US gamsung alutding vanleng sungah Electronics Device agol zat kikhamding

US gamsung alutding vanleng sungah Electronics Device agol zat kikhamding

US gamsung zuanding in alengding gamdang vanleng te sungah Electric Devices agolpian (Mobile Phone sangin agolzaw) te puakkhuan khakcipding US Authorities in geelna nei cih Reuters pan kiza hi.

Hihbang in “US-bound Foreign Airline” te ah khakcipna abawlsawm pen vanleng sungah ngongtatna aneihsawm Terrorism Threat om ahih manin Planning akinei hi ci’n US Officials te’n Reuters te tungah zanni in genkhia uhhi.

Hih thukhunthak “New Rule” pen Department of Homeland Security (DHS) panin amanlang theithei in ki tangko khiading ci a, Monday ni bangin aki tangko khiatding ki ummawhpah hi. Abeisa nungdiaksungteng in US Government in lauthawng sakna Threat tuamtuam tuakkha ahih manin hihbang in geelna anawhneih mahmah uh ahihi.

Hih thukhunthak pen Foreign Airlines sawmval peuhmah ah kizang khading kici hi. Associated Press kici AP News te ii pulakkhiatna ah tua thukhunthak pen adiakdiak in Middle East leh North Africa gamsung aom gam 8 te tungah kizangkhading ci uhhi. Middle East leh North Africa gam 8 sung aom Airport 10 te panin US gamsung zuanin alengding vanleng te acihna ahihi.

Middle East sung aom Jordan leh Saudi Arabia gam te ii vanleng Airlines te khakcipna Ban sungah kihelding ci’n Reuters te’n genkhiatna neikhin uh a, adang gamte ahihleh bangmah pulakna kinei nailo hi.

More: USA, New Orleans Parade pawisung mawtaw khatin nawkgawp in mi 28 liam

US gamsung aom American Carriers te ahihleh bangmah khakcipna omloding cihi. US gamsung azinding, US zuanin alengding te’n theihhuai ahih manin, naki hilhsawn un. ZD Sawltak #zomidaily