US kumpi in Syria gamsung “Tomahawk Missile” thaupi tawh kap kipanta

US kumpi in Syria gamsung “Tomahawk Missile” thaupi tawh kap kipanta

Syria gamsung ah zatding akiphallo Chemical Weapons te kizang veve in, khuasungmi tampitak in sihlawh uhhi. Tuabang gamtatna te athuhkikna in United States in Thursday zanlam in Tomahawk Missile thaupi zangin Syrian Government kapta uh cih Fox leh NBC News pan kiza hi.

President Donald Trump in Syria gamsungah Chemical Attack kibawlin Civilian tampi in sihlawh ahih manin, tuate Military Strike bawlding in thu kapia hi ci’n genkhia hi. Syria gamsung ah tualthahna, sisan naisan luanna te beisak tading hihang ci’n tangko khiata hi.

Mediterranean Sea tuipitung aom U.S. Warships tembaw 2 tungpanin Syria gamsung ah Tomahawk Missile thaupi 59 vei ki lawnkhinta hi ci’n NBC News te’n pulakkhia uhhi.

U.S. Officials te’n agenkhiatna ah hih thaupi tetawh akikap pen mihing hilozaw in, Aircraft vanleng tuamtuam leh khuasung Infrastructure te akikap hizaw cihi. Vanleng taina Runway leh Gas Fuel Pumps tezong kikapkha cih kiza hi.

Syrian State TV inzong Friday ni in agenkhiatna ah “American Aggression” te’n Syrian Military Base te’n ngimin Missiles thaupi honkhattawh keksa in hongkoih uh ci’n genkhia hi.

Tomahawk kici agamlapi kaptheihna Missile thaupi te 50 valbangin Syria, Homs khuapualam aom Shayrat Airbase pen ngimsa in koihkhin uh cihi.

Abeisa Tuesday ni in Chemical Weapons kizatna hangin Syria gamsung ah khuasungmi, tualsungmi “Civilians” tampitak in sihlawh uhhi. Asi bekbek pen Fox News te genna ah mi 72 phakhin ci uh a, tualak ah numei naupang tampitak kihel cihi.

President Donald Trump inzong Florida, Mar-a-Lago panin agenkhiatna ah Syria Assad Government in ahuhding aomlo numei naupang tampitak Chemical Weapons tawh bawlsia uhhi.

Pasian bawlsa a it huai naupangno te hihbangin bawlsiatding, thuaksakding hilo hi ci’n Donald Trump in genkhia hi.

More: Australia gamsung aom Airport te ah Security Check ki limbawl mahmahding

Breaking News pan tuateng kizaphot a, athu akicing in akizakbeh ciangin Update kik zelzel ni. ZD Sawltak #zomidaily