Zomi National Council of Myanmar (ZNCM) kumpi theihna laipi ki ngah

Zomi National Council of Myanmar (ZNCM) kumpi theihna laipi ki ngah

ZOMI NATIONAL COUNCIL OF MYANMAR (ZNCM) kumpi theihna CSO Registration Provisional Laipi kingah ta

Kawlpi bulphuh Zomite kipawlna athak khat ahi – Zomi National Council Of Myanmar(ZNCM or Zomi Council) min tawh kumpi ah Registration kibawl a tu-in Provisional Certificate kingah ta hi. Certificate taktak ngahna dingin SB2 zum ah Mar 28-29 sung Executive Committee member khempeuh inquiry om a avekin kizo ta hi. Hih mimal tangthute amau SB2 zum in tungsiah ah na puak dinga asawtloin Laipi taktak kingah ta ding hi.

4.4.2015 ni zingsang nai 8 hunin Zattawm Laipi lopna leh Laipi Taktak ngahna dingin hun kibawl ding ahih manin

hong pai theite kinuam mahmah a hong pai theilote in thungetna tawh nong panpihna dingun committee tangin kong cial hi.

Zomi national cih min tawh ibuaisa hinapi Pasian hehpihna leh Dawi havang kal ah akingah ahih manin Zomi buppi lungdam ciat ni cih ka lam-en uhi. Tu-in Zomi National – Zomi Nampi cih min tawh Council khat Kawlgam ah anei thei ding isuak hi.

Mapang khawm ni.
Committee tangin…