US Colorado State Motorcycle Show ah mi 1 si, 6 liampha mahmah

US Colorado State Motorcycle Show ah mi 1 si, 6 liampha mahmah

US gamsung Colorado State ah akibawl Motorcycle Show ah thau kikapna leh temta tawh kidawtna om ahih manin mi khat sipah in, adang mi atawmpen 6 peuhmah liamding hi ci’n kumpi thuneite in Saturday ni in genkhia uhhi.

Colorado State ii khuapi ahi Denver khuasung ah hih Motorcycle Show akibawl hi a, buaina apian ciangin aliam abai te Local Hospital ah kipuakpah hi.

Denver Police Spokeswoman Raquel Lopez in Reporters te kiangah a genkhiatna ah hih buaina sungah thau zong kizang a, tem zong kizang hi cihi. Siluang khat ki mukhia a, adang aliam zong pawlkhat om uhhi. Ahi zongin hih vai ah amakai akhutkhial kua cih ki theician liannailo cihi.

Denver Post te ii genkhiatna ah hih buaina pen “shooting/stabbing melee” ci uh a, thau kikapna leh temta tawh kidawtna buaina lianpi khat in ciamteh uhhi. Amin aki genkhia nuamlo khatin hih buaina pen Motorcycle kidemna panin hong kipankhia hi cihi. Ahi zongin tua agenkhiapa pen migilo te’n aphu alak kikding patau ahih manin, amin ki genkhia nuamlo hi ci’n Newspaper te’n gelhkhia hi.

Denver Health Medical Center te’n amau kiangah mi 7 hongkipuak a, tualak ah asisa khat kihel ci uhhi.

Aliam 6 cihna hi a, aliam te zong huaisia mahmah uh a, lametna tammello ci uhhi.

Colorado Motorcycle Expo pen Saturday ni panin Sunday nidong Denver’s National Western Complex ah akibawlding hi a, US gamsung Motorcycle Events khempeuh lakah a nopcipen leh agol pen dingin akigen khat ahihi. ZD Sawltak #zomidaily