza hi.

9/11 Attack khitzawh kum 15 acin ciaptehna Anniversary zong nungkaldiak in akibawl hi a, tuahunlai bangin New York khuasung ah buaina apianding khuasung mite patau mahmah uh cihzong kiza hi. ZD Sawltak #zomidaily